2 Korint 13:5 - NQAARIIT NE ROOG

⁵ Fat nu ngoroox o ñoowooƭ nuun boo and, ndax nu njega o ngim. Ƭeetlooxyo boog! Ndax nu anddilooxa yee Yeesu Kiristaa oxe na nuun? Kaa koy, fat a soƥ ee ƭeetlax ne refkee njom na nuun.

2 Korint 13:5 Referans Kwoze

A ƭomatax ake 3:40

Fat i ƥaal a ƭat in, ngoroox a pesoorooƭ in soo nomtoox me no Yaal oxe.

1 Korint 11:28

Yaaga koy, fat oxuu refna a ɗeetaqin xeeñ um, soo a sog o ñaamaa mbuuru ne, a yeraa no kaas ole.

1 Korint 9:27

Kaam dam cer es, harin a den, yaam ndik we waare’ooguuma a ndok, um xaƴel tafil.

Mbeeñil 2:5

Wetandooxi boog me toloftoona! Fesi pakaad of a cinj, reefatin o jaf o eetaand of. O fi’angiran, xam yen took of, too xam in a pagal xa lampa ale wo na seek um. Xam fi’in, o fesangee pakaad of a cinj.

Galati 6:4

Oxuu refna, a pi um a waru o horooxaa. A soƥangaa yee no ke ta fi’aa a jega kaa waaguuna o ɗaayand, fat a liiƥoor fa xoox um, a waas a jaambuur.

Hebre 12:15

Mbootooxyo boo ba o leng a fes yirmande fee Roog a cinj. Kaam ee ba o leng a ndeer nuun a ref nen ndaxar ndali naa saxna, soo xa tim um a toroxandaa wiin mayu.

1 Korint 11:31

I ngorooxoogangaa a qoox in, Roog hate’koogee a in.

Tiit 1:16

Kaa ne’ooxaa andu a Roog, too yaaga fop oo a pi den a ñufaa gon Roog. Wiin faaxaƭaru a ndefu, a nanaƭar, a pi a paax a xox a den sup.

Galati 2:20

Refatee yee mi na ñoowaa, ndaa Kiristaa na ñoowaa na mi. Kaam ee um naagangaa o xuƥaa ndiiki sax oo, no ngim no Ƥeenqe Roog um ñoowaa, ten fee fexaxama boo a ɓoxot o ñis um yaam mi.

YEGIL MBAAX NE YEESU ne Saŋ a bindtuuna 14:23

Yeesu a doonaan ee: «Fexaxama, xan a gay fa lay es, too xan Faap es a fexin itam. Yaaga xan i ngar, ngen no ten.

A kim a tedu ke 26:2

O Yaal oxe, horooxaam, ɗeetlooxaam a paax too ɓaal a qalaat a ƭasu es fo xeeñ es.

O leetar ole Pool a bindna GIMU WE NGENNA ROM 8:10

Boo Kiristaa a genna na nuun, ke bakaad fee a warnooraa cer nuun fop oo, Yiif le genna na nuun kaa ñoowdandaa a nuun, yaam Roog a ɗeeta a nuun nen jofu.

A kim a tedu ke 119:59

Kaam horooxaa a ƭat es soo saktiid o jaf es farna fo fa lay of.

Safe le no tuleer AGE 1:7

Mi o Yaal oxe Hupna fop mexe layahinan a nuun ee: Ƭeetaqinyo a paax ke daawna a nuun!

Hebre 4:1

Roog a rega a in ee xan i ñootnoox fo ten. Fat i mbootoox a paax boog, yaam ndik o leng na nuun a ga ee rokee na ñootnax aleene.

1 Korint 9:24

Nuun moƴu o and ee mayu a naanga o mbapooxanaa a laay a leng, ndaa o leng kut na ɓiskan. Yaaga koy sagyo, maafrel a paax, ndax nu njang a laay ale.

1 Korint 3:16

Kaa nu andee yee nuun ndefu Mbind Roog ne, Yiif um a gen na nuun?

Safe le no tuleer AGE 1:5

Ndiiki koy, mi o Yaal oxe Hupna fop kaam ee: Ƭeetaqinyo a paax ke daawna a nuun!

YEGIL MBAAX NE YEESU ne Saŋ a bindtuuna 15:4

Saxyo na mi, um sax na nuun. Ne o par a waageerna o rimit, a refangee kaa sax no ndaxar, nuun itam nu mbaagee o saq xa tim, a refangee kaa nu sax na mi.

A kim a tedu ke 17:3

Kaa o ɓaalaa xeeñ es, horooxaxam no yeng ole, ɗeetlooxaxam, ndaa ga’iro dara, yaam ke refna kam es um layaa.

Tiit 2:2

Jangni a koorgi ke da ƥuuɓ, a njar o niwel, a mbod na pi den, a saq o ngim o nqoolu, a njeg o mbeq, a ndef wiin muñu.

Efees 3:17

Kaam xeɗaa, ndax Kiristaa a gen kam a qeeñ nuun na pexey o ngim nuun. Kaam xeɗaa itam nu sax no mbeq onqe, ndamoox, saƭik teen.

