Biblia Todo Logo
Bib sou entènèt

- Piblisite -




2 Korint 3:3 - NQAARIIT NE ROOG

3 Ndigil oo kañ, nuun o mat ndefu o leetar ole Kiristaa a bindna a reefandin no calel in. O leetar oleene koy bindtaand aŋkar, ndaa fo Yiif le Roog fa ñoow jok fee a bindte. O leetar oleene bindaand itam took a alfa ƥil, ndaa kaa bindel took a alfa kaa ndefna cer, kam a qeeñ nuun.

Gade chapit la Kopi




2 Korint 3:3
35 Referans Kwoze  

Xam ci a den xeeñ leng kut soo ɓek na den yiif xas. Xam watin no ngiin den xeeñ den le saƭkitna nen ɓil soo ci a den xeeñ hiihiin,


Kaa koy, keeke refu ngiɓoor ne um dalnatinkaa fa xeet fee Isra’el cinj ñaal keene: Xam ɓek kebil es kam a yiif den, bind a den kam a qeeñ den. Maaga, xam ref Roog den, da ndefat xeet es. Mi o Yaal oxe layun.


A doona teen ee: Keeke refu ngiɓoor ne um dalnatinkaa fa xeet fee Isra’el cinj ñaal keene: Xam ɓek kebil es kam a yiif den, bind a den kam a qeeñ den. Xam ref Roog den, da ndefat xeet es.


«Keeke refu ngiɓoor ne um dalnatinkaa fa den cinj ñaal keene. Xam ɓek kebil es kam a yiif den, bind a den kam a qeeñ den. Keene o mat o Yaal oxe a layu.»


Ten taxu um lay ee: «Mexey, garaam! Ke waruuma o fi, soƥaam ta bindel kam a pind a tedu ke.


Ye o Yaal oxe a layna fa Moyiis boo a ƴut took o joong olaa Sinayi, a cooxaan a alfa ƥil a ƭak ake ta bind’ina kebil ke, ten fa xoox um.»


Ndi nam ngenand ne Roog a waagu o yoonit fo pangool ke? Yaam in o mat ndefu ngenand Roog fa ñoow jok fee, ne Roog fa xoox um a laytuuna: «Xam gen fa den, i ñaaƴandoor. Mi na refkaa Roog den, da ndef xeet es.»


O Yaal oxe a laya a Moyiis ee: «Ŋaayiidi me mi took o joong ole too geenoox teen. Kaam bugong o coox a alfa ƥil ake, too um bind teen ke hebluuma, dalnin, ndax xeet fee Isra’el a njangin.»


A reftangaa neene, nam fo’oy le Kiristaa a moƴitkeerun o waag o fi! Na pexey Yiif le na refkaa boo faw, a ɓoxota a xoox um a Roog nen sadax fa njegee sik. Fo’oy um xan a xooland a qeeñ in na pi a qonu ke, ndax i mbaag o njalan a Roog fa ñoow jok fee.


Yaasam ba o sambir fo o paaxel fo ngor! Humi a den no cok of, bind a den no xeeñ of.


Humi a den no qol of, bind a den no xeeñ of.


O Yaal oxe Hupna fop, koo me genoona a yaawnooxa!


Fop kaa laytaa ne nu ndalnit’ina a in fo ne nu mbesitna a cinj tefee Roog ke nu mbaɗooxoogna, soo ngeleeroox, ndax nu mbaɗooxaa a Roog fa ndigil fee na ñoowaa,


Maaga, Simoŋ Piyeer a doonaan ee: «Wo refu Kiristaa fee o Muumucil oxe regteena refna o Ƥeenqe Roog fa ñoow jok fee.»


Ne njaf a duñnoortaa xur foofi, neen o laaw es a duñnoortang, wo Roog.


O Yaal oxe a laya a Moyiis ee: «Sexi a alfa ƥil a ƭak, da nand fo a eetaand ake, too xam bind teen a ƭelem ake ndeeƭna na eetaand ake gefoona.


Oxuu jegna nof, fat a nan-giloox ke Yiif le a layaa pokatax ke no gimu we.› »


«Bindanaam a malaaka fee na yetooxaa mbokatax ne no gimu we kam teeru faa Tiyatiir ee: ‹Fa lay feeke kaa inoor no Ƥeenqe Roog, a kid um a miric-miricnaa nen ƈulfaan fiɗel, a caf um a telelaa nen xanjar faa naayneena na fiɗel boo a xawnel.


