2 Korint 5:7 - NQAARIIT NE ROOG

⁷ Kaa i ñaaƴtaa o ngim onqe, ndaa refee fo ke i mbaagna o nga.

2 Korint 5:7 Referans Kwoze

2 Korint 4:18

Ke i ngorooxaa koy refee ke na yulaa a kid in, ndaa ke i mbaageerna o nga, yaam ke yulna a ngid of kaa faafaa. Ke waagaandeena o ga koy, jegee muukandoong.

1 Piyeer 1:8

Nu mbexaan, too nu mosiran o nga. Boo ndiik, nu nga’afuliran, ndaa kaa nu ngimaa no ten, soo mbelakinooxaa fo o ɗaay o maak o jegu o ndam onqaa waagaandeena o lay,

Hebre 10:38

Neene koy, oxuu ɗeetuuma nen o cofu, xan a ñoow na pexey o ngim um. Kaa koy, a nomtooxangaa a cinj, sawarkatiim no ten.»

Galati 2:20

Refatee yee mi na ñoowaa, ndaa Kiristaa na ñoowaa na mi. Kaam ee um naagangaa o xuƥaa ndiiki sax oo, no ngim no Ƥeenqe Roog um ñoowaa, ten fee fexaxama boo a ɓoxot o ñis um yaam mi.

1 Piyeer 5:9

Nqoxyo o ƈiƴ oxe, saƭik no ngim onqe, too and ee coono leng kut ke ndalu fog gimu we nuun kam adna fee.

1 Korint 13:12

Ke i nga’aa ndiiki, kaa nand nen no ɗeendoor i nga’aa, xoolee qac, ndaa a koom xan i njasnoor fo xe i ƈookna no ɗeendoor ole. Xaye, a seek a leng rek um ga’aa, ndaa na bes faaga, xam and ne Roog a andtaxama.

2 Korint 1:24

I mbaaƭee maa i sepitna a nuun ke nu mbarna o ngim, yaam kam o ngim onqe sax nu sinje. Ke i mbugna refu i ndimle a nuun ndax nu njeg o ɗaay.

A cangatin ale 12:9

yaam ne nu mbadafuleerna me nu ñootnoorkaa, no lanq ke o Yaal oxe Roog nuun a ci’na a nuun.