2 Korint 4:10 - NQAARIIT NE ROOG

¹⁰ Kaa i ndoxondooxaa kili fa nqon fee Yeesu took cer in, ndax o ñoow um itam a waag o laltinoox no cer in.

2 Korint 4:10 Referans Kwoze

O leetar ole Pool a bindna GIMU WE NGENNA ROM 6:5

A soƥangaa yee kaa i mbogat njer leng kut fa Kiristaa, yaa i nqonna nen o ten, yaaga xan i mbog fo ten itam na qontax ale.

2 Timote 2:11

Fa lay feeke, fa lay fa saƭku yoo: A soƥangaa yee i nqona fo ten, xan i ñoowatin fo ten,

1 Piyeer 4:13

Kaa nu mbar o mbelakinoox kañ, yaam ne nu njegna a las no coono ke Kiristaa, ndax nu may fo o ɗaay itam, yaa o ndam onqe ten a feeñilkeel.

O leetar ole Pool a bindna GIMU WE NGENNA ROM 6:8

A soƥangaa yee kaa i nqonandoor fa Kiristaa, i ngima yee xan i ñoowandooratin fo ten itam.

2 Korint 13:4

A neew’a doole lool no cer um, ye ta rengeel na kurwaa, ndaa oxe ñoowaa na pexey katil ne Roog. In itam, kaa i neew doole no ten, ndaa xan i ñoowaa fo ten na pexey katil ne Roog, too xan nu nga’in.

2 Korint 1:5

Ne i coono’taa mayu na Kiristaa, neene itam a yaalax in na Kiristaa a magnitu.

O leetar ole Pool a bindna GIMU WE NGENNA ROM 8:36

Keene kaa ref nen ke layeena kam a Pind a Tedu ke yee: «Ñaal oo ñaal a jega na in waa na mbareel yaam o sagin of, soo i ƭeeteel nen paal kaa na ƥiseel no warand.»

Kolos 1:24

Jegaam o mbelakinax lool no coono ke um coono’aa yaam nuun. Keene koy, kaa ref kaa um ɓaataa no coono ke Kiristaa no cer es, fadnanan o fog ole no gimu we, refna ref cer ke Kiristaa.

2 Korint 1:9

Na in fa qoox in o mat, i mboog’ata yee fa nqon soom i yoqɗoorate, ndax i ndoonkee a koolax in na qoox in, ndaa ndax i ndiƈin na Roog fee na xontooxnooraa xon we.

Galati 6:17

Koo jaf le na garaa, ba o leng a taxat um jaaxiɗ, yaam a aak ake ndefna no cer es fop, Kiristaa taxun.

YEGIL MBAAX NE YEESU ne Saŋ a bindtuuna 14:19

Miñkatee dara, adna fee nga’katiraam, ndaa nuun, xan nu nga’aam, yaam mexe ñoowaa, too nuun itam xan nu ñoow.

Mbeeñil 1:17

Ye ga’anuuma, yenaam na caf um nen kaam xon. A doona o ɓay o ñamaak um took es, too a lay ee: «Ba o diid! Mi refu o eetaand oxe fo o palakaand oxe

2 Korint 4:11

In we maadna o ñoowaa, kaa i ngen no ñaaƴaa na pelyook fa nqon yaam Yeesu, ndax o ñoow Yeesu a waag o laltinoox itam no cer qooxon ke in.

1 Piyeer 4:14

Boo nu mbeneena yaam gon le Kiristaa, nu ƭaaya. Yiif le saqna o ndam onqe, refna ref Yiif le Roog, oxey took nuun.