2 Korint 5:8 - NQAARIIT NE ROOG

⁸ Kaam ee, kaa i may fo njambaar, too mbugat sax o sutoox cer keene, ngenik paam o Yaal oxe.

2 Korint 5:8 Referans Kwoze

2 Korint 5:6

Kaa i may boog fo njambaar kili, too i anda yee feek in we ñoowaa no cer in keene, i matafulee ngenand ne no Yaal oxe.

1Saŋ 3:2

Fog es we fexuuma fex, ndiiki xa ƥiy Roog i ndefu, too ke i ndefkaa laltafulaand. Kaa koy, i anda yee yaa Kiristaa a feeñkaa, xan i nand fo ten, yaam xan i nga’in ne ta nandna nand.

YEGIL MBAAX NE YEESU ne Saŋ a bindtuuna 14:3

Boo retuuma, boo nu njeg maa nu moofna, xam nomtooxiid, xot a nuun, ndax me um refkaa, nu ndef maaga nuun itam.

2 Korint 5:9

Ten taxu ke i moƴna o mbug refu i mbel o Yaal oxe, ta ref yaa i ñoowaa no cer keene mbaat i sutoox teen.

A kim a tedu ke 17:15

Mi o mat, o cofel xan a tax um ga mukit of, too um yokooxangaa, xam ɗeetaa o mem of boo deyƭoox.

A kim a tedu ke 16:11

Kaa o lalaxam a ƭat ale no ñoow ole, o ɗaay o deyu sik na xotteel mbaambir of, o sawar o fagkeer a ref na ñamaak of.

Mbeeñil 22:3

A kalak Roog njegkatee. Gamb no maad le Roog fo o Mbaal onqe a njegna kam teeru fee a refkaa, too dag we Roog xan a mbaɗoox a Roog.

A pi ake 21:13

ndaa Pool a doona yee: «Xar taxu nu loolaa, yaqaa xeeñ es? Ndax nu andee yee fañiim o humel soom, ndaa jaɓaam o warel Yeerusaleem sax yaam gon le no Yaal oxe Yeesu.»

YEGIL MBAAX NE YEESU ne Saŋ a bindtuuna 17:24

Faap, kaam bug muu refuuma we lasaxamoona a moof fa mi, ndax da nga o ndam es, refna onqe ci’axamoona, yaam kaa o fexaam yaaga adna ferooxafulee.

YEGIL MBAAX NE YEESU ne Lik a bindtuuna 2:29

«Ndiiki koy o Yaal oxe, xaƴaam mi fee o paɗ of, um mooc na jam ne regtitanoona,

Mace 25:23

O yaal mbind um a layaan ee: ‹Jook a njal, o paɗ o paax o kore’u xe! Gore’aa no tig neewu, ten taxu xam doxnong mayu. Rokiidi too felakinoox fo o yaal mbind of!›

Mace 25:21

O yaal mbind um a layaan ee: ‹Jook a njal, o paɗ o paax o kore’u xe! Gore’aa no tig neewu, ten taxu xam doxnong mayu. Rokiidi too felakinoox fo o yaal mbind of!›

Xa peƭit axe 14:32

O soxodu xe, kañaan um na maafan, o cofu xe mat a jega a koolax boo na fa nqon.

YEGIL MBAAX NE YEESU ne Saŋ a bindtuuna 12:26

Oxuu na dagooxaxam, fat a reefaam. Muu refuuma, maaga o tag es a refkaa. Oxuu na dagooxaxam, xan Faap es a niwin.»