2 Korint 2:17 - NQAARIIT NE ROOG

¹⁷ Yaam in o mat, i ndefee nen wiin mayu we na njula’aa fa lay fee Roog. Kaa koy, kaa i ndef waa na laytaa a qool qac kaa farna na Kiristaa mbaambir Roog, yaam Roog o mat lulu a in, i ndef faɗ Kiristaa.

2 Korint 2:17 Referans Kwoze

2 Korint 4:2

Kaa i njoor maana a pi a yememaar a sednooxu ke, too naanaxir leng refatee na in. I sufaalee fa lay fee Roog muk, ndaa kaa i yegnitaa ndigil ne, too mbaaƭaa naa wiin we fop a ngoolooritna a in mbaambir Roog.

2 Korint 1:12

Kañoor in refu ke yiif in a seede’aa. A pesoorooƭ in kam adna fee, moƴtaa sax a ndeer nuun, kaa reeƭu no tedel fo no ngor naa hatna na Roog na pexey yirmande um fop, refee muk no and no kiin.

Mbeeñil 2:20

Kaa koy, a jega kaa ɗomaxama na wo: Kaa o waas o tew oxe ne’eena Isebel na layooxaa o tuleer Roog, soo a naxaa dag we mi. Kaa jangnaa a den ee da seeqaa, soo a ñaamaa a tegeƴ akaa sadaxeena pangool.

Yudaa 1:4

Yaam wiin soxodu leng-leng a yoroxlooxiida kam in, waa andoona yee a qaw den a miña o yegnitel kam a Pind a Tedu ke. Kaa ngimaƭar, a softaa yirmande fee Roog caasaay, soo a nqañaa a Yeesu Kiristaa fee o Yaal in refna Kelfa fa leng kut in.

Tiit 1:11

Weene koy, waraa o lal a den a ƭat, da naang cuxus. Kaa ndef taatas ƥasil, halal a tax da ndok na gaci boo a njangnataa kaa waraandeena o jangin.

1 Korint 5:8

Yaaga koy fat i ndoofand xew feene, refee koy fo poɗaxnir kiid mbaat fee no jeg-nof fo coxod, ndaa fo puuru canja’e, a ndef o ñak-sik fo ndigil.

Mace 24:24

Xan Kiristaa maamaaɓ fo duleer maamaaɓ a mbeeñ, too xan a mbi’aa xa anddiloor xa magnu fo comlaand, ndax da nax we Roog a jilna sax, a mbaagangaan.

Yeremi 5:31

Duleer we kaa yegnitaa xa maaƥ xa ƥor, saasadax we a ƈufanaa ke faaxna na den soom, soo xeet es a yoon no keene. Ndi xar nu mbi’kaa, yaa keene a faafkaa?»

1Saŋ 4:1

Fog es we fexuuma, baa yiif luu garna gar nu ngimin! Kaa koy, ngorooxyo a yiif ake boo nga, ndax na Roog a inooru ndax nam, yaam kaa duleer maamaaɓ mayu a ndokiid na adna fee.

A pi ake 20:20

Nu andooda sax ee ɗasniim a nuun dara no ke waagna o jiriiñ a nuun. Kaam yegin a nuun fa lay fee Roog kañ, waare a nuun no qel ke fo kam pind ke nuun.

Mbeeñil 19:20

Naaga, Ɓaanoor a naage nuus a damnoorel, ten fo o tuleer o maamaaɓ oxe fi’’ina xa anddiloor mbaambir um. Xa anddiloor axeene a naxtoogu we ndaaw’ina o ñaas ole Ɓaanoor, soo a mbaɗooxaa nitaal um. Maaga, den ɗik fop a ndeɓe na mbeel fiɗel alaa no nqeen ke moƴna o saas.

Mbeeñil 12:9

Maaga, Niŋki-naŋka maak ne a foor’e tafil. Ten refu Mbangool ne yaaga na xoyeel o ƈiƴ oxe mbaat Saytaane. Ten oxe na naxaa adna fa muum a jooriide a lanq, ten fo malaaka ke ten.

A pi ake 20:27

yaam yegnaam a nuun yaaga ke Roog a yuuɓna fop, too ɗasniim teen o ndara.

Hebre 11:27

O ngim tax’u Moyiis a sutoox saax laa Misira, too diid’ee fuux le no maad oxe. Kaa naag’u diŋ a saƭik wee ndax kaa ɗeetoogu oxe waagaandeena o ga.

2 Korint 1:18

Ne Roog a gore’na koy, ten taxu, a tegit ake nu ndaawitna na in ndefandoor’ee «ii» fa «ha’aa».

2 Korint 6:7

fo na pexey waare in no ndigil ne fo na pexey katil fee Roog. Ƥonax in refu o cofel ole i ñoxorteel soo mbegoortan.

2 Korint 11:11

Xar taxu a ƭelem akeene koy? Xeƈa boog yaam kaa fexiim a nuun oo? Roog a anda yee jegaam o mbeq na nuun tigi!

2 Korint 12:19

Kaa nu miñ o nqalaataa yee kaa i njofandataa a qoox in mbaambir nuun. Kaa koy, mbaambir Roog i laytaa keene fop na pexey Kiristaa, nuun qaariit ke ndalna na qeeñ in bo, kaa i mbug o njok a nuun kam o ngim onqe.

Galati 1:6

Kaam jaaxiɗ, yaam ne nu ñofna boo nqaƴaa oxe xoyitna a nuun yirmande, soo suuraa no yegil mbaax lakas.

1 Tesalonik 2:4

Kaa koy, Roog kaa ɗeet a in soom nen waa ngatilna Yegil mbaax ne, soo a doxnin a in. Refee yee kaa i layaa, ndax i mbel wiin we, ndaa Roog fee na horooxaa a qeeñ in.

1 Piyeer 4:11

Nuun waawaare we, fat a ƭelem nuun a njagir fo fa lay fee Roog. Nuun we ndefna diidimle itam, fat nu ndimle’taa fa doole fee Roog a cooxna a nuun, ndax no kuu ta waagna waag o ref, Roog a ɓoxotel o ndam na pexey Yeesu Kiristaa fee jegna o ndam fa katil bo na moos boo moos. Amiini.