2 Korint 5:1 - NQAARIIT NE ROOG

¹ A woora a in ee ƭiif in neeke no lanq ke, ta ref cer in, a yaqooxangaa yoo, i njega na asamaan mbind naa Roog a geekanna a in, ta ref cer aa-asamaan. Kaa ref ngenand njegee muukandoong naa o ɓay no kiin a maxeerna.

2 Korint 5:1 Referans Kwoze

1Saŋ 3:2

Fog es we fexuuma fex, ndiiki xa ƥiy Roog i ndefu, too ke i ndefkaa laltafulaand. Kaa koy, i anda yee yaa Kiristaa a feeñkaa, xan i nand fo ten, yaam xan i nga’in ne ta nandna nand.

Hebre 9:24

Yaam Kiristaa rokee no Mbind tedu naa o ɓay no kiin a jalna, a ref nitaale’ir no ndiindigil ne. Na asamaan sax sax a roku, ndax ta geenooxan a in ndiiki mbaambir Roog.

2 Korint 4:7

Kaa i saq halal feene, in we ndefna pand maxte lanq, ndax katil neene jegeerna o nand inoorkee no leng na in, ndaa ta inoor na Roog.

Hebre 9:11

Kaa koy, Kiristaa a gara nen o saasadax o maak oxaa ɓisiidna paax ke mbar’ina o ngar. A fadna calel um no ƭiif naa moƴna o magin, a moƴ o ñak sik. Ƭiif neene koy, o ɓay no kiin jaliran, ta tekit ee fogee na adna fene sakeena.

Ke bindeena no xe ne’eena YOB 4:19

Nam a hoolooritkaa o kiin oxe refna mbind maxte ƭok, a hat no fo ut ole, a waagel o tuc nen o ngusax?

1 Piyeer 1:4

fo lam naa waageerna o sooƴ mbaat ta roɗig mbaat ta ñak o mosel um. Ten o mat nu ngeekane toox de na asamaan.

2 Korint 5:4

Yaam nuu i ñoowtaa kam ƭiif neene, xan i ngenit xa iin nen kaa i ndoxondoox ndoq meɗu. Ke i mbugna, refee yee i mboloox cer in keene, ndaa kaa i mbug o ndokooxatin cer aa-asamaan ke in, ndax ke warna o xon a waag o ɗuuɗoox kam o ñoow ole.

Mberaand 3:19

Boo yaa o nomtooxkaa no lanq ke hat’oona, ñiitoox foop no rak of na taxkaa o jeg ñaamel. No lanq ke hato, too teen o nomtooxkaa.»

Mark 14:58

«I nana ta layaa yee: ‹Xam gef Mbind Roog nene, xa ƥay no kiin a maxna, too no ñaal tadik xam max lakas naa o ɓay no kiin a fi’keerna.› »

2 Piyeer 3:11

Feek keene fop xan a yaqtel neene, a pesoorooƭ nuun fo o reef a Roog nuun boog a mbara o ted.

Kolos 2:11

No ten nu mbi’ante nquc ne refna o ñaas ngiɓoor ne a ndeer nuun fa Roog. Nquc neene koy, o ɓay fi’iran, Kiristaa fi’un, ta ref a bolax no ke cer nuun a yaawaa.

1Saŋ 3:19

Mene i anditkaa yee no ndigil ne i mbogu, a qeeñ in a njeg o woor mbaambir Roog:

1Saŋ 3:14

I anda yee i njangoorta na fa nqon, ngat no ñoow ole, yaam kaa i mbex fog in. Oxuu jegeerna o mbeq, na fa nqon a genu.

Hebre 11:10

Abraham kaa cungoogu teeru faa sinjeena no saƭku. Teeru feene koy, Roog fiisun, too o ten o mat jaloodun.

1 Korint 3:9

In, waa na njalaa fa Roog i ndefu, nu ndef a ƭing um. Kaam ee nuun ndefu itam tabax ñoow ne ten.

A kim a tedu ke 56:9

Damaa a pe ake raay’uuma. Deki xa kooniit es no mboxos ne wo. Mee ndax a mbinde no safe le wo!

Ke bindeena no xe ne’eena YOB 30:22

Kaa o yetnaxam took nqeñ ne, um sangaalooxin, a und ale a wirlaxam o mbiñ fo mbiñ.

2 Timote 1:12

Ten taxu, um refat no ƭomu ndiiki, ndaa koy sediim teen dara, yaam andaam no xe sinjuuma o ngim es, too a wooraxam ee o ten waagu o xoxit ke ta doxnaxama boo na bes fa mbalakaand faa.

Esayi 38:12

Ngenand es kaa baytel nen ƭiif no kaynaak, a joorel maa goƭaxama. Kaam dor o ñoow es nen o tiiriw a tiwand oxaa muukna o eed um boo a ɗegiidaa xa ƥaak axe. O Yaal oxe, no ñaal ne fop kaa o ñaatnoogaam,

A pi ake 7:48

Kaa koy, Roog fee Took-ee-took genkee no kaa o ɓay no kiin a fi’na, ne o tuleer oxe a bindtuuna yee: