2 Korint 2:3 - NQAARIIT NE ROOG

³ Nu nanangaa um bind a nuun o leetar oleene, kaam bug’u um fadiidangaa, jegitkiim naqad no we mbaraxama o ci o ɗaay. Jeg’aam a koolax a maak na nuun ee ke refna o ɗaay es refu o ɗaay nuun, nuun fop.

2 Korint 2:3 Referans Kwoze

Galati 5:10

A wooraxam ee no Yaal oxe nu njegkee a qalaat a lakas akaa njektirna fo we nu eetna o njeg. Kaa koy, oxe na jom’andaa a nuun, oxuu ta waagna waag o ref, xan Roog a xawin.

2 Korint 8:22

I yoonanda fa den o pog in oxe andoona yee i nga’a no ten o jaflax o maak no tig mayu, too a moƴahinin o lalit no jaf leeke, yaam a koolax ale ta jegna na nuun.

Filemon 1:21

Keene fop koy, o yaakaarong soom taxu um bindang o ten, yaam andaam ee xan o fi ke xeɗoonga boo fi kaa hupatinuuna sax.

2 Korint 7:12

Bindiim keene yaam oxe tooñ’ina mbaat oxe tooñ’eena. Kaam bindin ndax o jaflax ole nu njegna na in a feeñ mbaambir Roog.

2 Tesalonik 3:4

In o mat, i njega na nuun a koolax no Yaal oxe yee kaa nu mbi’aa ke i ngebilna a nuun, too xan nu suur teen.

2 Korint 12:21

Kaam saɗaraa sax ee um fadiidangaa, xan Roog es a toroxandahinaam yaam nuun. Pexey es fop a refkaa rek um loolaa took no we miñna o mbakaadaa, too a mbañ o ndicoox qoolaƭaru ke fo ceeq ne fo caasaay ne da ñoowtaa.

2 Korint 12:11

Kaam ɗofoogu, ndaa nuun o mat ƥek’axam teen, yaam nu mbaraxam o kañaa. Andaam ee um tek’ee tus oo, apootar hupalu we nuun na magnandoo­xaa ngupiraam no tus.

2 Korint 7:8

Mi de, boo naqadiluuma a nuun no leetar es oleene yoo, ricooxatinum ndiiki. Ricoox’aanum, yaam ne o leetar oleene a naqadil’ina a nuun o ndik,

2 Korint 7:6

Kaa koy, Roog fee refna o yaayaal no we neewna doole, a yaaltiida a in a Tiit, ye ta fadiidna me in.

2 Korint 1:15

Ten taxu, kaam bug’u o eettiid me nuun, ndax nu ƭaayahin.

1 Korint 4:21

Ndi xar nu mbugu mbug? Kaam ee nam nu mbugtu? Um soƥiid a nuun fo o qiir ndi fo o mbeq o yoonu fo yiif dalu?

2 Korint 1:23

Mi koy, Roog refu o seede es, too o laaw es doonum teen. O fañaa o toroxand a nuun soom taxu um heboox o ñak o nomtooxiid Korint.

2 Korint 2:9

O ɗeetloox a nuun boo and ndax nu maadaxam o nananaa soom tax’u um bind a nuun.

2 Korint 7:16

Mexe felakinooxaa, ne andoona yee no kuu refna, waagaam o geƈnoox na nuun.

2 Korint 13:10

Ten taxu ye maaduuma o goƭaa um bindaa keene, ndax fadtiidkiim o ɗom tig me nuun, yaam sañ-sañ fee o Yaal oxe a ci’axama refee yee ndax um sañtaa, ndaa ndax um jokaa.