2 Korint 4:14 - NQAARIIT NE ROOG

¹⁴ I anda yee oxe xontooxnoorna o Yaal oxe Yeesu, xan a xontooxnoor a in itam fa Yeesu, too xan a feeñil a in fa nuun paam um.

2 Korint 4:14 Referans Kwoze

1 Tesalonik 4:14

Yaam ne i ngimna yee Yeesu a xona, a xontoox, fat i ngim itam ee: Xan Roog a xontooxnoorandoor fa Yeesu we nqonna, too a ngim’u no ten.

O leetar ole Pool a bindna GIMU WE NGENNA ROM 8:11

Boo Yiif le Roog fee xontooxnoorna a Yeesu a ndeer no xon we a genna na nuun, ten feene xontooxnoorna a Kiristaa fee a ndeer no xon we, xan a ñoowdand itam cer qooxon ke nuun, a fi’tin Yiif le ten genna na nuun.

Yudaa 1:24

Roog oxe refna o leng, a ref o Muumucil in na pexey o Yaal in Yeesu Kiristaa, ten soom waagu o saytoox a nuun no njom nuu refna. O ten waagu o geenin a nuun itam no ndam um, nu ñak sik, ndef no ɗaay o maak. Yaasam ta ɓoxotel o ndam fo maat fa doole fa sañ-sañ no kaa xotitna no mberaand naa, a gar ndiiki bo na moos boo moos! Amiini.

1 Korint 6:14

Roog kaa xontooxnoor o Yaal oxe, too xan a xontooxnoor a in itam, na pexey katil um.

Efees 5:27

yaam kaa bug’u o feeñil mbaambir um o fog ole no gimu we kam o mosel um fop, a bug ta xool, a ñak sik, too jegkee gak leng.

2 Korint 11:2

Yaam kaam naal a nuun, too naal neene na Roog a inooru. Kaam ceemreemaa a nuun, nu mbog o kor o leng kut, ta ref Kiristaa. Kaam bug o ɓoxot a nuun o ten nen o toog o qoolu.

Kolos 1:28

O ten o mat koy i yegnitaa, maƭooxaa o kiin oo kiin, njangnaa a den o and tigi, ndax oxuu refna a waag o geenoox mbaambir Roog, a ñak sik na Kiristaa.

Kolos 1:22

Ndiiki koy, Roog a jofooranda a nuun fa xoox um na pexey fa nqon Kiristaa no cer um, ndax ta geenin a nuun mbaambir um, nu ted, nqool, ñak ŋañel.

Esayi 26:19

Wo xeet es, xon we wo xan a ñoowatin, xa tal axe den a nqontoox! We ngulooxna lanq ke xan a yokoox soo a mbelakinoox, yaam liim of liim a qoolaand oo, too lanq ke xan a ndakin xon we no ñoow ole.

A pi ake 2:24

Kaa koy, Roog a xontooxnooraan, too a muclin na xa ƭomel axe fa nqon a ataa, yaam fa nqon waag’iran o jeng na sañ-sañ um.

YEGIL MBAAX NE YEESU ne Lik a bindtuuna 21:36

Yetooxyo boog, too nqeɗaa waxtu fuu refna, ndax a koom nu njeg doole faa nu ndaɗitna keene na xewkaa fop, ngeenoox mbaambir no Ƥeenqe no kiin oxe.»

A pi ake 2:32

Yeesu feene, Roog xontooxnoorun, too in fop seede i ndefu itam.

Saak 5:15

A nqeɗtangaa o ngim, yaaga xan o Yaal oxe a wodandin, a innin. A fi’angaa bakaad itam, xan Roog a waasanin o ten.