2 Korint 4:4 - NQAARIIT NE ROOG

⁴ Wiin weene ngimee, yaam oxe na fi’ooxaa roog na jamaane feeke kaa fuulin a qalaat den, ndax nga’kee meleƈ le na qoolaand ale no Yegil mbaax ne Kiristaa fee refna nitaal ne Roog.

2 Korint 4:4 Referans Kwoze

YEGIL MBAAX NE YEESU ne Saŋ a bindtuuna 12:40

«Kaa Roog a fuuland a den, a ŋajnoor a den, yaam ndik da nga’it a kid den, a andit a qeeñ den, soo da saktooxiid me mi, um wodand a den.»

2 Korint 3:14

Kaa koy, a qalaat den kaa niɓaan, too boo xaye sax, boo da njangaa safe le no ngiɓoor eetaand ne, muurax ne oxe maadaa, too watnaand. Muurax neene, oxe watitkaa no xe fogna na Kiristaa soom.

A pi ake 26:18

Xam lulong ndax o wet a kid den, sutit a den no niɓaan ole, ɓisiid a den na qoolaand ale, sutit a den na sañ-sañ fee Saytaane, da ngar me Roog. Neene, a ngimangaa na mi, xan a ndaaw a baasan ale no pakaad ke den, a ndaaw a las ale we mbogna na mi a njegna.› »

Esayi 6:10

Ŋajnoori xeet feene, sux nof den soo mup a kid den, yaam ndik da nga’it a kid den, a nanit nof den, a andit a qeeñ den, soo a saktooxiid me mi, a mbodandel.»

1Saŋ 5:19

I anda yee na Roog i mbogu, too adna fee fop oxe na sañ-sañ fee no paaxeer oxe.

2 Korint 4:6

Roog fee layna yee: «Fat a qoolaand ale a naag dañ kam o niɓaan ole», ten naagu dañ kam a qeeñ in, ndax ta andnoor a in o ndam onqe Roog na meleƈtaa na tagid Kiristaa.

Efees 2:2

Kaa nu ndeefanoogu boog o ñoowooƭ ole na adna fene, nananaa oxe kelfa’na cini ke ndefna ndeer asamaan fa lanq. Ndiiki, yiif faaxeer leene kaa jalaa no wiin we nananeerna a Roog.

Efees 6:12

Yaam i mbaree o maafir fo wiin we, ndaa fo kelfa ke fo sañ-sañ ke fo aa-adax we na yiif ake ndefna no niɓaan ole fo katil ke na yiif a paaxeer ake ndefna ndeer asamaan fa lanq.

YEGIL MBAAX NE YEESU ne Saŋ a bindtuuna 12:31

Ndiiki koy, adna feeke a hate’e, o maad adna feeke a deɓel tafil.

YEGIL MBAAX NE YEESU ne Saŋ a bindtuuna 8:12

Yeesu a dakooxa o lay faan laa yee: «Mi refu a qoolaand adna. Oxuu reefaxama, ñaaƴkee no niɓaan, too xan a jeg a qoolaand o ñoow.»

YEGIL MBAAX NE YEESU ne Saŋ a bindtuuna 12:35

Yeesu a laya a den ee: «A qoolaand ale miñkatee dara a ndeer nuun. Yaaga koy, ñaaƴyo ye nu maadna o njegaa a qoolaand, ndax o niɓaan ole ɓislooxkee a nuun. Oxe na ñaaƴaa no niɓaan kat, andee me ta jofaa.

YEGIL MBAAX NE YEESU ne Saŋ a bindtuuna 14:30

Fa lay es fa nuun maykatee, yaam o maad adna feeke a inooxa, ndaa koy waaganiraam dara.

2 Korint 3:18

In fop we andoona yee a tagid in faŋ a fi’u, kaa i meleƈtaa no ndam onqe no Yaal in. Neene, kaa i suptel, ndax i nand fo o Yaal oxe. Kaa i sutooraa no ndam, ndokaa no ndam onqaa moƴna o magin. Keene refu boog calel ke no Yaal oxe refna Yiif.

Kolos 1:27

Den weene Roog a andnooru ke refna o njiriiñ onqe na halal fa kunpa’u feene a ndeer qeet ke, ta ref leng kut kene: Kiristaa kaa ref na nuun yaakaar o ndam Roog.

Kolos 1:15

Kiristaa refu nitaal Roog fee a ngid a waageerna o ga, a ref taaw um yaaga dara sakafulaand.

1Saŋ 2:8

Kaa koy, a refa itam kebil nqas naa um bindaa a nuun, yaam ndigil a reeƭu no ñoowooƭ Yeesu, a ref ndigil itam no ñoowooƭ nuun, yaam o niɓaan ole xe faafaa, soo a qoolaand ndigil ale a meleƈiidaa.

