2 Korint 3:1 - NQAARIIT NE ROOG

¹ Ndax kaa i ndakooxkaa o mbakooxan a qoox in? Ndi boog, kaa i soxla’kaa nen leng-leng o lal a nuun o leetar a qeƭax mbaat o leetar o inooru na nuun?

2 Korint 3:1 Referans Kwoze

2 Korint 12:11

Kaam ɗofoogu, ndaa nuun o mat ƥek’axam teen, yaam nu mbaraxam o kañaa. Andaam ee um tek’ee tus oo, apootar hupalu we nuun na magnandoo­xaa ngupiraam no tus.

2 Korint 10:12

Ten taxu, i saɗee muk o liiƥoor a kand mbaat i nandandoor leng-leng no we ndoonna a qoox den took, yaam kaa liiƥoor liiƥir a qoox den, soo a ndodooxood, yaam kaa njegee o and tus.

2 Korint 5:12

Refee yee kaa i mbokatahinaa a qoox in fa nuun, ndaa kaa i mbug nu njeg kaa nu mbakoorna na in. Yaaga, xan nu mbaag o ndoon we na mbakoortaa ke yulna a ngid, a mbañ ke saxna no xeeñ.

A pi ake 18:27

Cinj kaaga, Apolos a bug’a o suur Akayi. Maaga, fog gimu waa a saƭakinaan, soo a mbindanin o leetar, a mbokatin fo daalbe waa no jegel olaaga, ndax da ndalnin. Ye ta fadiidna, a jega o njiriiñ lool no we ngim’ina na pexey yirmande fee Roog.

1 Korint 16:3

Boo garuuma koy, soƥ fop a konjomel, xam bind o leetar, yoonandtin o ndimle nqe nuun, we nu njilkaa a ƥis a den Yeerusaleem.

2 Korint 12:19

Kaa nu miñ o nqalaataa yee kaa i njofandataa a qoox in mbaambir nuun. Kaa koy, mbaambir Roog i laytaa keene fop na pexey Kiristaa, nuun qaariit ke ndalna na qeeñ in bo, kaa i mbug o njok a nuun kam o ngim onqe.

2 Korint 10:8

Waagiim o jeg teen gaci yaa fakooxuuma maamu yaam sañ-sañ fee o Yaal oxe a ci’axama. Sañ-sañ feene kaa ref kaa na jokaa, ndaa refee muk kaa na sañtaa.

2 Korint 2:17

Yaam in o mat, i ndefee nen wiin mayu we na njula’aa fa lay fee Roog. Kaa koy, kaa i ndef waa na laytaa a qool qac kaa farna na Kiristaa mbaambir Roog, yaam Roog o mat lulu a in, i ndef faɗ Kiristaa.

1 Korint 10:33

Mi fa xoox es, keene um jeemaa no kuu refna, ndax um fel fop. Keene koy refee yee um galagaa a xoox es, ndaa ke faaxna no moƴ-o-jaak we, ndax da muc.

1 Korint 4:15

Nu mbaaga o njeg ɗooɗox juni na Kiristaa, ndaa paap ke mbaagee o mbad ƭik, yaam mi ɓisiidu a nuun o ñoow ole na Kiristaa Yeesu ye yegnuuma a nuun Yegil mbaax ne.

1 Korint 3:10

Mi o mat, kaa Roog a yirmaam, um doon fer le nen o taatabax tigi. Ndiiki koy, o lakas a gara, a max ke yoqna. Oxe na maxaa ke yoqna koy, a wara o wootoox, a haan no ne ta maxtaa.

O leetar ole Pool a bindna GIMU WE NGENNA ROM 16:1

Mexe fokataa a nuun fa Foybe fee o cigeen in no ngim onqe, too a ref o tiidimle no mbokatax ne no gimu we kam teeru fee Kenkere.

2 Korint 10:18

Oxe na layooxaa yee mi yoo naagee o refaa muk oxe na jileel, ndaa oxe o Yaal oxe a jooxna soom.