2 Korint 5:5 - NQAARIIT NE ROOG

⁵ Oxe jagandanna a in a suptax aleene refu Roog, ten fee ci’na a in Yiif um nen a ƭegeer njigand no paax ke ta geekanna a in.

2 Korint 5:5 Referans Kwoze

2 Korint 1:22

Ten ñaasu a in o anddiloor um, a fudniid Yiif Tedu le kam a qeeñ in nen a ƭegeer njigand.

O leetar ole Pool a bindna GIMU WE NGENNA ROM 8:23

Kaam ee, o ƭomel oleene koy dalee took adna fee soom, ndaa took in itam, in weeke ndaawna boo ƈut Yiif Tedu le nen a ƭegeer njigand no ci’it ne Roog. In itam, kaa i ŋuusaa taa kam in, too cungaa yaa Roog a dalinkaa a in nen xa ƥeem, a wat a in boo o sayoom sax dikkatee cer in.

Efees 4:30

Ba nu ngooyand Yiif Tedu le Roog. Mee ndax Yiif le refu o ñaas ole Roog lalteena took nuun! O ten na woornaa yee xan a jeg bes faa Roog a watkaa a nuun tigi no paaxeer boo faw.

1Saŋ 3:24

Oxuu na gayaa kebil ke ten, na Roog a genu, too Roog itam a gena no ten. Mene i anditkaa yee Roog a gena na in: A ci’a a in Yiif le ten.

Efees 2:10

Yaam Roog saku a in, a fokat a in na Kiristaa Yeesu, ndax i ngen na pi a paax akaa Roog a jagandanna a in yaaga.

2 Korint 4:17

Yaaga boog coono miñeer ke i ngomaa, meɗee a in, yaam o ndam o njegee nand onqe ta jagandankaa a in, too a refkaa boo faw.

Esayi 61:3

Kaa ñaawooxaa a Siyoŋ, ndaa o jaf es refu um supit naqad den o ɗaay o jegee hap, ndaw ke na qoox den, um suptin tañalax mosu, ñaawax den, um suptin diwliin o mbelakinax, soo yiif naqadilooxu le den, um suptin ndoki simatir. Maaga, xan a nqoyeel pudaay ke no cofel ole fo a ƭing ale no Yaal oxe na feeñlaa o ndam um.

Esayi 29:23

yaam yaa xa ƥeem a nga’kaa ke um fi’kaa a ndeer den, xan a tedland gon es. Xan a tedland o Tedu xe Yakoob, a saɗar a Roog fee Isra’el.

Esayi 60:21

Xeet of fop xan a ndef jofu, a njeg saax le boo kili, den we ndefna tuufe-duufe kaa na saxaa kam a ƭing es, a ndef we saktuuma xa ƥay es ndax da lalit o ndam es.