2 Korint 5:11 - NQAARIIT NE ROOG

¹¹ Neene boog, i anda ke refna o saɗar o Yaal oxe, too kaa i mbaaƭaa maa i njegitna wiin we. Roog koy, a anda a in, too yaakaaraam ee nuun fa qoox nuun kam a yiif nuun, nu anda ke i ndefna itam.

2 Korint 5:11 Referans Kwoze

Yudaa 1:23

Mucilyo a den, nen kaa nu sutit a den na fiɗel. Yirimyo lakas we itam, ndaa koy fat nu njeg kaa nu saɗarna na den: Mbootooxyo toki ke den sax, nen kaa a yuxum den a ndoɗgandna.

Hebre 10:31

Ndaw sabab yaa o kiin a yenna na xa ƥay Roog fa ñoow jok fee!

Mbeeñil 20:15

Oxuu gon um a bind’aandeena kam safe le no ñoow ole, xan a joorel kam a mbeel fiɗel ale.

2 Korint 6:1

In we ndefna jaajal Roog, kaa i maƭooxaa a nuun nu mbañ o yapatil yirmande fee Roog nu ndaawna.

2 Korint 5:20

In ndefu we Kiristaa a lulna, soo ta nand nen Roog fa xoox um na layaa fa nuun na pexey in. In we nqeɗaa a nuun no gon Kiristaa nu njaɓ o njofoorandel fa Roog.

A pi ake 18:13

soo a lay ee: «O koor oxeeke kaa jeemaa wiin we a ngim na Roog, too kebil ke no maat ne yoonee teen.»

YEGIL MBAAX NE YEESU ne Lik a bindtuuna 12:5

Xam lay a nuun oxe jarna o fitel. Mbityo a Roog fee waagna o war, soo a jeg sañ-sañ faa ta ɓekitna kam fiɗel laa ñufkeerna. Iyo, mexe layan a nuun, oxeene o mat refu oxe nu mbarna o mbit.

Nahum 1:6

Ndi an waagu geenoox, yaa ta fuuxna? An waagu waag o foñ fuux ɗomu le ten? Ngañak ne ten kaa biltooxaa nen fiɗel, soo a ƥil ake a qaacooxaa mbaambir um.

A kim a tedu ke 90:11

An andu doole fee no fuux le wo, a and fuux ɗomu le wo, ndax ta saɗarong?

A kim a tedu ke 76:7

Wo Roog fee Yakoob, ye ŋaloona a den, ŋaaŋaay fo pis den fop a nqona.

Ke bindeena no xe ne’eena YOB 31:23

Yaaga saɗarkoogaam a qaw ale Roog, too waagkoogiim o xox mbaambir o magnel ole ten.

Galati 1:10

Ndiiki koy, kaa felna wiin we um waaƭaa ndi kaa felna a Roog? Kaam ee ndax kaam waaƭaa o fel wiin we? Um maad’angaa o felaa wiin we, refkoogiim o paɗ Kiristaa.

2 Korint 2:17

Yaam in o mat, i ndefee nen wiin mayu we na njula’aa fa lay fee Roog. Kaa koy, kaa i ndef waa na laytaa a qool qac kaa farna na Kiristaa mbaambir Roog, yaam Roog o mat lulu a in, i ndef faɗ Kiristaa.

A pi ake 28:23

A ndama bes, too yaa bes faaga a fadna, mayu a soƥiida a Pool me ta dal’ina. No kaa xotitna no nqes naa boo no yaar olaa, Pool a yegnooga a den Maat ne Roog, soo a jeemaa o gimnoor a den no kaa farna na Yeesu, ye ta tektaa a den ke bindeena kam kebil ke Moyiis fo kam a safe ke no duleer we.

A pi ake 26:26

O maad Agiripa a anda ke um layaa, too saɗaam o geenoox mbaambir um layin. A wooraxam itam ee dara teen kunpa’iran, yaam dara teen fi’aand na pet.

A pi ake 19:26

Kaa nu nga’ee, ndi kaa nu nanee ke o koor oxene, tee Pool oo, a fi’na? Kaa lambnaa yee ‹Nitaal ke nu mbi’na roog ndefee Roog.› Ndiiki koy, oxe gimnooraa wiin mayu, refee kam Efees soom, ndaa boo no moƴ-o-jaak olaa no jegel olaa Asi sax a ngima.

A pi ake 18:4

Bes a ñootnax aluu fad’ina, Pool kaa jeetaayoogu fo waa ndefoogna no mbind a qeƭ naa. Kaa jeemoogu o gimnoor Yaawuur we fo Geegeres we itam.

A pi ake 13:43

Ye mbokatax naa a tasna, Yaawuur mayu fo waa tuub’ina na ƭat ale no Yaawuur we a ndeefana a Pool fa Barnabaas. Neene koy, Pool fa Barnabaas a njeetaayooga fa den, soo a saƭakinaa a den, ndax da ndamoox na yirmande fee Roog.

YEGIL MBAAX NE YEESU ne Lik a bindtuuna 16:31

Kaa koy, Abraham a doonaan ee: ‹A mbañangaa o nan-giloox a Moyiis fo duleer we, njaɓkee sax o ngim yaa o leng a xontooxna a ndeer no xon waa.› »

Mace 25:46

Waaga xan a ndet na qaw alaa fagkeerna boo faw, soo jofu we a ndet no ñoow o fagkeer olaa.»

Mace 10:28

Ba nu mbit we mbaagna o mbar cer, too mbaagee o mbar o laaw. Oxe jarna o fitel refu Roog fee waagna o saŋik cer fo o laaw kam fiɗel laa ñufkeerna.

Esayi 33:14

Baabakaad we owe ndiidaa kam Siyoŋ, jofaƭaru we a sendaa, a ndamtin ee: ‹An na in na waagkaa o moof kam fiɗel le na raaɓaa? An na in na waagkaa o moof kam ƈulfaan ñufkeer ne?›

A kim a tedu ke 73:19

Ey! Ndak fo ndak, xan a maƥel, a mbagiɗ tak, diid a pat a den.

Ke bindeena no xe ne’eena YOB 18:11

A qufil ake kaa ngartin muu refna, a mayooxiidan.

Ke bindeena no xe ne’eena YOB 6:4

A kas ake no Cegu katil oxe a ndoomaxam, o ndoxar onqe da ƭuumeena a daaw kam es, a qufil ake Roog a mbodaam mbaambir, a ndiidlandaxam.

Mberaand 35:5

Cinj kaaga, a ndeta. Roog kaa saɗarin’u we no teeru ke mbidna a den, too o leng reefee xa ƥiy xa koor axe Yakoob.

Esayi 19:16

A koom, xan Misira a nand nen o tew. Xan a send yaam diid, yaa o Yaal oxe Hupna fop a yoɗankan o ɓay um.

Efees 5:21

Njaɓaniryo a ndeer nuun, yaam ne nu niwna a Kiristaa.

Hebre 12:29

Yaam Roog fee in kat, kaa ref fiɗel laa na raaɓaa.