2 Korint 2:12 - NQAARIIT NE ROOG

¹² Ye fadiiduuma Torowaas, ɓisiid Yegil mbaax ne Kiristaa, ke o Yaal oxe a halanaxama a ƭat ake fop oo,

2 Korint 2:12 Referans Kwoze

A pi ake 16:8

Maaga, a njoona a Misi, a mbaaƭik teeru faa Torowaas.

A pi ake 14:27

Yaa da mbadiidna Ancook, a mbokata waa mbog’ina no mbokatax ne no gimu we. A mbetandooxa gimu we ke Roog a fi’’ina fop na pexey den fo ne ta wetanit’ina we ndefeerna Yaawuur o don-maax ole, ndax da ngimat no ten, den itam.

Kolos 4:3

Nqeɗanyo a in itam, ndax Roog a waag o ci a in o gom no calel ke. Neene, xam waag o yegnitaa kunpa fee Kiristaa taxna um jengel,

1 Korint 16:9

yaam kaa jeg meeke calel maak kaa njegna o njiriiñ lool, ke fañ we a mayna may fop oo.

O leetar ole Pool a bindna GIMU WE NGENNA ROM 1:1

Mi Pool, o paɗ Kiristaa Yeesu na bindaa a nuun o leetar oleeke. Roog kaa xoyaam ndax um ref apootar, a kesaam, ndax um yegnitik Yegil mbaax ne ten.

A pi ake 20:8

A jeg’a xa lampa xa mayu kam taax-took naa i mbokatoor’ina.

A pi ake 16:11

I ndokta a kaal Torowaas, too i nqota farna fo fimb laa Samotaras. No feet olaa, i mbadiida Newapolis.

1 Korint 9:12

Lakas a njegangaa sañ-sañ feene na nuun, ndax in fa qoox in i moƴkoogiran o njeg a den? Kaa koy, sañ-sañ feene i laamtiran. Kaa i muñ fop, yaam ten moƴu i ŋaalooxaa wargal boo ta refat a panq no Yegil mbaax ne Kiristaa.

1 Korint 9:14

Ten taxu o Yaal oxe a hebil ee: We na njootnaa Yegil mbaax ne, xan a ñoowit ke hatna no Yegil mbaax ne.

1 Korint 9:16

Ne um waare’aa Yegil mbaax ne, taxee um fakooran, yaam kaa um serel o ten, too sabab took es yaa yegniteeruuma Yegil mbaax ne.

2 Korint 4:3

A soƥangaa yee Yegil mbaax ne in kaa maad o muureel, o and ee kaa muurel no we na saŋkooxkaa.

2 Korint 4:4

Wiin weene ngimee, yaam oxe na fi’ooxaa roog na jamaane feeke kaa fuulin a qalaat den, ndax nga’kee meleƈ le na qoolaand ale no Yegil mbaax ne Kiristaa fee refna nitaal ne Roog.

2 Korint 8:18

In we yoonandtan o pog o cegu o niwel kam pokatax ke no gimu we yaam Yegil mbaax ne ta waare’aa.

2 Korint 9:13

Nu kañtange calel keene, xan a simat a Roog yaam ne nu mbeejlitna yee nu nanana Yegil mbaax ne Kiristaa soo lalit o laabiir ole nu mbogna fa den no fop.

2 Korint 10:14

I njolkee a tet in muk nen kaa i mosee o mbadiid boo me nuun, yaam ndigil kak oo, me na nuun o mat i mbadtiidu Yegil mbaax ne Kiristaa.

2 Korint 11:4

Yaam o kiin a garangaa, a waare’aa a nuun a Yeesu fa lakas faa refeerna fee i mbaare’na mbaat ta soƥ ee kaa nu ndaaw yiif lakas laa fogreerna fo le nu ndaawna mbaat yegil mbaax lakas naa refeerna ne nu ndaawna, kaa nu njaɓanan a paax.

2 Korint 11:7

Ndax boog kaa ref bakaad na mi ye neewandooxuuma, soo yoɗ a nuun, waare’aa a nuun Yegil mbaax ne Roog, too rabdinooxiim a nuun dara?

1 Tesalonik 3:2

soo ngebliid a Timote fee o pog in no ngim onqe, too a ref o caajal Roog oxaa na waare’aa Yegil mbaax ne Kiristaa. Kaa i luliidin, ndax ta saƭkand a nuun, a saƭakin a nuun no ngim onqe nu njegna,