2 Korint 5:10 - NQAARIIT NE ROOG

¹⁰ Yaam in fop, kaa i mbar o ngeennel no nqel ne Kiristaa, ndax ta ɓoxot oxuu refna a pi um ye ta ñoowaa no cer um, ta ref paax mbaat paaxeer.

2 Korint 5:10 Referans Kwoze

Mace 16:27

O Ƥeenqe no kiin oxe xan a gar kam o ndam Faap um, a yoon fo malaaka um, soo a ɓoxot o kiin oo kiin a pi um.

Mbeeñil 22:12

Yeesu a layahina yee: «Nan-gilooxi! Mexe garaa no miñeer! Xam ɓislooxiid tabid ke, o kiin oo kiin, um ɓoxotin ke ta fi’na.

Efees 6:8

Fat nu and ee: Oxuu refna xan a daawit no Yaal oxe paax ke ta fi’aa, ta ref o paɗ mbaat oxaa jegna a xoox um.

O baawaare xe 12:14

No ndigil xan Roog a hate a pi aluu refna, boo no ke ɗasna sax, ta ref paax mbaat paaxeer.

A kim a tedu ke 62:12

Nanaam fa lay feeke na Roog kaa refeerna jaf leng: «Mi jegu katil.»

1 Korint 4:5

Hate fee a refangaa no ɓay Roog koy, nqaƴyo boo hap fee a fad, too a koom o Yaal oxe a gar, a huyit ke dasna, a feeñil ke a yiif ake a mbofna, a kañ wiin we fop, oxuu refna ne ta waritna.

1 Piyeer 4:5

Xan a njangtoox a pi den mbaambir Roog fee na hate’kaa ñoow we fo xon we.

A kim a tedu ke 98:9

mbaambir no Yaal oxe, yaam oxe garaa, ndax ta maadoox took lanq ke. Xan a maadooxanit adna fee o cofel, qeet ke, ta maadooxanit a den a ƭat.

A pi ake 17:31

yaam a dama bes fee ta hate’kaa adna fee fo o cofel, na pexey o kiin oxe ta jooxna. A lala wiin we yee keene booru yoo, ye ta xontooxnoorna o kiin oxeene a ndeer no xon we.»

A pi ake 10:42

Yeesu feene koy kaa hebil a in i mbaare’aa xeet fee, too seede’aa yee o ten Roog a dodu oxe na hate’kaa ñoow we fo xon we.

Ke bindeena no xe ne’eena YOB 34:11

Kaa rabdaa o kiin oo kiin a pi um, a ɓoxotaa oxuu refna a pesoorooƭ um.

Mbeeñil 2:23

Kaa jolna keene, xam xawit xa ƥeem fa nqon. Neene, xan pokatax ke no gimu we fop a and ee mi refu oxe na horooxaa a pug fo a qalaat a ƭasu ke no wiin we, too xam ɓoxot o kiin oo kiin ke ta jalna.

O baawaare xe 11:9

Wo o ndeɓandoong onqe, felakinooxi no ndeƥandoong of. Fat xeeñ of a ɗaay no njaaƈ of. Reefi ke xeeñ of a bugna fo ke a kid of a yuxmaa, ndaa fat o yeg fo and ee no keene fop xan Roog a hate’ong.

Heseki’el 18:30

Ten taxu xam hate a nuun, nuun mbind Isra’el, oxuu refna na pi um. Mi o Yaal oxe na refkaa boo faw layun. Nomtooxiidyo too mbes a cinj a pi a paaxeer ake nuun, ndax a panq akaa na mbakaadnooraa a nuun njegkatee.

1 Maad we 8:32

nan-giloorti na asamaan soo hate dag of, ndax o xaw oxe tooñna, rabdin a pi um, o cofu xe mat, o nomtin o cofel um.

Mberaand 18:25

Fi’kiro kaaga koy! Doonkiro o cofu xe leng kut ke doonoona o soxodu xe, soo warnoor o cofu xe fo o soxodu xe jaf leng. Wo fee na hate’aa we no lanq ke, ndax fesoorkiro fo o cofel?»

1 Maad we 8:39

nan-giloorti a den na asamaan fee genoona, too waasan a den, ɓek teen o ɓay of, rabid oxuu refna a pi um, yaam wo doŋ andu xeeñ no kiin oo kiin.

1 Sami’el 2:10

We na siiknooraa fo o Yaal oxe, xan a ndiid. Xan o Yaal oxe a ɗuuɗit na asamaan, a saŋik a den. Ten refu oxe na hate’kaa adna fee fop, oxe na maadooxanaa xeet um, ta ci’in doole, soo o maad oxe ta ɗuumna, ta yoɗin took.»

O leetar ole Pool a bindna GIMU WE NGENNA ROM 6:19

Kaam yooɓandataa fa lay es yaam ne o and nuun a jaakeerna. Yaaga, kaa nu ƥoxotoox’u fo cer nuun fop nen faɗ waa na njalanaa qoolaƭaru fo paaxeer, boo nu siiknoor fa Roog. Neene itam, fat nu ƥoxotoox fo cer nuun fop nen faɗ waa na njalanaa o cofel ole, ndax o ñoowooƭ nuun a ted.

1 Sami’el 2:3

Ba nu ndupataa fa lay fa njegee xoox, magnandooxaa na fa lay nuun, yaam o Yaal oxe kaa ref Roog faa dara kunpa’eerna too ten na hate’aa a pi no kiin oxuu refna.

2 Korint 7:3

Layiim keene, ndax um maaltin a nuun, yaam lay’aam yaaga yee kaa nu ndal kam a qeeñ in, ta ref no ñoow mbaat na fa nqon.

O leetar ole Pool a bindna GIMU WE NGENNA ROM 2:16

Neene a refitkaa na bes fee Roog a hate’kaa na pexey Kiristaa Yeesu a pi a ƭasne ke no wiin we. Keene refu ke Yegil mbaax ne doxneema a layna.

Hebre 9:27

O kiin, jaf leng kut a geekane ndax ta xon. Cinj kaaga, xan hate fee Roog a gar.