2 Korint 2:11 - NQAARIIT NE ROOG

¹¹ ndax Saytaane ci’kaand o gom olaa ta jegitna doole took in, yaam pexey um fo a pi um mo’ee o leng na in.

2 Korint 2:11 Referans Kwoze

1 Piyeer 5:8

Njagandooxyo, kaam ee yetooxyo! O ƈiƴ oxe refna o pañ nuun, kaa widaa nen njogoy nqeexe, a waaƭaa oxaa ta saŋikna.

2 Korint 11:3

Kaa koy, kaam diidaa sax a qalaat nuun a ndok no naanaxir, soo nu naang tukit o kumnoor o saƭku o ñaku sik ole humin’ina a nuun fa Kiristaa, nu nandat fa Awa fee fangool fa ƈiƴu fee a nax’ina.

YEGIL MBAAX NE YEESU ne Lik a bindtuuna 22:31

O Yaal oxe a laya a Piyeer ee: «Simoŋ, Simoŋ, Saytaane kaa waaƭaa maa ta maafitna a nuun ndax ta fees a nuun nen bele.

2 Korint 4:4

Wiin weene ngimee, yaam oxe na fi’ooxaa roog na jamaane feeke kaa fuulin a qalaat den, ndax nga’kee meleƈ le na qoolaand ale no Yegil mbaax ne Kiristaa fee refna nitaal ne Roog.

Mace 4:10

Maaga, Yeesu a layaan ee: «Saytaane, goƭaam! Yaam a binde yee: ‹O Yaal oxe Roog of soom waro faɗoox too dagooxan.› »

2 Korint 11:14

Kaa koy, o njaaxɗataan jegee teen, yaam Saytaane fa xoox um sax kaa fi’ooxaa malaaka fa mbogu na qoolaand.

1 Korint 7:5

Ba o leng a goƭ o lakas oxe, a refangeerna kaa laytin, yaa da mbugna o nqeɗ. Cinj kaaga, fat a ndakoox na yoon, yaam ne da mbaagkateerna o ngarin a qoox den, soo Saytaane a rokatiloox, a fog a den.

Ke bindeena no xe ne’eena YOB 2:3

O Yaal oxe a layaan ee: «Ndax ga’aa a Yob fee o tag es? Jegee oxaa nandna fo ten no lanq ke. Kaa ref o kiin o booru too a jof, a saɗar a Roog soo a wootooxaa paaxeer. Boo fa ndiik jegee soqel leng, ke taxaxamoona o ñaknoorin na xa koɓong fop oo.»

2 Timote 2:25

We ta fiŋqooraa, kaa war o lalaa a den a ƭat fo o muñ o maak, too a yaakaar ee xan Roog a fi da ƥek a yiif den na adna, a andnoor a den ndigil ne.

YEGIL MBAAX NE YEESU ne Saŋ a bindtuuna 13:2

O ƈiƴ oxe koy, a ɓek’a no xeeñ Yudaa o Iskariyot oxe fee o ƥiy Simoŋ xalaat faa ta jikoorna a Yeesu.

Mbeeñil 2:24

Nuun lakas we mbogna no mbokatax ne no gimu we Tiyatiir o mat, andaam ee nu ndamooxee na cangin a koɓong aleene fo ke da nqoyaa kunpa qooɗu ke Saytaane. Mexe layaa a nuun boog ee gadinkiim a nuun a toq a lakas.

A pi ake 1:25

ndax ta rondand a Yudaa na seek um ale refna calel apootar kene ta xaƴna, soo a xaad me ta jegeena.»

Ke bindeena no xe ne’eena YOB 2:9

O teem a layaan ee: «Kaa o maadaa no ngor boo fa ndiik! Xar yaqanu o saloox a Roog soo xon, yaam ten moƴatu!»

Mbeeñil 13:8

We ngenna na adna fee fop xan a mbaɗooxin. Weene ndefu we a kon den a mbind’aandeena no safe le no ñoow ole, no kaa xotitna no mberaandoong adna. Safe leene koy, o Mbaal onqe war’eena jegun.

Ke bindeena no xe ne’eena YOB 1:11

Duqangi rek o jeg ole ten fop boo ga, a wooraxam ee yaaga ta salooxong o nanaa.»

Ke bindeena no xe ne’eena YOB 2:5

Duqangi rek cer um boo ga, a wooraxam ee yaaga ta salooxong o nanaa.»