«Bindanaam a malaaka fee na yetooxaa mbokatax ne no gimu we kam teeru faa Ismir ee: ‹Fa lay feeke kaa inoor no xe refna o eetaand oxe fo o palakaand oxe, a ref oxe xon’ina, a xontoox.


Kaa koy, o Yaal oxe refu Roog fa ndigil fee, a ref Roog fa ñoow jok fee, o maad oxe na refkaa boo faw. A fuuxangaa, lanq ke a yo’noox, too qeet ke ngatlee xulmbax um.


Yosuwe a laya yee: «No keeke nu anditkaa yee Roog fa ñoow jok fee oxey a ndeer nuun too xan a rax mbaambir nuun Kaakanaan we, Heeheet we, Hiihiwi we, Peeperisi we, Giigirgasi we, Aa-amori we fo Yeeyebus we:


«Bindanaam a malaaka fee na yetooxaa mbokatax ne no gimu we kam teeru faa Lawodise yee: ‹Fa lay feeke kaa inoor no xe refna Amiini. Kaa ref itam o seede o kore’u xe fo o tefu ndigil oxe, ke Roog a sakna fop a hat no ten.


«Bindanaam a malaaka fee na yetooxaa mbokatax ne no gimu we kam teeru faa Filadelfi yee: ‹Fa lay feeke kaa inoor no Tedu xe refna Ndigil ne itam. Ten saqu o jaafu le Dawid, a ref oxe na wetaa, too o leng wegkee, a ref itam oxe na wegaa, too o leng waagkiran o wet.


«Bindanaam a malaaka fee na yetooxaa mbokatax ne no gimu we kam teeru faa Pergaam ee: ‹Fa lay feeke kaa inoor no xe saqna saamar.


«Bindanaam a malaaka fee na yetooxaa mbokatax ne no gimu we kam teeru faa Efees ee: ‹Fa lay feeke kaa inoor no xe deegooxna xa qoor ɓetaa ƭaq axe na ñamaak um, refna oxe na ñaaƴaa a ndeer a pagal ɓetaa ƭaq xa lampa akaa mbi’teena wurus.


Maaga, o maad Daryus a binda wiin we no qeet ke fop fo na saax ake fop fo no lak ke fop, ngenna na adna fee yee: «Yaasam Roog a ci a nuun jam!


O Yaal oxe kaa tee: «Bakaad fee no we ngenna Yudaa kaa bindtel pindir njelem, a tufir jamaa. Kaa miimel na patax ale na qeeñ den fo took xa can axe na xa sadaxand axe den.


«Bindanaam a malaaka fee na yetooxaa mbokatax ne no gimu we kam teeru faa Sardes ee: ‹Fa lay feeke kaa inoor no xe saqna a yiif ɓetaa ƭaq ake Roog, a deegoox xa qoor ɓetaa ƭaq axe. Kaa tee: Andaam ke o fi’aa fop. Kaa o nandtaa oxaa na ñoowaa, too yaaga fop oo kaa o xon.


Dawid a laamta xiixire waa ndeeƭna paam um ee: «Oxe na warkaa o Fiifilista xene, ndax ta watin o nqas onqe ta xasaa Ii-isra’el we xar a daawkaa? Ndi an o Fiifilista qucooxar oxene a foogu yee ten a refu boo a saɗ o wenaa xiixire we Roog fa ñoow jok fee?»


Moyiis a fudooxiida o joong ole, a deegoox a alfa ƭak ake no kebil ke. A alfa luu refna xa saax xa ƭaq axe fop kaa mbind’el.


Xar Apolos mbaat Pool a ndefu? Faɗ lule soom i ndefu, waa mbi’oogna, oxuu refna ke o Yaal oxe a coox’uuna, ndax nu ngimit na in.


Roog waagnooru a in, i ndef jaajal no ngiɓoor nqas ne, reefeerna no kebil ke mbindeena ndaa no Yiif Tedu le. Kebil ke mbindeena kaa mbarnooraa, ndaa Yiif le o mat kaa ci’taa o ñoow.


Kebil ke kaa mbindel ɗelem took ɗelem na alfa ƥil, too o ndam Roog a meleƈ’a na waxtu faaga. A tagid ale Moyiis a meleƈooga boo xa taan axe Isra’el mbaag’atee o njasnoor fo ten. Yaag oo toox de, a qoolaand aleene a war’a o ñuf. Boo kebil ke andoona yee calel den na fa nqon rek a ƥisaa a njegitna neene o ndam,


Swiv nou:

Piblisite


Piblisite