2 Korint 3:7 - NQAARIIT NE ROOG

⁷ Kebil ke kaa mbindel ɗelem took ɗelem na alfa ƥil, too o ndam Roog a meleƈ’a na waxtu faaga. A tagid ale Moyiis a meleƈooga boo xa taan axe Isra’el mbaag’atee o njasnoor fo ten. Yaag oo toox de, a qoolaand aleene a war’a o ñuf. Boo kebil ke andoona yee calel den na fa nqon rek a ƥisaa a njegitna neene o ndam,

2 Korint 3:7 Referans Kwoze

1 Korint 13:10

Boo ke deyna sik a garna koy, xan ke deyeerna a mooc.

O leetar ole Pool a bindna GIMU WE NGENNA ROM 10:4

Mee ndax Kiristaa refu muukandoong ne no kebil ke Moyiis, ndax fop we ngimna a njofandel mbaambir Roog.

A sutax ale 31:18

Ye o Yaal oxe a layna fa Moyiis boo a ƴut took o joong olaa Sinayi, a cooxaan a alfa ƥil a ƭak ake ta bind’ina kebil ke, ten fa xoox um.»

2 Korint 3:6

Roog waagnooru a in, i ndef jaajal no ngiɓoor nqas ne, reefeerna no kebil ke mbindeena ndaa no Yiif Tedu le. Kebil ke mbindeena kaa mbarnooraa, ndaa Yiif le o mat kaa ci’taa o ñoow.

2 Korint 3:3

Ndigil oo kañ, nuun o mat ndefu o leetar ole Kiristaa a bindna a reefandin no calel in. O leetar oleene koy bindtaand aŋkar, ndaa fo Yiif le Roog fa ñoow jok fee a bindte. O leetar oleene bindaand itam took a alfa ƥil, ndaa kaa bindel took a alfa kaa ndefna cer, kam a qeeñ nuun.

A sutax ale 24:12

O Yaal oxe a laya a Moyiis ee: «Ŋaayiidi me mi took o joong ole too geenoox teen. Kaam bugong o coox a alfa ƥil ake, too um bind teen ke hebluuma, dalnin, ndax xeet fee Isra’el a njangin.»

O leetar ole Pool a bindna GIMU WE NGENNA ROM 4:15

Kebil ke na ndimaa fuux le Roog, too muu kebil a njegeerna, a ƭap kebil jegee maaga itam.

A kim a tedu ke 119:97

Bugaam a cangin of boo waagaand o lay, um ɓaalan taa kam es no ñaal ne fop.

O leetar ole Pool a bindna GIMU WE NGENNA ROM 7:10

soo um xon. Yaaga boog, kebil ne waraxama o ɓis no ñoow, a refata na mi kebil ne na ɓisaa na fa nqon.

A pi ake 6:15

Waa ndeeƭna no moofand olaa no Mal maak naa fop kaa naang’u a Eceen jak a kid, too a nga’a mukit um a nand nen mukit malaaka.

A kim a tedu ke 119:174

O Yaal oxe, kaam tayaa a muc of, too a cangin of na ɗaaynooraxam.

A cangatin ale 9:15

Dalfooxaam o geleeroox, fudooxiidaa, deegoox a alfa ƭak ake no ngiɓoor ne. O joong ole o mat kaa kaƥoogu ne ta fodeena fop.

O leetar ole Pool a bindna GIMU WE NGENNA ROM 7:22

Kaam jegtaa o ɗaay no kebil ke Roog kam ee kam es.

A cangatin ale 4:13

A daawna a nuun ngiɓoor ne ten, refna kebil xarɓaxay ke nu mbarna o ngay, a bind a den took a alfa ƥil a ƭak.

A sutax ale 34:1

O Yaal oxe a laya a Moyiis ee: «Sexi a alfa ƥil a ƭak, da nand fo a eetaand ake, too xam bind teen a ƭelem ake ndeeƭna na eetaand ake gefoona.

A sutax ale 32:19

Ye Moyiis a matiidna saŋe ne, a ƴook o nqeel onqe fo o mbec onqe, a fuuxa fuux maak. A deɓa a alfa ƥil ake ta deegoox’ina, da yen na caf ale no joong ole, a ngef.

Mberaand 3:21

O Yaal oxe Roog a dalfooxa o fi’an a Aadama fa Awa tikoorik ƭool, a rokin a den.

Hebre 9:4

A jeg’a maaga o sadaxand ole fi’teena wurus, me cuuraay fee a doxtoogeena, a jeg itam arka ne no ngiɓoor ne laar’eena wurus. Kam arka ne a jeg’a o ƥaxañ wurus olaa yipoogna maan. O samb ole Aaroon fiɗ’ina fo a alfa ƥil ake me fa lay fee no ngiɓoor ne a bind’eena a ndeeƭa teen itam.

Nehemi 9:13

Fudooxiidaa took o joong olaa Sinayi, layaa fa den taa took asamaan. Daawnaa a den bargal cofu, a cangin a tiindigil, ke dalnoona fo kebil cegee sik.

A cangatin ale 4:8

Xeet fa maak fum njegu bargal fo kebil kaa njofitna nen ke um cooxaa a nuun xaye?»

A cangatin ale 5:22

Keene refu kebil ke o Yaal oxe a daawinna mbokatax ne nuun fop, a fi’tin o ñuxur o jegu doole took o joong olaa a ndeer fiɗel laa fo eel niɓu fo o niɓaan too ɓaatee teen dara. A binda a den took a alfa ƥil a ƭak soo a ɓoxotaam a den.»

O leetar ole Pool a bindna GIMU WE NGENNA ROM 5:20

Kebil ke o mat, kaa mbudooxiid, ndax bakaad fee a moƴ o ɓaatoox. Kaa koy, muu bakaad fee a ɓaatoorna, yirmande Roog a moƴ o siw.

O leetar ole Pool a bindna GIMU WE NGENNA ROM 7:5

Ye i ñoowoogna no ke cer ke a mbugna, o bug o faaxeer ole kebil ke a yaawnooroogna a yo’nooga cer in fop, too a sakatinooga na in xa tim axaa na ƥisaa na fa nqon.

2 Korint 3:8

yaaga nam a qoolaand ale no calel ke no Yiif Tedu le a waru o fod?

Galati 3:10

We na njeemaa o ndeef kebil ke, ndax da ƭeetel nen jofu mbaambir Roog, a salooxe, yaam a binde yee: «Oxuu reefeerna ke bindeena no safe le no kebil ke fop, a fañ o ñoowit ne ta jangnituuna, a salooxe.»

Galati 3:21

Yaaga koy, ndax kebil ke kaa nguutatir fo ke Roog a regitna? Ha’aa kañ! Kebil kaa mbaagna o tax o kiin a jeg o ñoow a cooxit’ange, yaaga oxuu na fi’aa ke kebil ke a layna, Roog a ɗeetkoogaan nen o cofu.

Hebre 3:3

Oxe na tabaxaa mbind moƴu ɓoxoteel tedaanga ee mbind ne fa xoox um. Neene itam o ndam onqaa hupna onqe Moyiis jombee a Yeesu.

Hebre 12:18

Nen a xeet fee Isra’el, nu matiidee o joong ole waraandeena o duq: O joong oleene refu o Joong ole Sinayi, fiɗel um a sumna boo jip, a sisaaƥ, a niɓaan boo tit, a doon teen a undaa,