2 Korint 3:6 - NQAARIIT NE ROOG

⁶ Roog waagnooru a in, i ndef jaajal no ngiɓoor nqas ne, reefeerna no kebil ke mbindeena ndaa no Yiif Tedu le. Kebil ke mbindeena kaa mbarnooraa, ndaa Yiif le o mat kaa ci’taa o ñoow.

2 Korint 3:6 Referans Kwoze

YEGIL MBAAX NE YEESU ne Saŋ a bindtuuna 6:63

Yiif le Roog na ñoownaa, cer ƭaxee dara boo dara fag. A ƭelem ake layuuma a nuun koy, Yiif fo o ñoow a ndefu.

O leetar ole Pool a bindna GIMU WE NGENNA ROM 7:6

Kaam ee, me ta refna i mbate no kebil ke, yaam ke dam’ina a in mbaƭ a xona na in. Ndiiki koy kaa i ndagooxaa a Roog a tagoorooƭ a qas na pexey Yiif Tedu le, soo mbaas a tagoorooƭ a kiid ale me i ndagoortoogna kebil ke.

Yeremi 31:31

O Yaal oxe kaa tee: «Ñaal key a ngaraa, kaa um dalnatinkaa ngiɓoor nqas fa xeet fee Isra’el, dalnatinin fa fee Yudaa.

O leetar ole Pool a bindna GIMU WE NGENNA ROM 8:2

yaam kebil ke no Yiif le Roog na ci’aa we mbogna na Kiristaa Yeesu o ñoow, a mbokta a in na fa nqon fee bakaad a ɓisiidaa.

Hebre 12:24

Kaam ee, nu matiida a Yeesu fee refna o ndok-a-ndeer onqe no ngiɓoor nqas ne, matiid fo’oy le ten ɓaxeena, too a regaa a nuun kaa moƴna le Abel.

Hebre 7:22

Ten taxu Yeesu a ref o ñaas ole woorinna a in ngiɓoor ne moƴna.

2 Korint 3:14

Kaa koy, a qalaat den kaa niɓaan, too boo xaye sax, boo da njangaa safe le no ngiɓoor eetaand ne, muurax ne oxe maadaa, too watnaand. Muurax neene, oxe watitkaa no xe fogna na Kiristaa soom.

1 Korint 15:45

Keene o mat taxu ta bindel ee: «Aadama fee refna o kiin o eetaand oxe a dalfooxa o saq o laaw.» Aadama fa mbalakaand fee koy, yiif laa na ñoownaa a refu.

O leetar ole Pool a bindna GIMU WE NGENNA ROM 3:20

Ten taxu, o leng ɗeetkaand nen o cofu mbaambir Roog, yaam ne ta fadnaa kebil ke. Kebil ke kaa andnooraa o kiin oxe bakaad um soom.

Hebre 13:20

Roog a xontooxnoora o Yaal in Yeesu a ndeer no xon we. O ten refu o kaynaak o maak oxe na gayaa paal um, yaam ne ta ɓoxotooxna nen sadax na pexey fo’oy um. Fo’oy leene o mat sinju ngiɓoor mbooru ne faafkeerna. Yaasam Roog fee mayna fa jam a ci a nuun doole faa nu mbi’taa paax, ndax nu mbadin ke ta bugna. Yaasam ta fi na in ke feluuna na pexey Yeesu Kiristaa. Kaam ee, yaasam o Yaal oxe Yeesu a ɓoxotel o ndam boo faw. Amiini.

YEGIL MBAAX NE YEESU ne Lik a bindtuuna 22:20

Yaa da nju’ooxna boo a ƈut, a janga o kaas biiñ itam, soo a lay ee: «O kaas biiñ oleeke refu ngiɓoor nqas ne sinjeena took fo’oy le mi ɓaxeena yaam nuun.

1 Korint 11:25

Yaa da nju’ooxna boo a ƈut, a janga o kaas biiñ itam, soo a lay ee: «O kaas biiñ oleeke refu ngiɓoor nqas ne sinjeena took fo’oy le mi. A mbanuu nu yeruuna, fat nu mbetandooraxam o ten.

Mace 13:52

A dakooxa o lay a den ee: «Ten taxu boog, o caajangin no kebil ke Moyiis, a refangaa o taalbe no Maat ne na asamaan, kaa nand fo o yaal mbind oxaa na suttaa no ngeekand um qas fo kiid.»

1 Piyeer 3:18

Jaf leng kut, Kiristaa fee jofna a xona yaam pakaad ke no jofaƭaru we, ndax ta ɓisiid a nuun maa Roog. Cer um kiihiin a nqona, ndaa Yiif Tedu le a nomtiidaan no ñoow ole.

A cangatin ale 27:26

‹Oxuu reefeerna kebil keene fop, a fañ o ñoowit ne da njangnituuna, a halakooxa!› Fat xeet fee fop a ndoon ee: ‹Amiini!› »

1 Timote 4:6

Boo layoona fog we keene fop, xan o ref o caajal o paax na Kiristaa Yeesu, o caajal oxaa na ñoowtaa fa lay fee no ngim onqe, refna a cangin a paax ale o reefaa.

