2 Korint 5:4 - NQAARIIT NE ROOG

⁴ Yaam nuu i ñoowtaa kam ƭiif neene, xan i ngenit xa iin nen kaa i ndoxondoox ndoq meɗu. Ke i mbugna, refee yee i mboloox cer in keene, ndaa kaa i mbug o ndokooxatin cer aa-asamaan ke in, ndax ke warna o xon a waag o ɗuuɗoox kam o ñoow ole.

2 Korint 5:4 Referans Kwoze

2 Korint 5:2

Ten taxu i iinaa kam ƭiif neene, yaam i tayaa o ndok kam ngenand in njegee sik ne refna took.

Esayi 25:8

Xan a ñuf fa nqon boo kili. O Yaal oxe na refkaa boo faw xan a forit xa kooniit axe no mukit no fop, too xan a watin gaci fee dalna xeet um took lanq ke fop. Keene o Yaal oxe a regtu.

2 Piyeer 1:13

Kaa koy, a wooraxam ee a faaxa, ndax um layatinin a nuun, ye maaduuma o ñoowaa boo ndiik, ndax um yokit a nuun a betandax es.

Esayi 38:12

Ngenand es kaa baytel nen ƭiif no kaynaak, a joorel maa goƭaxama. Kaam dor o ñoow es nen o tiiriw a tiwand oxaa muukna o eed um boo a ɗegiidaa xa ƥaak axe. O Yaal oxe, no ñaal ne fop kaa o ñaatnoogaam,

O leetar ole Pool a bindna GIMU WE NGENNA ROM 8:23

Kaam ee, o ƭomel oleene koy dalee took adna fee soom, ndaa took in itam, in weeke ndaawna boo ƈut Yiif Tedu le nen a ƭegeer njigand no ci’it ne Roog. In itam, kaa i ŋuusaa taa kam in, too cungaa yaa Roog a dalinkaa a in nen xa ƥeem, a wat a in boo o sayoom sax dikkatee cer in.

1 Korint 15:51

Xam lay a nuun kaa refna kunpa itam: In fop, i nqonkee, ndaa in fop, xan i suptoox.

2 Korint 5:3

I ndokangaa maaga, xan a ref nen kaa i ñiroox, i yoqkatee duŋ.