2 Korint 5:21 - NQAARIIT NE ROOG

²¹ Kiristaa fee moseerna o fi bakaad, Roog a gadnaan pakaad ke in, ndax no ten, Roog a ɗeet a in nen jofu.

2 Korint 5:21 Referans Kwoze

1 Piyeer 3:18

Jaf leng kut, Kiristaa fee jofna a xona yaam pakaad ke no jofaƭaru we, ndax ta ɓisiid a nuun maa Roog. Cer um kiihiin a nqona, ndaa Yiif Tedu le a nomtiidaan no ñoow ole.

O leetar ole Pool a bindna GIMU WE NGENNA ROM 5:19

Nanaƭar no kiin o leng kut oxe taxu wiin mayu a ndefat baabakaad. Neene itam, yaam o kiin o leng kut oxe nananna a Roog, mayu xan a ƭeetel nen jofu.

Galati 3:13

Kiristaa a wata a in na salax ale no kebil ke, ye ta salooxeena, ten fa xoox um yaam in, ne ta bindteena yee: «Oxuu rengeena took a teex, a salooxe.»

1Saŋ 3:5

Nu anda kene sax: Yeesu a feeña, ndax ta watin pakaad ke. Bakaad fa leng refee no ten.

1 Korint 1:30

O ten doonu a nuun na Kiristaa Yeesu. Kaa Roog a fi a Kiristaa ta ref na in o jeg-yiif fo o cofel fo o tedel fo a bateer,

Filip 3:9

Neene, xam soƥel no ten, refee koy fo o cofel ole na hataa no reef kebil ke Moyiis, ndaa fo o cofel ole o ngim na Kiristaa a cooxtaa, o cofel ole na daawteel na Roog na pexey o ngim.

2 Korint 5:17

O kiin a fogangaa na Kiristaa, mbindel nqas a refatu. Ke hiidna a wata, soo fop a refat qas.

Hebre 4:15

O saasadax o maak oxe i njegna waagee ñak o xij fa in no neew doole in. O saasadax o maak oxe in a ɗeetlooxe no kuu refna nen a in, ndaa mosee o yen na bakaad.

O leetar ole Pool a bindna GIMU WE NGENNA ROM 4:25

Kaa Roog a ɓoxotin na fa nqon yaam tooñ in, soo a xontooxnoorin, ndax ta jofand a in.

Efees 5:2

Fat nu ñoowaa no mbeq, ne Kiristaa a fexitna a in, boo a ɓoxot o ñis um yaam in. O mbeq onqeene na Kiristaa kaa ref nen a su’nit fa sadax faa ɓoxoteena a Roog too a felin.

O leetar ole Pool a bindna GIMU WE NGENNA ROM 1:17

Yegil mbaax ne kaa feeñlaa ne o kiin a waagna o jofit mbaambir Roog, ta ref na pexey o ngim onqe boo no ngim, ne a Pind a Tedu ke a laytuuna: «Oxuu Roog a ɗeetna nen o cofu yaam o ngim um, xan a ñoow.»

Yeremi 33:16

No ñaal kaaga, xan Yudaa a muclel, Yeerusaleem a gen no woor. Kene refu gon le teeru fee a ne’keel: ‹O Yaal oxe refu o cofel in.› »

Hebre 7:26

Yeesu refu boog o saasadax o maak oxe i soxla’na: Kaa fel a Roog, mosee o fi paaxeer leng, too bakaad refee no ten. Roog kaa xaajin fo baabakaad we, soo a ŋaaynin took-ee-took asamaan.

A pi ake 3:14

Kaa nu nqañ o Tedu xe refna ref o Cofu xe, soo nqeɗ a Pilaat ta watan a nuun o baawar.

Dañel 9:24

Xa kiid ɓetaa ƭaq boo a caf qarɓeen ɓetuu ƭik a ndalnane xeet of fa teeru fa tedu fee wo, ndax njofaƭar a xon, bakaad fee a naag faq, tooñ ne a waasantel, soo o cofel ole na refkaa boo faw a dalnel, ndax mbeeñil ne fo ke o tuleer oxe a layna a mbadnoox, soo Oxe moƴna ted a ɗuumel.

YEGIL MBAAX NE YEESU ne Lik a bindtuuna 1:35

Malaaka fee a doonaan ee: «Xan Yiif Tedu le a fudoox took of, too xan katil fee no xe Took-ee-took a muurong fo yook um. Ten taxu, o ƥiy o tedu nqe o ñootkaa xan a xoyeel o Ƥeenqe Roog.

Sakari 13:7

«Wo laƥ ne, yoɗooxani o kaynaak es, jagin no xe moƴaxama mat! Wari o kaynaak oxe, paal ke a pictoor, too xan o ɓay es a dal took fo mbote ne sax. Mi o Yaal oxe Hupna fop layun.

Dañel 9:26

A cinj xa kiid ɓetaa ƭaq axeene boo a caf qarɓeen ɓetuu fa leng fo a caf a ƭak, Kelfa fee ta soƥkaa ta ɗuumel xan a saŋkel, too jegkee oxaa rondanduuna. Cinj kaaga, xan kelfa a gar fo a yaj no xiixire um, a yaq teeru fee fo o mbiñ o tedu nqe, ndaa xan muukandoong um a fadtiid nen o jaɓ. Yaq fee xan a ret boo maa xire fee a fagitkaa. Roog o mat heblitun.

Yeremi 23:26

Neene boo a mban? Xar refu na yiif no duleer weene yaa da yegnitaa xa maaƥ fo naanaxir ke na qeeñ den?

A lim ale 21:9

Moyiis a xawa fangool xanjar, a ɗagin took a teex, too oxuu ɗeet’uuna, yaa fangool a ŋatuuna, a wod.