2 Korint 4:17 - NQAARIIT NE ROOG

¹⁷ Yaaga boog coono miñeer ke i ngomaa, meɗee a in, yaam o ndam o njegee nand onqe ta jagandankaa a in, too a refkaa boo faw.

2 Korint 4:17 Referans Kwoze

O leetar ole Pool a bindna GIMU WE NGENNA ROM 8:18

A wooraxam ee coono ke in ndiiki mbaagkee o liiƥoor muk fo o ndam onqe Roog a feeñilkaa a in.

1 Piyeer 5:10

Roog fee mayna yirmande, xoyu a nuun na Kiristaa, ndax nu mbog no ndam o mbagkeer onqe ten. Roog fa xoox um xan a fap a nuun na Kiristaa, a cinj yaa nu coono’na o ndik, a saƭkand a nuun, a ci a nuun doole, a fi a nuun bo nu mbaagkee o yen.

Saak 1:12

Oxe saƭikna, yaa ta ɗeetlooxeena, a ɗaaya. Ƭeetlax keene a mbaafangaa, xan a su’nel o ñoow ole Roog a regna we mbexuuna, ta ref o ndip um.

2 Korint 3:18

In fop we andoona yee a tagid in faŋ a fi’u, kaa i meleƈtaa no ndam onqe no Yaal in. Neene, kaa i suptel, ndax i nand fo o Yaal oxe. Kaa i sutooraa no ndam, ndokaa no ndam onqaa moƴna o magin. Keene refu boog calel ke no Yaal oxe refna Yiif.

O leetar ole Pool a bindna GIMU WE NGENNA ROM 8:37

No keene fop koy, in mbaagu meen na pexey doole Kiristaa fee fexna a in.

1 Piyeer 4:7

Muukandoong ne no kuu refna a matiida. Saqyo boog yiif jagandooxu, soo yetoox, ndax nu mbaag o nqeɗaa.

1 Korint 2:9

No kaa farna no jeg-yiif oleene koy, a Pind a Tedu ke a laya yee: «Kaa ref kaa a ngid a ga’eerna, nof ɗaaɗiran, too yiif no kiin gomiran. Kaa ref kaa Roog a roxanna we mbexuuna.»

Yudaa 1:24

Roog oxe refna o leng, a ref o Muumucil in na pexey o Yaal in Yeesu Kiristaa, ten soom waagu o saytoox a nuun no njom nuu refna. O ten waagu o geenin a nuun itam no ndam um, nu ñak sik, ndef no ɗaay o maak. Yaasam ta ɓoxotel o ndam fo maat fa doole fa sañ-sañ no kaa xotitna no mberaand naa, a gar ndiiki bo na moos boo moos! Amiini.

O leetar ole Pool a bindna GIMU WE NGENNA ROM 8:34

Yaaga boog, an saɗu maal a den? O leng, yaam Kiristaa Yeesu a xona, too kaa hupna keene a xontooxa. Ndiiki, kaa moof na ñamaak Roog, a xeɗanaa a in.

O leetar ole Pool a bindna GIMU WE NGENNA ROM 2:7

We ngenna no mbi’aa paax, soo a mbaaƭaa o ndam fo o niwel fo o ñoow o jegee hap, xan Roog a ci a den o ñoow o fagkeer ole.

Filip 1:19

Andaam ee keene fop, a muc es rek a ɓisiidkaa, na pexey a qeƭ nuun fo Yiif Tedu le Yeesu Kiristaa na dif’axam.

Esayi 54:8

Kam fuux ɗomu ɗasin’aaxoong mukit es no miñeer, ndaa kam o mbeq es o njegee hap xam yirmong. Mi o Yaal oxe layong o ten, mi fee o baawat of.

A kim a tedu ke 119:71

Paax oo na mi ye neewandeema, yaam a aqatinaxam ke dalnoona.

A kim a tedu ke 73:24

Kaa o ɗoxtaxam yuuƥ of, boo pafat o jangaam no ndam of.

A pi ake 20:23

Kaa koy, andaam ee ndeer teeru fa teeru Yiif Tedu le xe yegnaxam ee kaso fo coono owe cungaxam.

Mace 5:12

Mbelakinooxyo, too ndef kam o ɗaay, yaam ndabid nuun xan a magin na asamaan. Ba nu mbeecit itam ee neene duleer we adooxna a nuun a ñagadilit’e.»

Esayi 64:4

Kaa o xetiidaa fo we na mbi’aa cofu, a mbi’tan o ɗaay, too a mbetandooxang, yaa da ñaaƴaa na ƭat of. Kaa koy, fuuxaa, yaam ne i mbakaadna. Neene a refu yaaga boo fa ndiik. O koo, an na mucilkaa a in?

A kim a tedu ke 119:67

Kaam mo’’u mir yaaga neewandaandeem, ndaa ndiiki o ñuxur of um gayaa.

A kim a tedu ke 31:19

Fat a ƭelem a naanax ake a muumat, den we na mbentaa o cofu xe a magnandax a maamu too a siban.

A kim a tedu ke 30:5

Nqaanyo o Yaal oxe, nuun we ndamooxna no ten, simat gon tedu um,

Mberaand 15:1

Ye keene a faafna, o Yaal oxe a daawna a Abram fa lay um no ƭaaɗ ee: «Abram, ba o saɗar! Mi fa xoox es refu pegoor of, too saɗig of xan a magin tigi.»

1Saŋ 3:2

Fog es we fexuuma fex, ndiiki xa ƥiy Roog i ndefu, too ke i ndefkaa laltafulaand. Kaa koy, i anda yee yaa Kiristaa a feeñkaa, xan i nand fo ten, yaam xan i nga’in ne ta nandna nand.

2 Tesalonik 1:6

Ndigil oo kañ: Roog kaa rabdaa naqad we na naqadilaa a nuun,

2 Tesalonik 1:4

Ten taxu nu ndefat kañoor in kam pokatax ke no we ngimna na Roog, yaam ne nu njegna o muñ fo o ngim kam ñagadil ke fop fo naqad ke fop na ndalaa took nuun.

YEGIL MBAAX NE YEESU ne Lik a bindtuuna 6:23

Mbelakinooxyo na pe akaaga, too ndef no ɗaay, yaam ndabid nuun xan a magin na asamaan. Neene daan we no we na mbi’kaa a nuun keene a ñagadilit’u duleer we adooxna a nuun.

Esayi 26:20

Wo xeet es, roki no tok of too weg begax ke. Laqooxi a pe a leng-leng boo yaa fuux le a faafkaa,

2 Timote 2:10

Jaɓaam o gadoox fop yaam we njileena, ndax den oo, da mbaag o ndaaw a muc ale refna na Kiristaa Yeesu, a tapit o ndam onqe na refkaa boo faw.

A lim ale 5:28

Kaa koy, a soƥangaa yee o tew oxeene a xoola, dara damkiran, too xan a maad o jegaa xa ƥiy.