2 Korint 3:12 - NQAARIIT NE ROOG

¹² Ne i njegna yaakaar neene taxu boo i njeg a koolax.

2 Korint 3:12 Referans Kwoze

2 Korint 7:4

Jegaam a koolax a maak na nuun, ta refat sax o wooƥ o fakoor es na nuun. Kaam ee, mayaam fo xa yaaloorand, may muut fo o ɗaay kam coono ke in fop.

Filip 1:20

Kaam cungaa rek, too yaakaaraa yee jegkiim gaci. Feek naa moofum, too boo kili, xan Kiristaa a ɓoxotel o ndam no cer es fa doole, ta ref um sutel kaso mbaat um wartel teen,

A pi ake 4:13

Yaa waa mbog’ina no Mal naa a nga’na njambaar ne Piyeer fa Saŋ, kaaga a beta a den lool, yaam a and’a yee a cang den goƭee. Kaa koy, a and’ata yee no we yoonoogna fa Yeesu a mbogu itam.

YEGIL MBAAX NE YEESU ne Saŋ a bindtuuna 16:29

Daalbe we ten a layaan ee: «Ndiiki de, fa lay fee wo a xoola qac. Laytatiro a naxax a leng.

1 Timote 3:13

yaam we na mbi’aa calel den ne ta waritna, xan a niwel, too me da ndoonkeel, o mbiñ o niwe a refkaa. Keene, xan a tax itam da nan-gilooxeel a paax, yaa da layaa kaa jofna no ngim na Kiristaa Yeesu.

1 Tesalonik 2:2

Nu anda itam ee ye i ngelkaa fo ngar me nuun, i ñagadil’e, mbenel kam teeru fee Filip. Kaa koy, Roog a ci’’a a in njambaar, ndax i yegniid a nuun Yegil mbaax ne ten, ke i mbañ’eena fop oo.

Kolos 4:4

andnin wiin we a qool qac ne ta wartaxama.

2 Korint 10:1

Mi Pool fa xoox es na xeɗooxaa a nuun na pexey o ɓuuɓel fo o paaxel ole Kiristaa, mi fee na layeel ee kaam neewaandoox na kid nuun, too ɗom tig bo na nuun yaa laqooxuuma.

2 Korint 4:13

A Pind a Tedu ke kaa lay ee: «Kaam gim, ten taxu um layaa!» In itam, ne i mbogna yiif leng kut no ngim onqe, kaa i ngim, ten taxu i layaa.

1 Korint 14:19

Kaa koy, no mbokatax ne no gimu we, jangnit a ƭelem a ƥetak na lak faa wiin we a nanna moƴanaxam o layaa a ƭelem a pagkatar na lak-yiif.

A pi ake 14:3

Pool fa Barnabaas a miñ’a Ikooñum. Kaa layoogu fa doole, too a njeg a koolax no Yaal oxe. O Yaal oxe a ci’a a den sañ-sañ faa da mbi’taa xa anddiloor fo comlaand. Neene, a lalta yee ke da mbaare’oogna na yirmande fee ten ndigil kak oo.

A pi ake 9:29

Kaa layoogu itam, too a ñimatiraa fo Yaawuur we na layaa a gerek, ndaa weene kaa mbaaƭoogu maa da nquufitna ñoot o ñis um.

A pi ake 9:27

Maaga, Barnabaas a jangaan, a ɓisin no apootar waa. A wetandooxa a den ne Sool a ga’it’ina o Yaal oxe na ƭat ale fo ne ta layit’ina fo ten. Barnabaas a wetandooxa a den itam ne Sool a waare’toogna fo njambaar no gon le Yeesu kam Damaas.

YEGIL MBAAX NE YEESU ne Saŋ a bindtuuna 16:25

«Kaam naxoox a nuun keene, ndaa ndiiki um layataa a qool qac kaa jofna na Faap fee, waas a naxax.

YEGIL MBAAX NE YEESU ne Saŋ a bindtuuna 10:24

Aa-adax we no Yaawuur we a ngara, a ndeerin, soo a layin ee: «Ndi boo a mban o bugko jaageejnooraa a in? A soƥangaa kañ ee wo refu Kiristaa fee, o Muumucil oxe regteena, layeen a in a qool qac!»

2 Korint 3:11

Yaaga boog, boo andoona yee ke miñeerna dara a jegta neene o ndam, nam ke na refkaa boo faw a hupitkeerun o ndam?

Filip 1:14

Ke jengeema sax kaa tax moƴ-o-jaak ole no fog gimu we in a soɗoox njambaar. A ndamooxata tigi no Yaal oxe, a yegnitaa fa lay fee Roog, a mbaas caƭar.

Filemon 1:8

Andaam ee jegaam sañ-sañ o heblong na pexey Kiristaa ke waroona o fi,