2 Korint 13:4 - NQAARIIT NE ROOG

⁴ A neew’a doole lool no cer um, ye ta rengeel na kurwaa, ndaa oxe ñoowaa na pexey katil ne Roog. In itam, kaa i neew doole no ten, ndaa xan i ñoowaa fo ten na pexey katil ne Roog, too xan nu nga’in.

2 Korint 13:4 Referans Kwoze

1 Piyeer 3:18

Jaf leng kut, Kiristaa fee jofna a xona yaam pakaad ke no jofaƭaru we, ndax ta ɓisiid a nuun maa Roog. Cer um kiihiin a nqona, ndaa Yiif Tedu le a nomtiidaan no ñoow ole.

O leetar ole Pool a bindna GIMU WE NGENNA ROM 6:4

Kam batiise fee kaa i nqon fo ten, soo ngasel fo ten. Keene kaa jeg, ndax ne Faap fee a xontooxnooritna a Kiristaa a ndeer no xon we na pexey doole fee ten jegna o ndam, neene i ñoowatinitkaa kam o ñoowooƭ o xas, in itam.

Hebre 5:7

Kam o ñoow um na adna fee, Kiristaa kaa xeɗoogu a Roog fee waag’uuna o mucil na fa nqon, a yoonandtin xa iin fo xa kooniit. Roog a jaