2 Korint 4:8 - NQAARIIT NE ROOG

⁸ I toroxande na seek aluu refna, ndaa i moxoñooxee muk, njaaxiɗ, ndaa i mosee o ñak yaakaar.

2 Korint 4:8 Referans Kwoze

2 Korint 12:10

Ten taxu um felakinoortaa o neew doole es, ta ref ee kaam weneel mbaat um naqadileel mbaat um toroxandeel mbaat um coono’nooreel yaam Kiristaa. Yaaga boog, boo refuuma no neew doole, maaga um jegtaa doole.

2 Korint 7:5

Naa i mbadiidu Makedoni, jegee maa cer in a mbaagna o ñootnoorit. Kaa i ƥiiklel o saax oo saax, ñoxoreel, a qeeñ in a ngen no sendaa.

A kim a tedu ke 37:33

ndaa o Yaal oxe waaskiran ta yen na xa ƥay um too xaƴkiran ta ɓurel, yaa ta layooreel.

YEGIL MBAAX NE YEESU ne Saŋ a bindtuuna 14:18

Xaƴkiim a nuun xa baan. Xam gar me nuun.

1 Korint 10:13

Nu ƭeetlooxkaand ƭeetlax naa o kiin a mosaandeena o ɗeetloox, too Roog fee refna gor xaƴkee a nuun, nu sipanel ƭeetlax naa hupna a nuun doole. Kaa xaƴaa nu ƭeetlooxel, ndaa a naaga o soƥaa ta jagand yaaga naa nu sutoorna teen, ndax nu ngatil ƭeetlax keene.

2 Korint 6:4

Kaa jolna keene, kaa i laltaa no fop ee dag Roog i ndefu. Kaa i ndoxondooxaa fo o muñ coono ke fo naqad ke fo a yogorlax ake.

Xa peƭit axe 14:26

Oxe saɗarna o Yaal oxe a jega ndamlooxand saƭku, xa ƥeem a njeg njaɓnooxand.

1 Sami’el 28:15

Sami’el a laamtaan ee: «Xar taxu o yaqanaxam a ñootnax, xoynaxam?» Sawul a doonaan ee: «Kaam jaq lool. Fiifilista we kaa siiknoor fa mi, soo Roog a xuunaam. Doonatiraam a reefandin no tuleer um mbaat no ƭaaɗ. Keene xoynitoong, ndax o layaam ke waruuma o fi.»

1 Sami’el 30:6

Dawid a jaq’a lool, yaam yoon we ten kaa mbaajoogun o mbarit a kac. Oxuu refna na den, kam um kaa feƭar’u lool, yaam a xalaataa xa ƥeem. Kaa koy, Dawid a saƭakinooxa no Yaal oxe Roog um,

Xa peƭit axe 18:10

Gon le no Yaal oxe kaa ref taax-took saƭku koŋ. O cofu xe kaa jaɓnooxaa teen soo a ref no woor.

1 Sami’el 31:4

Sawul a laya oxe saqoogna ƥonax ke ten ee: «Jangi laƥ of, waraam, yaam bugiim Fiifilista xucooxar wene a ñagadilaam soo a mbarkaxam.» Kaa koy, oxe saqoogna ƥonax ke ten a faña faƥit, yaam saɗ’iran o war. Maaga, Sawul a janga laƥ um, a jooroox took um.

A kim a tedu ke 129:2

ñagadileem ƭomu no kaa xotitna no ndeƥandoong es, ndaa waagaandeem dara.

Esayi 40:31

ndaa we yaakaarna o Yaal oxe kaa ndaawaa doole fa nqas. Kaa yetaa nen a canjiik, a ƈufaa, too nqijkee, a ñaaƴaa, too ñakkee doole.»

Habakuk 3:17

Ndun ne fiɗkatee, ndaxar biiñ ne rimkatee tus, xa tim ndaxar oliiw a ñak, xa qol axe mbatkatee ñaamel, paal ke fo pambe ke a mooc na ked ake, too naak njegkatee na xa siir axe.

2 Korint 6:12

Refee muk ee in mbeganu a nuun a qeeñ in, ndaa nuun o mat mbeganu a in ake nuun.

Galati 4:20

Kaam bug’u i njasnoor boo um waag o lal a nuun me ta fodaxama. Kaam jaaxiɗ lool yaam nuun!