2 Korint 2:14 - NQAARIIT NE ROOG

¹⁴ Yaasam Roog a simatel, ten oxe na ɗoxaa in kili, in we mbogna na qaaj ale maafna na pexey Kiristaa. Ten na fexeyaa boo i mbaag o andnooraa gon um, nen tuñ pelu kaa pictooxna muu refna.

2 Korint 2:14 Referans Kwoze

O leetar ole Pool a bindna GIMU WE NGENNA ROM 8:37

No keene fop koy, in mbaagu meen na pexey doole Kiristaa fee fexna a in.

Efees 5:2

Fat nu ñoowaa no mbeq, ne Kiristaa a fexitna a in, boo a ɓoxot o ñis um yaam in. O mbeq onqeene na Kiristaa kaa ref nen a su’nit fa sadax faa ɓoxoteena a Roog too a felin.

O leetar ole Pool a bindna GIMU WE NGENNA ROM 6:17

Kaa koy, fat Roog a ɓoxotel o ngidim! Nuun we ndeeƭna faɗ bakaad, ndiiki nu nanana fo xeeñ letu lalgand ne refna kam a cangin ale nu ndaawneena.

2 Korint 9:15

Yaasam Roog a ɓoxotel o ngidim yaam ci’it ne ten jegeerna nand.

Kolos 2:15

Neene a sañtitu itam sañ-sañ ke fo maat ke, a huyit a den bo dee huyit mbaambir no fop, soo a ɓis a den nen faɗ we mbogna na qaaj ale Kiristaa a maafna.

A kim ale na kim ake 1:3

Sulooxel ke wo a mbela tuñ lool, gon of a nand nen ƭuumooxel kaa naangna sur. Ten taxu mboƥ ndoog ne fop a mbugong.

A kim a tedu ke 106:47

O Yaal oxe Roog in, mucli a in. Fokatti a in a ndeer qeet ke, ndax i ƥoxot gon tedu of o ngidim too nqaaƴoortaa a simat of.

O leetar ole Pool a bindna GIMU WE NGENNA ROM 15:19

na pexey katil xa anddiloor fo comlaand na doole fee no Yiif le Roog. Neene o mat yegnitum Yegil mbaax ne na laytaa kaa jofna na Kiristaa. Kaam ñaaƴoogu, retaa muu refna, no kaa xotitna Yeerusaleem boo no jegel olaa Iliri.

Mbeeñil 7:12

A laya yee: «Amiini! Yaam a simat fo o ndam fo o and fo o ngidim fo o niwel fa katil fa doole a ngela a Roog in bo na moos boo moos! Amiini!»

Kolos 1:23

Waagee o ñak o refit neene muk koy, yaa andoona yee kaa nu sax no ngim onqe, saƭik teen, mbañ o mbes a cinj yaakaar ne hatna no Yegil mbaax ne nu nanna. Yegil mbaax neene kaa waare’el o mbindeef onquu refna ɗuga asamaan, too mi Pool, um fi’el oxaa na jalaa, ndax ta jof a paam.

A kim a tedu ke 148:14

A ci’a xeet um o maad o cegu katil, ndax we ndamooxna no ten fop a simatan, Ii-isra’el we ndefna xeet fee matuuna. Haleluyaa!

Kolos 1:6

Fa lay feene oxe na nuun, a ref itam na adna fa muum. Kaa rimaa, a maakaa. Neene a reftu refit a ndeer nuun, a xotit no ñaal naa nu eeteena o yegin yirmande Roog, andin ndigil.

Filip 4:18

Daawaam fop boo mexey no jeg tigi. Jegaam itam bo ta dey sik, ye daawtuuma na Epaforodit ke nu lultaxama. A refa ref na mi nen sadax fa mbelu tuñ mbaambir Roog.

Efees 5:20

Na waxtu fuu refna fo no kuu refna, ngidimyo a Roog Faap fee no gon no Yaal in Yeesu Kiristaa.

2 Korint 8:16

O ngidim a hela a Roog, ten oxe ɓekna kam xeeñ le Tiit o jaflax o leng kut ole i njegna na nuun.

2 Korint 1:11

Nuun itam, nu langantangaa a in fo a qeƭ, yaaga xan Roog a jaɓ a qeƭ ake wiin mayu a nqeɗanaa a in, too xan a ci’it a in teen yirmande. Neene, xan wiin mayu a ngidim a Roog itam yaam in.

1 Tesalonik 3:9

Kaam ee, ndiiki i mbaaga o ngidim a Roog a paax no ɗaay ole i njegitna na nuun mbaambir Roog in.

1 Korint 15:37

Ke duufoona itam, saqkatee cer leng kut ke yaa ta saxna. A waaga o ref ax bele mbaat lakas, o duufin,

Heseki’el 20:41

Xam dalin a nuun a paax nen sadax faa felaxama tuñ bo, yaa um sutitkaa a nuun a ndeer qeet ke, fokatit a nuun na saax ake nu pasarooxna. Xam tedlandooxit na nuun na kid no qeet ke.

YEGIL MBAAX NE YEESU ne Saŋ a bindtuuna 16:33

Kaam lay a nuun keene, ndax nu njegit jam na mi. Xan nu njeg coono maak na adna fee, ndaa koy saƭakinooxyo, yaam mi gartu adna fee took.»

O leetar ole Pool a bindna GIMU WE NGENNA ROM 1:8

Eetu, na pexey Yeesu Kiristaa, kaam gidmaa a Roog es yaam nuun fop, no ngim nuun onqe na layteel kam adna fee fop.

1 Korint 12:8

Kaa oxeeke a danqel ɗelem o and na pexey Yiif le Roog, oxaana ɗelem o jeg-yiif,

1 Korint 15:57

Kaa koy, Roog a fi’a jam, ten fee fapitna a in doole fee Yeesu Kiristaa o Yaal in boo i maaf.

1 Tesalonik 1:8

yaam fa lay fee no Yaal oxe a jaaƥatiloortiida na nuun. Fa lay feene dayee soom kam Makedoni fa Akayi, ndaa o ngim nuun na Roog a nannooka muu refna. Keene koy, o layatan sax, caali yoo na in.

1 Timote 2:8

Yaaga boog, kaam bug boo goor we a nqeɗaa muu da ndefna ndef, da ndekaa xa ƥay xa qoolu, too a mbaas fuux fo a qalaat a paaxeer.

2 Timote 2:2

Ke nantoona na mi mbaambir seede mayu, doxneen wiin gore’u waa na mbaagkan o njangin lakas.