2 Korint 4:12 - NQAARIIT NE ROOG

¹² Ten taxu yoo, fa nqon fee kaa jalaa na in, soo o ñoow ole mat a jalaa na nuun.

2 Korint 4:12 Referans Kwoze

2 Korint 13:9

I neewangaa doole soo nuun o mat, nu ndef doole fa ƥor, kaa i mbelakinooxaa teen, too ke i nqeɗanaa a nuun refu nu ñak sik.

1Saŋ 3:16

Mene i anditkaa o mbeq onqe: Kiristaa a ɓoxota o ñis um yaam in. Ten taxu in itam, i mbara o ƥoxot o ñis in yaam fog in.

1 Korint 4:10

In, kaa i ƭeetel nen ñaku a qoox na Kiristaa, nu ƭeetel no ten nen yaal a yiif, i ndef neewu doole, nu ndef yaal toole. Kaam ee kaa nu niwel, i nqeefel.

A pi ake 20:24

Safiraam sax ee o ñoow es a jeganaxam o njiriiñ, a refangee um fadin calel ke fo o sep ole daawtuuma no Yaal oxe Yeesu: Ten refu um yegnitaa Yegil mbaax ne na yirmande fee Roog.

Filip 2:17

Um warange sax oo, fo’oy es kaa nandkaa soom nen ƥaate took o ngim onqe nu ƥoxotna a Roog nen sadax, sawaraam teen, felakinooxaa fa nuun, nuun fop.

2 Korint 12:15

Mi o mat, xam jaɓ o jiriiñoor ke jeguuma fop, too xam ɓoxot a nuun a xoox es yaam xa laaw nuun. Ndax ne fextuuma a nuun neene xan a tax o mbeq nuun fa mi a wañoox?

Filip 2:30

yaam no calel ke Kiristaa o ñoow um a yaac’u o ɓostoor, yaam ta doon’un no xoƥ nquƭ, ye ta rondandna a nuun paam es.

2 Korint 4:11

In we maadna o ñoowaa, kaa i ngen no ñaaƴaa na pelyook fa nqon yaam Yeesu, ndax o ñoow Yeesu a waag o laltinoox itam no cer qooxon ke in.

2 Korint 4:13

A Pind a Tedu ke kaa lay ee: «Kaam gim, ten taxu um layaa!» In itam, ne i mbogna yiif leng kut no ngim onqe, kaa i ngim, ten taxu i layaa.