2 Korint 2:7 - NQAARIIT NE ROOG

⁷ A moƴa faax ndiiki koy, nu mbaasanin, yaalin, ndax moƴkee o mudnoox no njakad.

2 Korint 2:7 Referans Kwoze

Efees 4:32

Fat o paaxel fo o laabiir a may a ndeer nuun, nu mbaasanraa ne Roog a waasanitna a nuun na Kiristaa.

Kolos 3:13

Naangyo muñanraa. A soƥangaa koy ee o kiin na nuun a saqana o lakas tig, fat nu mbaasanir. Fat nu mbaasanritaa, ne Kiristaa a waasanitna a nuun.

Esayi 28:7

Den wene itam kaa njayang-njayangnaa yaam biiñ, soo a yer a qaaɗu xut ake a ngulmandaa a den: Saasadax we fo duleer Roog we kaa tifil-tifilnaa yaam a yer a qaaɗu ke, a njaxasoox yaam biiñ fee. A yer a qaaɗu ke kaa ngulmandaa a den, da tiipaa, yaa da njo’tanaa a Roog soo a layaa xa ƥaral, yaa da ngate’aa.

Xa peƭit axe 17:22

Kam fa mbelu kaa ci’taa o wod-fo-ɓaal, xeeñ naqadilooxu mat a ŋeesaa cer.

2 Tesalonik 3:6

Fog we, kaa i ngeblaa a nuun no gon no Yaal in Yeesu Kiristaa nu ngoƭatir fo o pog oxuu feeñaakna, too o ñoowooƭ um a guutatir fo ole nu njangitna na in.

1 Tesalonik 4:13

Fog we, i mbuga o andnoor a nuun kaa farna no we nqonna, yaam ndik nu naqadilooxaa nen lakas we njegeerna yaakaar.

Filip 2:27

Kaa jir’u koy tigi boo a mat o xon, ndaa Roog a yirmaan. Yirmiran, ten soom sax, a yirmaxam mi itam, ndax naqad took naqad dalkiraam.

2 Korint 7:10

Yaam naqad fee inoorna na Roog kaa gartaa o fes pakaad a cinj na ɓisaa na muc ale, too ricooxkaand boo muk. Naqad fee na adna fee koy, fa nqon soom a rimaa.

2 Korint 5:4

Yaam nuu i ñoowtaa kam ƭiif neene, xan i ngenit xa iin nen kaa i ndoxondoox ndoq meɗu. Ke i mbugna, refee yee i mboloox cer in keene, ndaa kaa i mbug o ndokooxatin cer aa-asamaan ke in, ndax ke warna o xon a waag o ɗuuɗoox kam o ñoow ole.

1 Korint 15:54

Boo cer in keeke a supteena boo mbotkatee too mbaagkatee o nqon, xan ɗelem leeke a fadnoox: «Fa nqon a ɗuuɗe a lanq. O ndam a jega.»

Xa peƭit axe 1:12

Fat i ndam a den da ñoowaa, ƥis a den jaaniif, ƥekandoor a den kam gamb le na saŋkax ale.

A kim a tedu ke 124:3

yaaga a ƭuudkooga a in i ñoowaa, ye fuux le den a biltooxna took in.

A kim a tedu ke 21:9

Xan o ɓay of a dal took no fañ of, a ñamaak of a daaw we siboonga fop.

A kim a tedu ke 57:3

Kaam ƴufginooxaa a Roog fee Took-ee-took, a Roog fee na fadnanaxam fop.

2 Korint 2:8

Mexe xeɗaa a nuun, nu lalit ee nu njega o mbeq no ten.