2 Korint 5:16 - NQAARIIT NE ROOG

¹⁶ Ndiiki koy, i ƭeettatee o leng ngiin um. Ke i ƭeet’ina a Kiristaa nen o kiin fop oo, i andtatiran neene.

2 Korint 5:16 Referans Kwoze

Kolos 3:11

Jegatee njektir leng ndeer o Keegeres fo o Yaawuur mbaat ndeer o qucooxu fo o haat. Jegatee o yokooxeer, jegatee o kiin o naaku, jegatee o paɗ, jegatee jaambuur: Kiristaa kaa ref fop, a ref no fop.

YEGIL MBAAX NE YEESU ne Saŋ a bindtuuna 6:63

Yiif le Roog na ñoownaa, cer ƭaxee dara boo dara fag. A ƭelem ake layuuma a nuun koy, Yiif fo o ñoow a ndefu.

Saak 3:17

Kaa koy, o jeg-yiif ole hatna na Roog, a guutatira fo oleene. O jeg-yiif olaaga kaa xool, a gartaa jam a ndeer no wiin we, a fod o mbid, a gartaa nanoor, a may yirmande fo a pi a paax. Naagee o samtaa itam too jegee yememaar leng.

Galati 5:6

No we ngimna na Kiristaa Yeesu, xucoox fo o ñak o xucoox mbodu, too ƭaxee dara. O ngim onqe o mbeq a ñoownaa soom jegu o njiriiñ.

YEGIL MBAAX NE YEESU ne Saŋ a bindtuuna 15:14

Qaariit es nu ndefu, yaa nu ndeefaa ke hebluuma a nuun.

YEGIL MBAAX NE YEESU ne Saŋ a bindtuuna 2:4

Yeesu a doonaan ee: «Ndi tew oxe, xar i ndeeru? Waxtu es kaa fadaful!»

Mace 10:37

Oxuu fexna a faap um mbaat a ya um kupu ke ta fexaxama, jombaanum. Oxuu fexna o ƥeem o ngoor mbaat o ƥeem o ndew kupu ke ta fexaxama, jombaanum.

2 Korint 11:18

Ne mayu a mbakoortaa kiihiin, mi o mat oo, bugaam o fakoox nen a den.

1 Sami’el 2:29

Yaaga boog, xar taxu nu ŋastaa sadax ke fo ci’it ke mi ndiiki, mbañ o mbi’it a den ne heblitanuuma a nuun no Ngenand es? Yaam fa xar o niwaa xa ƥeef kupu ke o niwaxam? Xar taxu nu mbaaƭaa xa pud xa maak na seek ake moƴna o mbaax no fop ke xeet es a ci’iidaxam?

A cangatin ale 33:9

Wo moƴanu a den a faap den fa ya den, fog den fo xa ƥiy den. A nana kebil of, a ngay ngiɓoor of fa den.

YEGIL MBAAX NE YEESU ne Saŋ a bindtuuna 8:15

Ne nu nga’taa nu ngate’taa, too mi o mat hate’itkiim o kiin neene.

Filip 3:4

A dey’angaa o fi’el, mi itam waag’aam o doon yaakaar es no cer. A jegangaa oxaa foogna yee a waaga o doon yaakaar um no cer, andaam ee mi moƴun o waag o ten,

A lim ale 10:30

Hobab a doonaan ee: «Retkiim muk! Kaam bug o nomtoox no saax es fo no fog es.»