Efees 3:7

Kaam refat o caajal no Yegil mbaax ne yaam ci’it ne Roog a cooxaxama kam yirmande um na pexey doole fee na katil um.

Galati 3:21

Yaaga koy, ndax kebil ke kaa nguutatir fo ke Roog a regitna? Ha’aa kañ! Kebil kaa mbaagna o tax o kiin a jeg o ñoow a cooxit’ange, yaaga oxuu na fi’aa ke kebil ke a layna, Roog a ɗeetkoogaan nen o cofu.

2 Korint 3:7

Kebil ke kaa mbindel ɗelem took ɗelem na alfa ƥil, too o ndam Roog a meleƈ’a na waxtu faaga. A tagid ale Moyiis a meleƈooga boo xa taan axe Isra’el mbaag’atee o njasnoor fo ten. Yaag oo toox de, a qoolaand aleene a war’a o ñuf. Boo kebil ke andoona yee calel den na fa nqon rek a ƥisaa a njegitna neene o ndam,

1 Korint 12:28

Kam o fog ole no gimu we Roog kaa eet o dalin apootar we, we na njo’tanaa a Roog a ndeef, jaajangin we a ndoonoox, soo cinj kaaga, we ci’eena a mbaag o mbi comlaand, cinj weene we mbaagna o mbodand, soo we mbaagna o ƈufig a ngar fo we mbaagna o adooxan lakas we fo we na layaa lak-yiif.

1 Korint 3:5

Xar Apolos mbaat Pool a ndefu? Faɗ lule soom i ndefu, waa mbi’oogna, oxuu refna ke o Yaal oxe a coox’uuna, ndax nu ngimit na in.

O leetar ole Pool a bindna GIMU WE NGENNA ROM 4:15

Kebil ke na ndimaa fuux le Roog, too muu kebil a njegeerna, a ƭap kebil jegee maaga itam.

YEGIL MBAAX NE YEESU ne Saŋ a bindtuuna 5:21

Ne Faap fee a xontooxnoortaa, a ñoowdandaa, neene o Ƥeenqe a cooxtitaa o ñoow oxuu feluuna.

Mark 14:24

Yeesu a laya a den ee: «Kene refu fo’oy es no ngiɓoor ne ɓaxeena yaam mayu.

Mace 26:28

yaam kene refu fo’oy es, fo’oy le no ngiɓoor ne. Kaa ɓaxel ndax mayu a mbaasanel pakaad den.

2 Korint 3:9

A soƥangaa yee o ndam onqe no kebil ke na njambaa wiin we fod’u neene, nam a waagu o refit boo calel ke na njofandaa wiin we mbaambir Roog ngupkiran o ndam?

O leetar ole Pool a bindna GIMU WE NGENNA ROM 4:17

ne a Pind a Tedu ke a laytuuna yee: «Xam fi o ref o taan no qeet mayu.» O taan in a refu mbaambir Roog fee ta gimna. Roog feene kaa ci’aa xon we, da ñoow, soo a heblaa kaa moseerna o jeg, ta feeñ.

O leetar ole Pool a bindna GIMU WE NGENNA ROM 1:5

No ten daawtum yirmande fo waag o ref apootar boo qicaa qeet ke fop, da ngim no ten, too a nananin, ndax gon um a simatel.

1Saŋ 1:1

In we mbindaa a nuun no kaa farna no kaa reeƭna no mberaand naa, ta ref fa lay fee no ñoow ole. Kaa i nanin, nga’in fo a kid in, ngorooxin, soo nduqin fo xa ƥay in.

2 Timote 1:11

Yegil mbaax neene koy taxu um dodel o baawaare fo apootar fo o caajangin.

Efees 2:5

A taxa boo i ñoowatin fa Kiristaa, in we ndeeƭna waa nqonna mbaambir um yaam tooñ in. Neene boog, na yirmande Roog nu muctu.

1 Korint 3:10

Mi o mat, kaa Roog a yirmaam, um doon fer le nen o taatabax tigi. Ndiiki koy, o lakas a gara, a max ke yoqna. Oxe na maxaa ke yoqna koy, a wara o wootoox, a haan no ne ta maxtaa.

Efees 2:1

Yaaga, kaa nu nqon’u mbaambir Roog yaam tooñ nuun fo pakaad nuun.

2 Korint 3:3

Ndigil oo kañ, nuun o mat ndefu o leetar ole Kiristaa a bindna a reefandin no calel in. O leetar oleene koy bindtaand aŋkar, ndaa fo Yiif le Roog fa ñoow jok fee a bindte. O leetar oleene bindaand itam took a alfa ƥil, ndaa kaa bindel took a alfa kaa ndefna cer, kam a qeeñ nuun.

2 Korint 11:23

Ndax kaa ndef jaajal Kiristaa? Um lay a nuun ƭof boog, yaam mi moƴun o ref a den. Kaam moƴ o jal a den, moƴ o ɓekel a den kaso, moƴ o xawel, boo kaam gen’u sax no ñaaƴaa took a semb es.

Hebre 8:13

Boo Roog a laytaa ngiɓoor nqas, kaa soƥ ta nogoyand eetaand ne. Yaam kuu hiidna too a nogoy, took o ñuf a jofu.