2 Korint 13:9 - NQAARIIT NE ROOG

⁹ I neewangaa doole soo nuun o mat, nu ndef doole fa ƥor, kaa i mbelakinooxaa teen, too ke i nqeɗanaa a nuun refu nu ñak sik.

2 Korint 13:9 Referans Kwoze

2 Korint 13:11

Ndiiki koy fog we, fat o ɗaay a ref fa nuun! Njeemyo o njagandoox, yaalooraa, mbog xalaat, ñoowaa na jam! Yaaga Roog fee refna o mbeq fa jam xan a ref fa nuun.

1 Korint 4:10

In, kaa i ƭeetel nen ñaku a qoox na Kiristaa, nu ƭeetel no ten nen yaal a yiif, i ndef neewu doole, nu ndef yaal toole. Kaam ee kaa nu niwel, i nqeefel.

1 Tesalonik 3:10

Ñaal fo o yeng, kaa i ngen no nqeɗaa, too saƭik teen, ndax i njeg o gom olaa i mbaagna o ngarit boo mbadin ke yoqna no ngim nuun.

1 Piyeer 5:10

Roog fee mayna yirmande, xoyu a nuun na Kiristaa, ndax nu mbog no ndam o mbagkeer onqe ten. Roog fa xoox um xan a fap a nuun na Kiristaa, a cinj yaa nu coono’na o ndik, a saƭkand a nuun, a ci a nuun doole, a fi a nuun bo nu mbaagkee o yen.

Hebre 12:23

fo mbokatax ne no gimu we ndefna taaw ke Roog, a kon den a mbindeena na asamaan. Nu matiida a Roog fee refna o kaahate no wiin we fop, matiid a yiif ake no wiin jofu we ñakna sik.

Hebre 6:1

Yaaga boog, fat i nqaƴ a cangin a koƭeer ale jaginna na fa lay fee Kiristaa. Kaam ee fat i suur na cangin ale maak we a ndaawaa, mbañ o ndalnahin a cangin ale na layaa kaa farna no fes a cinj a pi a qonu ke, soo ngimat na Roog.

2 Timote 3:17

ndax o kiin Roog oxe a dey, too a jofnoox na pi a paax.

Kolos 4:12

Epafaras fee nu mbogitna xeet oxe simnaa a nuun. O tag Kiristaa Yeesu yoo, too a naaga o gomreel na qeƭ yaam nuun, ndax nu ñak sik, saƭik no fop ke refna o bug Roog.

Kolos 1:28

O ten o mat koy i yegnitaa, maƭooxaa o kiin oo kiin, njangnaa a den o and tigi, ndax oxuu refna a waag o geenoox mbaambir Roog, a ñak sik na Kiristaa.

2 Korint 11:30

Keene a taxa, a pakax a warangaa o jeg, yaaga no neew doole es um fakooritkaa.

2 Korint 7:1

Nuun we fexuuma, tegit keene fop, in njegu a den. Ten taxu, fat i ƥogoox no fop ke na roɗgandaa cer in fo a yiif in. Fat i mbaaƭ o tedel, yaa i ñoowaa no fit a Roog.

O leetar ole Pool a bindna GIMU WE NGENNA ROM 15:2

Fat oxuu refna na in a waaƭaa ke faaxna no kend um, ndax oxeene a moƴ o jof mbaambir no ngim um.

1 Korint 1:10

Fog es, kaam bug, no gon no Yaal in Yeesu Kiristaa, nu mbog ɗelem leng kut, ndef o leng, nqaajoor a ñak a ndeer nuun. Kaam ee fat nu mbokatoor ndef o leng, mbog xalaat fo o liir.

1 Korint 2:3

O neew doole tigi fadtiid’um me nuun, sendaa yaam diid.

2 Korint 13:4

A neew’a doole lool no cer um, ye ta rengeel na kurwaa, ndaa oxe ñoowaa na pexey katil ne Roog. In itam, kaa i neew doole no ten, ndaa xan i ñoowaa fo ten na pexey katil ne Roog, too xan nu nga’in.

2 Korint 4:12

Ten taxu yoo, fa nqon fee kaa jalaa na in, soo o ñoow ole mat a jalaa na nuun.