2 Korint 6:1 - NQAARIIT NE ROOG

¹ In we ndefna jaajal Roog, kaa i maƭooxaa a nuun nu mbañ o yapatil yirmande fee Roog nu ndaawna.

2 Korint 6:1 Referans Kwoze

Hebre 12:15

Mbootooxyo boo ba o leng a fes yirmande fee Roog a cinj. Kaam ee ba o leng a ndeer nuun a ref nen ndaxar ndali naa saxna, soo xa tim um a toroxandaa wiin mayu.

1 Korint 3:9

In, waa na njalaa fa Roog i ndefu, nu ndef a ƭing um. Kaam ee nuun ndefu itam tabax ñoow ne ten.

1 Piyeer 4:10

Oxuu refna na nuun kaa ref nen o tag o paax oxaa Roog a doxinna ci’it pogreer. Yaaga koy, fat a dimle’taa lakas we ci’it ne ta daawitna na Roog.

Galati 2:21

Fañkiim yirmande fee Roog, yaam a reeƭangaa yee o kiin a waaga ɗeetel nen o cofu mbaambir Roog yaam ne ta fi’aa ke kebil ke a layna, Kiristaa dey’ee o xon.

Hebre 12:25

Yetooxyo boog! Ba nu mbañ o nan-giloox oxe na layaa fa nuun. We mbañ’ina o nan-giloox oxe cooxoogna a den yaaga a maƭax a katu na Roog, ndaɗ’ee a qaw ale. Yaaga boog, i mbaagkee o ndaɗ, yaa i mbesna a cinj oxe fodna took asamaan, a layaa fa in.

O leetar ole Pool a bindna GIMU WE NGENNA ROM 12:1

Fog we, ne Roog a letinna yirmande um took in, mexey xeɗaa a nuun, nu ƥoxotin cer nuun nen sadax faa na ñoowaa, a ted too a felin bo. Neene nu mbaru o mbaɗoortaa a Roog.

Galati 3:4

Ndax ke nu ƭeetlooxeena fop, kasaara a refkaa? Ha’aa o mat, refkiran.

A pi ake 14:3

Pool fa Barnabaas a miñ’a Ikooñum. Kaa layoogu fa doole, too a njeg a koolax no Yaal oxe. O Yaal oxe a ci’a a den sañ-sañ faa da mbi’taa xa anddiloor fo comlaand. Neene, a lalta yee ke da mbaare’oogna na yirmande fee ten ndigil kak oo.

Tiit 2:11

Yirmande fee Roog a feeñle, ndax ta ref a cur a muc no wiin we fop.

Mace 23:37

«Yeerusaleem, Yeerusaleem, wo fee na saŋkaa duleer we, wartaa a kac we luliideena me wo, a caf a mayu bug’aam o fokat xa ƥeef ne a cek a fokatta xa ñeek um yoora a nafir um, too nu mbañ!

2 Korint 10:1

Mi Pool fa xoox es na xeɗooxaa a nuun na pexey o ɓuuɓel fo o paaxel ole Kiristaa, mi fee na layeel ee kaam neewaandoox na kid nuun, too ɗom tig bo na nuun yaa laqooxuuma.

Yeremi 8:8

«Nam nu mbaagu o layit ee: ‹Yaal-o-and i ndefu, kebil ke no Yaal oxe key fa in›? Yaam no ndigil, a pindir ale no jaajangin we no kebil ke a naɗa kebil ke no Yaal oxe.

1 Sami’el 14:45

Xiixire waa fop a ndalfooxa o lay a Sawul ee: «Xar? Yoonatan o mat xonkee, ten fee fexeyna boo Isra’el a jeg o ndam o maak onqene. Kaaga jegkee muk! Ne ta wooritna yee o Yaal oxe xe ñoowaa, o biil o leng samitkee no xoox um, yaam fo o ndimle Roog a fi’tu ke ta fi’na xaye fop.» Maaga, xiixire waa a mbata a Yoonatan boo xonee.

A pi ake 11:23

Yaa ta fadiidna, boo a ga ne Roog a barke’itna gimu we, a felakinooxa. Maaga, a maƭooxa a den den fop, ndax da ndamoox no Yaal oxe fo xeeñ tigi.

1 Tesalonik 3:5

Ten taxu, ye waag’ateeranuuma o muñ, luliidaam a Timote me nuun, ndax ta feednaam o ngim nuun, yaam kaam saɗaroogu yee xan o poofoog oxe a nax a nuun boo calel ƭomu in a ndef kasaara.

Hebre 4:1

Roog a rega a in ee xan i ñootnoox fo ten. Fat i mbootoox a paax boog, yaam ndik o leng na nuun a ga ee rokee na ñootnax aleene.