2 Korint 4:15 - NQAARIIT NE ROOG

¹⁵ Keene fop xan a jeg yaam nuun, ndax yirmande fee Roog a moƴ o siw took no moƴ-o-jaak ole no wiin we, ndax ta riñ a den da ngidmaa a Roog yaam o ndam um.

2 Korint 4:15 Referans Kwoze

O leetar ole Pool a bindna GIMU WE NGENNA ROM 8:28

I anda yee Roog kaa jalaa no ke na xewaa no ñoow no we mbexuuna fo no we ta xoyna no yuuƥ um fop, ndax ta rim o njiriiñ na den.

2 Korint 8:19

Kaa jolna keene sax, pokatax ke no gimu we njilun, ndax ta yoon fa in yaa i ƥisaa o ndimle nqeene i ngadneena, yaam o ndam no Yaal oxe. Neene i laltitaa itam ne i mbugitna o ndimle lakas we.

2 Korint 1:11

Nuun itam, nu langantangaa a in fo a qeƭ, yaaga xan Roog a jaɓ a qeƭ ake wiin mayu a nqeɗanaa a in, too xan a ci’it a in teen yirmande. Neene, xan wiin mayu a ngidim a Roog itam yaam in.

1 Piyeer 4:11

Nuun waawaare we, fat a ƭelem nuun a njagir fo fa lay fee Roog. Nuun we ndefna diidimle itam, fat nu ndimle’taa fa doole fee Roog a cooxna a nuun, ndax no kuu ta waagna waag o ref, Roog a ɓoxotel o ndam na pexey Yeesu Kiristaa fee jegna o ndam fa katil bo na moos boo moos. Amiini.

1 Piyeer 2:9

Nuun o mat, kaa nu ndef xeet fa njile fee, saasadax no Maad oxe, ƥasil tedu ne, xeet fee Roog a watna. Roog kaa jil a nuun, ndax nu yegnitik calel mosu ke ten, ten fee xoyitna a nuun no niɓaan ole, a ɓek a nuun na qoolaand a maak ale ten.

2 Timote 2:10

Jaɓaam o gadoox fop yaam we njileena, ndax den oo, da mbaag o ndaaw a muc ale refna na Kiristaa Yeesu, a tapit o ndam onqe na refkaa boo faw.

Galati 1:24

Maaga, a simata a Roog yaam mi.

A kim a tedu ke 50:23

Oxuu na ɓoxotaxam o ngidim nen sadax a niwaxam, too oxey na ƭat ale um lalitkan a muc es, mi Roog.

A kim a tedu ke 50:14

Ɓoxotaam o ngidim of kañ nen sadax, mi fee Roog of, too fadin ke regaxamoona, mi oxe Took-ee-took.

Kolos 1:24

Jegaam o mbelakinax lool no coono ke um coono’aa yaam nuun. Keene koy, kaa ref kaa um ɓaataa no coono ke Kiristaa no cer es, fadnanan o fog ole no gimu we, refna ref cer ke Kiristaa.

1 Korint 9:19

Mbaambir no fop, mi jegu a xoox es, ndaa koy kaa felaam um refan fop o paɗ, ndax moƴ-o-jaak we a ngim.

1 Timote 1:14

Yirmande fee no Yaal oxe a moƴa o siw koy, too daawaam o ngim onqe fo o mbeq onqe ndefna na Kiristaa Yeesu.