2 Korint 4:5 - NQAARIIT NE ROOG

⁵ Ii, refee yee a qoox in i mbaare’aa. Kiristaa Yeesu fee refna o Yaal oxe o mat i mbaare’aa, soo yegnaa a nuun ee faɗ nuun i ndefu yaam Yeesu.

2 Korint 4:5 Referans Kwoze

2 Korint 1:24

I mbaaƭee maa i sepitna a nuun ke nu mbarna o ngim, yaam kam o ngim onqe sax nu sinje. Ke i mbugna refu i ndimle a nuun ndax nu njeg o ɗaay.

1 Korint 1:23

ndaa in o mat, i mbaare’aa a Kiristaa fee rengeena took a kurwaa, a ref a panq no Yaawuur we, we ndefeerna Yaawuur a mbi’in ñaku xoox.

Galati 5:13

Fog we, nu sute no mbaƭ ne nu ndeeƭna, ndaa baa a sutax aleene a tax nu ñoowaa no ke cer ke nuun a yaawaa. Yaaga boog, fat o mbeq onqe a tax nu ndagooraa.

Filip 2:11

soo o kiin oo kiin a lay ee Yeesu Kiristaa refu o Yaal oxe, Roog Faap fee a ɓoxotel o ndam no ten.

Filip 1:15

A ndeer den a jega waa na yegnitaa a Kiristaa yaam a siisaxam, a mbug o ƥisiid ñimatir. Kaa koy, a jega lakas waa na mbaare’aa yaam a ngeboox paax ƥor.

2 Piyeer 2:3

Yaam ne da yaawaa halal, xan a nax a nuun, a njang ke nu njegna na pexey a ƭelem a naanax. Kaa koy, yaaga boo fa ndiik, hate den oxe ñaaƴaa, too oxe warna o saŋik a den ɗaanee.

Tiit 1:11

Weene koy, waraa o lal a den a ƭat, da naang cuxus. Kaa ndef taatas ƥasil, halal a tax da ndok na gaci boo a njangnataa kaa waraandeena o jangin.

2 Timote 2:10

Jaɓaam o gadoox fop yaam we njileena, ndax den oo, da mbaag o ndaaw a muc ale refna na Kiristaa Yeesu, a tapit o ndam onqe na refkaa boo faw.

1 Korint 12:3

Ten taxu, um bug o lay ee: Oxuu na laytaa Yiif le Roog, waagee o lay ee: «Yeesu a salooxe!» Neene itam, o leng waagee o lay ee: «Yeesu refu o Yaal oxe!», yaa Yiif le Roog a riñeeruuna teen.

1 Korint 8:6

Kaa koy, nuu ta saxitna yoo, na in Roog fa leng soom jegu, ta ref Faap fee sakna fop, a jeg a in. Na in o Yaal o leng kut jegu itam, ta ref o Yaal oxe Yeesu Kiristaa. Ke sakeena fop koy, no ten a reefne, i saktel no ten itam.

1 Korint 2:2

Bug’iim o layit dara a ndeer nuun, a refangee Yeesu Kiristaa, moƴtaa sax Yeesu Kiristaa fee rengeena na kurwaa.

A pi ake 10:36

Nu anda fa lay fee Roog a lultiidna xeet fee Isra’el, ta ref Yegil mbaax ne na ci’taa jam na pexey Yeesu Kiristaa, refna o Yaal no fop.

A pi ake 5:31

Roog fa xoox um yoɗun itam, ta moofik na ñamaak um, a dodin o Maad fo o Muumucil, ndax ta ci xeet fee Isra’el da mbes pakaad den a cinj, too a ndaaw a baasan ale.

A pi ake 2:36

Fat xeet fee Isra’el fop a and a paax ee Roog fi’u a Yeesu feene nu ndengna na kurwaa, ta ref o Yaal oxe fo o Muumucil oxe regteena.»

YEGIL MBAAX NE YEESU ne Saŋ a bindtuuna 7:18

Oxe na kañaa a xoox um, gon um a bugu o jootand, ndaa oxe na waaƭaa gon no xe luluuna a joot, oxaaga ndigil kak a layaa, too njofaƭar leng refee no ten.

Mace 23:8

Nuun o mat, ba nu ne’oox ‹O caajangin o maak!›, yaam o leng soom refu o Caajangin nuun. Nuun fop, fog nu ndefu.

Mace 3:11

Mi, mexe batiise’taa a nuun foofi, ndax ta lalit ee nu mbesa pakaad nuun a cinj, ndaa oxe na reefaniidaxam moƴaxam o jeg doole, too o wolanin xa ñaaƭ um sax a jombaxam. Ten o mat, xan a batiise’it a nuun Yiif Tedu le fa fiɗel.

2 Korint 1:19

Kaam ee, Yeesu Kiristaa fee o Ƥeenqe Roog i mbaare’na a nuun, too waare feene a hat na mi Pool fa Silwe fa Timote, ndax «ii» fa «ha’aa» a refu, mee ndax «ii» soom saxu no ten?

1 Korint 15:47

O kiin o eetaand oxe kaa hat no lanq, a ref laalanq, o ƭikandeer oxe a inoor na asamaan.

1 Korint 10:33

Mi fa xoox es, keene um jeemaa no kuu refna, ndax um fel fop. Keene koy refee yee um galagaa a xoox es, ndaa ke faaxna no moƴ-o-jaak we, ndax da muc.

1 Korint 4:15

Nu mbaaga o njeg ɗooɗox juni na Kiristaa, ndaa paap ke mbaagee o mbad ƭik, yaam mi ɓisiidu a nuun o ñoow ole na Kiristaa Yeesu ye yegnuuma a nuun Yegil mbaax ne.