2 Korint 4:1 - NQAARIIT NE ROOG

¹ I ndeɓkee muk njambaar in, yaam ne Roog a lasna a in calel keene na pexey o paaxel um.

2 Korint 4:1 Referans Kwoze

2 Tesalonik 3:13

Nuun o mat fog we, ba nu lay muk ee: «I nqija no paax ke i mbi’aa.»

Galati 6:9

Baa o fi paax a fas a in. I yapatilangee a pi a paax, i ñakkee o saxad muk, yaa hap fee a fadiidna.

Efees 3:13

Neene boog, mexe xeɗaa a nuun nu mbañ o ndeɓ njambaar ne nu njegna, yaam coono ke um gomanaa a nuun. Coono keene na ndimaa o ndam nuun.

Filip 4:13

Waagaam fop yaam oxe na dif’axam.

2 Korint 4:16

Ten taxu i mo’nee njambaar in, too sax ke refna ngiin tafil in a yaqooxangaa, xan ngiin kam ne a saxatinaa ñaal oo ñaal.

Mbeeñil 2:3

Andaam itam ee saƭkaa. Xijaa yaam gon es, too dakooxiro a cinj.

Hebre 12:3

Ƥekyo a yiif nuun no ten, ƭeet ne ta jaɓ’ina o roxondoorit ne baabakaad we a tooñtuuna, yaam ndik nu ñak yaakaar, nomtoox a cinj.

2 Korint 3:6

Roog waagnooru a in, i ndef jaajal no ngiɓoor nqas ne, reefeerna no kebil ke mbindeena ndaa no Yiif Tedu le. Kebil ke mbindeena kaa mbarnooraa, ndaa Yiif le o mat kaa ci’taa o ñoow.

1 Piyeer 2:10

Nuun we andoona yee yaaga «nu ndeeƭee xeet um», ndiiki nu ndefata «xeet fee Roog». Nuun we «ndaaw’eerna yirmande», ndiiki «nu ndaawata yirmande».

1 Timote 1:13

mi fee andoona yee yaaga, kaam reeƭu oxaa na wenan, ñagadilaa we ngimna no ten, ref o kiin fo’oy. Kaa koy, daawaam yirmande, yaam kaa and’iim ke um fi’aa, took o ñak o ngim.

2 Korint 5:18

Keene fop na Roog a inooru, ten fee jofoorandna a in fa xoox um na pexey Kiristaa, soo a doxin a in i ndef dag no njofoor ne.

2 Korint 3:12

Ne i njegna yaakaar neene taxu boo i njeg a koolax.

1 Korint 7:25

Jegiim koy kebil inooru no Yaal oxe a jof no roog we fo mbes ke, ndaa xam lay xalaat es, nen oxaa o Yaal oxe a ci’na yirmande boo ta waag o ref gor.

Esayi 40:30

Mbes ke kaa nqijaa, a ñakaa doole, xir say we sax kaa tolofaa leek-leek,

Esayi 40:31

ndaa we yaakaarna o Yaal oxe kaa ndaawaa doole fa nqas. Kaa yetaa nen a canjiik, a ƈufaa, too nqijkee, a ñaaƴaa, too ñakkee doole.»

Yeremi 45:3

Kaa o layaa yee: ‹Sabab took es! O Yaal oxe a ɓaata naqad na ƭomaan es. Kaam xij laƈ no iinaa too jegiim a ñootnax sen.›

YEGIL MBAAX NE YEESU ne Lik a bindtuuna 18:1

Yeesu a naxooxa a den, ndax ta lal a den ee a mbara o ngen no nqeɗaa, too a mbañ o mbaas.

1 Korint 3:5

Xar Apolos mbaat Pool a ndefu? Faɗ lule soom i ndefu, waa mbi’oogna, oxuu refna ke o Yaal oxe a coox’uuna, ndax nu ngimit na in.