2 Korint 4:6 - NQAARIIT NE ROOG

⁶ Roog fee layna yee: «Fat a qoolaand ale a naag dañ kam o niɓaan ole», ten naagu dañ kam a qeeñ in, ndax ta andnoor a in o ndam onqe Roog na meleƈtaa na tagid Kiristaa.

2 Korint 4:6 Referans Kwoze

Esayi 60:2

O niɓaan ole le muuraa lanq ke, a kuy ale a muuraa qeet ke, ndaa wo o mat, o Yaal oxe a xooldandaang nen njeeƈ naa na wataa, too o ndam onqe ten a feeña took of.

Mberaand 1:3

Maaga, Roog a laya yee: «Fat a qoolaand a jeg!» A qoolaand alaa yee dañ.

1 Piyeer 2:9

Nuun o mat, kaa nu ndef xeet fa njile fee, saasadax no Maad oxe, ƥasil tedu ne, xeet fee Roog a watna. Roog kaa jil a nuun, ndax nu yegnitik calel mosu ke ten, ten fee xoyitna a nuun no niɓaan ole, a ɓek a nuun na qoolaand a maak ale ten.

2 Piyeer 1:19

Yaam keene, i moƴahina o ngim ke duleer we Roog a yegnit’ina. Nu mbaraan o ngorooxaa a paax, yaam kaa ref nen o lampa laa na kaƥaa kam o niɓaan, boo yaa Roog a feedna, o xoor o maak ole ne’eena o Mbuŋa a feeñ kam a qeeñ nuun.

Efees 5:8

Yaaga, kaa nu ndeeƭu kam o niɓaan ole, ndaa ndiiki nu ndefata kam a qoolaand ale, yaam ne nu mbogna no Yaal oxe. Ten taxu, ñaaƴityo nen waa mbogna na qoolaand ale.

2 Korint 4:4

Wiin weene ngimee, yaam oxe na fi’ooxaa roog na jamaane feeke kaa fuulin a qalaat den, ndax nga’kee meleƈ le na qoolaand ale no Yegil mbaax ne Kiristaa fee refna nitaal ne Roog.

Esayi 40:5

O ndam onqe no Yaal oxe xan a feeñ, too o kiin oo kiin xan a ga’in. Neene a refkaa, yaam no don no Yaal oxe a hatu.»

Hebre 1:3

O ten refu o ɗeendoor ole na feeñlaa o ndam onqe Roog. O ten rek laltu ke Roog a refna deŋ, a saytoorit itam ke sakeena fop fa lay fa njegu doole fee ten. Cinj ye ta xoolandna wiin we no pakaad den, a reta na asamaan, a moof na ñamaak Roog fee refna doole fa mbagkatar.

2 Korint 3:18

In fop we andoona yee a tagid in faŋ a fi’u, kaa i meleƈtaa no ndam onqe no Yaal in. Neene, kaa i suptel, ndax i nand fo o Yaal oxe. Kaa i sutooraa no ndam, ndokaa no ndam onqaa moƴna o magin. Keene refu boog calel ke no Yaal oxe refna Yiif.

YEGIL MBAAX NE YEESU ne Saŋ a bindtuuna 11:40

Yeesu a doonaan ee: «Kaa layiroong ee o gimangaa, xan o ga o ndam Roog?»

Esayi 45:7

Mi na fi’aa a qoolaand soo sak o niɓaan. Mi na ɓisiidaa baneex soo oraa naqad. Mi o Yaal oxe, mi na fi’aa keene fop.

Kolos 1:15

Kiristaa refu nitaal Roog fee a ngid a waageerna o ga, a ref taaw um yaaga dara sakafulaand.

Efees 1:17

Kaam xeɗaa a Roog fee no Yaal in Yeesu Kiristaa, a Faap fee jegna o ndam, ndax ta coox a nuun Yiif le na andnoorkaa a nuun, too a feeñil a nuun a Roog, ndax nu andin.

YEGIL MBAAX NE YEESU ne Saŋ a bindtuuna 1:14

Fa Lay feene koy a xawooxa, a jegat cer no kiin, soo a gar a gen fa in, a may muut fa yirmande fo ndigil. In o mat, i nga’a o ndam um, refna o ndam onqe ta daawitna na Faap fee nen o Ƥeem o leng kut.

A kim a tedu ke 90:16

Yaasam i nga a pi of, in we dag of, xa ƥiy in a nga o ndam of.

A kim a tedu ke 63:2

Wo Roog, wo refu Roog es, kaam fun’ang. Nen mi faa refna kam lanq beeru koroŋ kaa njegeerna o ndoq, o laaw es kaa hoɗomel a wo, cer es a mbiiƭaa na wo.

1 Piyeer 1:12

Roog a feeñla duleer weene yee den fa qoox den maadkee yegnit padafuleer keene. Nuun we taxna da ndef jaajal no keene o mat na maadkan. Ndiiki koy, Yiif Tedu le inoorna na asamaan a yegna a nuun nduleer neene na pexey no we mbaare’na a nuun Yegil mbaax ne. Malaaka ke sax a mbug’a o and keene.

Filip 2:6

Kiristaa feene, andoona yee ke Roog a refna ref a refu, gendandooree fa Roog ne ta fodirna fo ten.

YEGIL MBAAX NE YEESU ne Saŋ a bindtuuna 12:41

Keene kaa Esayi a lay’un, yaa ta ga’na o ndam onqaa Yeesu, a lay kaa jofna no ten.

A kim a tedu ke 74:16

Wo jegu ñaal ne, jeg o yeng ole, wo fee sakna o nqool onqe fo njeeƈ ne.

YEGIL MBAAX NE YEESU ne Lik a bindtuuna 10:22

Faap es a cooxaxam fop, too o leng andee o Ƥeenqe a refangeerna Faap fee. O leng andee a Faap fee itam, a refangeerna o Ƥeenqe fo xaa ta buguuna o feeñil.»

Esayi 35:2

Xan a may fo piɗ mosu, a mbecoox fo o ɗaay, a mbelakinoox soo a soroxole. Xan a cooxel o ndam onqe Libaŋ fo o mosel ole no joong ole Karmel fa Saron. Xan a nga o ndam onqe no Yaal oxe, o mosel Roog in.

A pi ake 26:18

Xam lulong ndax o wet a kid den, sutit a den no niɓaan ole, ɓisiid a den na qoolaand ale, sutit a den na sañ-sañ fee Saytaane, da ngar me Roog. Neene, a ngimangaa na mi, xan a ndaaw a baasan ale no pakaad ke den, a ndaaw a las ale we mbogna na mi a njegna.› »

1 Korint 12:8

Kaa oxeeke a danqel ɗelem o and na pexey Yiif le Roog, oxaana ɗelem o jeg-yiif,

2 Korint 2:10

Oxuu nu mbaasanna, waasanaanum itam. Ke waasantuuma, a soƥangaa yee a jega, nuun o mat taxun mbaambir Kiristaa,

Efees 1:18

Yaasam ta xooland a qeeñ nuun, ndax nu and yaakaar ne taxna Roog a xoy a nuun, and itam ke refna halal fee no paax cegee sik ke ta geekanna we mbogna no ten.

1 Tesalonik 2:12

Nu yaale, saƭakinel, njangnel, ndax nu mbaag o ndeef a Roog ne ta bugtuuna, ten fee na xoyaa a nuun kam maat um fo no ndam um.

Hebre 6:4

O leng waagatee o dimle we ndaawna a qoolaand ale Roog boo a ƈut, a ñim ci’it ne Roog, a njeg a las no Yiif Tedu le,