YEGIL MBAAX NE YEESU ne Saŋ a bindtuuna 17:26

Andnooraam a den gon of, too xam gen no andnooran, ndax o mbeq onqe fexaxamoona a ref na den, um ref na den.»

YEGIL MBAAX NE YEESU ne Saŋ a bindtuuna 17:23

mi na den, wo na mi, da ndef o leng kut. Neene xan adna fee a and ee wo luliidaxam, a and itam ee fextaa a den, ne fextaxamoona.

Saak 4:4

Kaa nu ngore’ee! Ndax nu andee yee oxe fexna tig adna, o pañ Roog oo? O kiin oxuu bugna xaariitoor fo tig adna, a refata o pañ Roog.

Kolos 2:7

Saxyo no ten, ndamoox no ten, o ngim onqe a fapit a nuun doole, ne nu njangnit’eena o ten, too ngen no ngidman.

Kolos 1:27

Den weene Roog a andnooru ke refna o njiriiñ onqe na halal fa kunpa’u feene a ndeer qeet ke, ta ref leng kut kene: Kiristaa kaa ref na nuun yaakaar o ndam Roog.

Kolos 1:23

Waagee o ñak o refit neene muk koy, yaa andoona yee kaa nu sax no ngim onqe, saƭik teen, mbañ o mbes a cinj yaakaar ne hatna no Yegil mbaax ne nu nanna. Yegil mbaax neene kaa waare’el o mbindeef onquu refna ɗuga asamaan, too mi Pool, um fi’el oxaa na jalaa, ndax ta jof a paam.

Galati 4:19

Xa ƥees, xam dak o yegaa coono nen xa ƭomel gaaj yaam nuun, boo yaa nu nandkaa fa Kiristaa.

2 Korint 6:16

Ndi nam ngenand ne Roog a waagu o yoonit fo pangool ke? Yaam in o mat ndefu ngenand Roog fa ñoow jok fee, ne Roog fa xoox um a laytuuna: «Xam gen fa den, i ñaaƴandoor. Mi na refkaa Roog den, da ndef xeet es.»

1 Korint 6:19

Kaa nu andee yee cer nuun ndefu ngenand Yiif Tedu le, Roog a cooxna a nuun? Feek oxe na nuun koy, nu njegatee a qoox nuun.

1 Korint 6:2

Kaa nu andee yee tedu weene na ngate’kaa adna fee! Tig podu nen hate adna a doonange no ɓay nuun, nam o hate tig pooreer a naru o ɓoowit a nuun? Ndax hate kaa jomb a nuun?

YEGIL MBAAX NE YEESU ne Saŋ a bindtuuna 6:56

Ñaamna cer es, a yer fo’oy es, xan a sax na mi, um sax no ten.

YEGIL MBAAX NE YEESU ne Saŋ a bindtuuna 6:6

Kaa ɗeetlooxoogun soom, yaam a and’a xil ke ta fi’kaa.

1 Piyeer 5:9

Nqoxyo o ƈiƴ oxe, saƭik no ngim onqe, too and ee coono leng kut ke ndalu fog gimu we nuun kam adna fee.

Hebre 6:8

Kaa koy, boo da saxna kiƈ fo qooc, njegkee o njiriiñ o leng. Xan Roog a saloox lanq keene, too mujum-mujum kaa ndoxkeel.

Heseki’el 18:28

A ga’angaa soo a fes a cinj pakaad ke ta fi’na fop, a woora yee xan a ñoow, xonkee.

1 Korint 6:15

Kaa nu andee yee cer nuun, a seek no cer ke Kiristaa a ndefu? Ndax xan o kiin a jang a seek no cer ke Kiristaa, a fi’in boo ta refat a seek no cer a caga? Koo boo muk!

O leetar ole Pool a bindna GIMU WE NGENNA ROM 1:28

Ne da mbañna yee o and a Roog, tig cegu o njiriiñ oo, a taxa Roog a riñ a den no saƭik xoox, ndax da mbi’aa o njombe,

Tiit 1:13

A ƭelem akeene ndigil kak oo. Ten taxu xasani a den fa doole, da mbaag o njegik o ngim o nqoolu.

2 Timote 3:8

Ne Yanes fa Yambres a mbañit’ina a Moyiis, wiin weene a mbañitkaa ndigil ne, yaam kaa nqon a yiif, too o ngim den refee tus.

1 Timote 2:15

Kaa koy, xan a muc na pexey o ƥiy onqe reefandteena no ten. Yaqanee koy, a wara o saƭik no ngim onqe, a yelef, a saq o mbeq, a gen no tedel.

Kolos 2:19

soo a fañ o reefan a Kiristaa fee refna xoox le saqna cer ke fop. Cer keene, o fog fo a kiɓ kaa mbokat a den, soo Roog a cooxaa a den kaa da maakitna na Kiristaa.

Yeremi 6:30

Kaa nqoyeel xaaliis fa sibel, yaam o Yaal oxe kaa sib a den.