2 Korint 5:9 - NQAARIIT NE ROOG

⁹ Ten taxu ke i moƴna o mbug refu i mbel o Yaal oxe, ta ref yaa i ñoowaa no cer keene mbaat i sutoox teen.

2 Korint 5:9 Referans Kwoze

Kolos 1:10

Yaaga, xan nu mbaag o ñaaƴit ne o Yaal oxe a bugtuuna, xeeñ um a let na nuun, nu saqik a pi a paax a pagatar, maakit o and a Roog.

O leetar ole Pool a bindna GIMU WE NGENNA ROM 14:18

Oxe na dagoortaa a Kiristaa neene, refu oxe felna a Roog fo xe jofooxna wiin we.

2 Piyeer 3:14

Nuun we fexuuma, ten taxu, ne nu cungaa bes feene, ngoorgoorlooxyo ndax nu nqool, ñak sik mbaambir Roog, ndef na jam fo ten.

1 Timote 4:10

Andaa koy ee kaa i njalaa, ngomreel, yaam ne i ndoonna yaakaar in na Roog fa ñoow jok fee. O ten o mat refu o Muumucil no wiin we fop, a moƴin o ref koy sax no we ngimna.

1 Tesalonik 4:11

Kaam ee fat ngoora nuun a ref no ñoowaa na jam fa jam, topatooxaa calel nuun, ñoowtaa onj nuun ne i ngeblituuna a nuun,

Mberaand 4:7

O fosooxangaa paax, a tagid of a let, ndaa o fosooxangaa paaxeer koy, bakaad fee xey no don-maax of a ɓeedang, kaa rek, ba o ci’in o gom!»

1 Tesalonik 4:1

No lakas ke koy, fog we, nu njangta na in ne nu mbarna o ñaaƴit boo mbaag o mbel a Roog, too meene sax a koorgoorlax nuun a refu. In we nqeɗan a nuun, too in we ndegdinooxan a nuun no gon le no Yaal oxe Yeesu: Moƴyo o ngoorgoorloox boog!

1 Korint 15:58

Ten taxu, fog es we fexuuma! Ndamlooxyo, saƭik, moƴ o njalanaa o Yaal oxe, yaam and ee calel keene mbe’kee a koƥ.

O leetar ole Pool a bindna GIMU WE NGENNA ROM 15:20

Mi koy, kaam heboox o yegnitaa Yegil mbaax ne me no we moseerna o nan kaa jofna na Kiristaa, ndax maxkiim took fer no kiin o lakas.

O leetar ole Pool a bindna GIMU WE NGENNA ROM 14:8

I naangangaa o ñoowaa kañ, o Yaal oxe i ñoowanaa, too i nqonangaa itam, o Yaal oxe i nqonanu. Neene itam, i ndefangaa no ñoow mbaat na fa nqon, o Yaal oxe i ndefanu.

A pi ake 10:35

ndaa no qeet ke fop, oxe feluuna refu oxe saɗaruuna, too a fi’aa cofu.

Esayi 56:7

xam ɓisiid a den took o joong o tedu le mi. Xam mayƭand a den fo o ɗaay kam Mbind a qeƭ ne mi, jaɓ sadax toxel ke fo sadax lakas ke da ƥoxotkaxam fop took o sadaxand ole mi, yaam Mbind es xan a xoyeel Mbind a qeƭ no qeet ke fop.»

Hebre 12:28

Fat i ngidim a Roog boog, yaam i ndaawa maat naa waageerna o yen. Fat i lal a Roog o ngidim onqeene, ten refu i ndagooran naa feluuna. Fat i niwin itam, too njeg no ten caƭar.

Hebre 4:11

Fat i njeem fa doole in fop boog ndax i ndok na ñootnax aleene. Fat i mbi boo o kiin oo kiin na in a fañ o nanaƭar ne waa ndeeƭna na koƥ-a-ƥor alaa a nanaƭarit’ina, boo ndokee na ñootnax aleene.

Kolos 1:29

Keene itam refu calel es, um gomriteel doole um, ta jalaa na mi fa katil.

2 Korint 5:8

Kaam ee, kaa i may fo njambaar, too mbugat sax o sutoox cer keene, ngenik paam o Yaal oxe.

2 Korint 5:6

Kaa i may boog fo njambaar kili, too i anda yee feek in we ñoowaa no cer in keene, i matafulee ngenand ne no Yaal oxe.

YEGIL MBAAX NE YEESU ne Saŋ a bindtuuna 6:27

Koo qoyni, baa ŋos-ŋos nuun a haan no ñaamel ke andoona yee a miñ miñ kaa ƥooskaa rek, ndaa fat a haan no ñaamel ke na ndefkaa boo no ñoow o fagkeer olaa, too o Ƥeenqe no kiin oxe a ci’kan a nuun. Ten o mat, Roog Faap fee a ñaasu.»

Efees 1:6

Yaaga boog, fat i simat a Roog yaam yirmande um fee ta ci’na a in no fud o letu no Ƥeem onqe ta fexna fex.