Filip 2:6

Kiristaa feene, andoona yee ke Roog a refna ref a refu, gendandooree fa Roog ne ta fodirna fo ten.

YEGIL MBAAX NE YEESU ne Saŋ a bindtuuna 1:14

Fa Lay feene koy a xawooxa, a jegat cer no kiin, soo a gar a gen fa in, a may muut fa yirmande fo ndigil. In o mat, i nga’a o ndam um, refna o ndam onqe ta daawitna na Faap fee nen o Ƥeem o leng kut.

Hebre 1:3

O ten refu o ɗeendoor ole na feeñlaa o ndam onqe Roog. O ten rek laltu ke Roog a refna deŋ, a saytoorit itam ke sakeena fop fa lay fa njegu doole fee ten. Cinj ye ta xoolandna wiin we no pakaad den, a reta na asamaan, a moof na ñamaak Roog fee refna doole fa mbagkatar.

Tiit 2:13

yaa i cungaa ke i yaakaaraa, ta ref yaa o ndam onqe na Roog fa maak fee fo o Muumucil in Yeesu Kiristaa a feeñkaa.

YEGIL MBAAX NE YEESU ne Saŋ a bindtuuna 16:11

a lal a den hate, yaam o maad adna feeke a hate’e boo a ƴut.

2 Piyeer 1:19

Yaam keene, i moƴahina o ngim ke duleer we Roog a yegnit’ina. Nu mbaraan o ngorooxaa a paax, yaam kaa ref nen o lampa laa na kaƥaa kam o niɓaan, boo yaa Roog a feedna, o xoor o maak ole ne’eena o Mbuŋa a feeñ kam a qeeñ nuun.

2 Korint 3:11

Yaaga boog, boo andoona yee ke miñeerna dara a jegta neene o ndam, nam ke na refkaa boo faw a hupitkeerun o ndam?

1 Korint 10:20

Ha’aa! Kuu sadaxeena pangool ke, cini ke a juurane, fi’anaand a Roog, too bugiim nu mbokatoor fo cini ke.

YEGIL MBAAX NE YEESU ne Saŋ a bindtuuna 12:45

Ga’axama itam, a ga’a oxe luliidaxama.

YEGIL MBAAX NE YEESU ne Saŋ a bindtuuna 15:24

Um fi’’angee a ndeer den a pi akaa o leng a moseerna o fi, njegkoogee bakaad. Ndiiki koy, a nga’a a den boo a ƈut, soo a sibaam, a sib a Faap es.

YEGIL MBAAX NE YEESU ne Saŋ a bindtuuna 1:18

O leng koy mosee o ga a Roog. Roog o Ƥiy o leng kut onqe rimeena, too a moƴ o mat a Faap fee, andnoorun.

A kim a tedu ke 50:2

Kam Siyoŋ fee o mosel um a jegeerna sik Roog oxe feeñaa no ndam um.

1 Timote 1:11

A cangin aleene koy, kaa inoor no Yegil mbaax ne doxneema, too ta feeñlaa o ndam onqe Roog fee helna simatel.

1 Maad we 22:22

A doonaan ee: ‹Xam ret, laynoor duleer we ten fop xa maaƥ.› O Yaal oxe a layaan ee: ‹Kaaga pexey mbaax oo ndax o naxin. Reti o fi naaga!› »

Mace 13:22

Ax ke nduufeena kam kiƈ ke ndefu oxe na nanaa fa lay fee Roog. Kaa koy, a qalaat ake na jamaane fee fo ne halal adna a ƴiƴtaa a den a naanga o ngoñaa fa lay fee Roog boo waagkee o rim.

A pi ake 26:23

Xan o Muumucil oxe regteena a coono, a ref oxe eetna o xontoox a ndeer no xon we, too xan a yegnaa xeet in fo qeet lakas ke a qoolaand ale.»

2 Korint 2:11

ndax Saytaane ci’kaand o gom olaa ta jegitna doole took in, yaam pexey um fo a pi um mo’ee o leng na in.

2 Korint 2:12

Ye fadiiduuma Torowaas, ɓisiid Yegil mbaax ne Kiristaa, ke o Yaal oxe a halanaxama a ƭat ake fop oo,

Galati 1:4

O Yaal oxe Yeesu Kiristaa ɓoxotu o ñis um yaam pakaad in, ndax ta mucil a in na jamaane fa mbaaxeer fee ndiiki, ne Roog fee refna Faap in a bugtuuna.

Hebre 6:4

O leng waagatee o dimle we ndaawna a qoolaand ale Roog boo a ƈut, a ñim ci’it ne Roog, a njeg a las no Yiif Tedu le,

1Saŋ 2:11

Kaa koy, oxe fexeerna o pog um, no niɓaan ole a refu. Kaa ñaaƴaa no niɓaan ole itam, too andee me ta jofaa, yaam o niɓaan ole kaa muur a kid um.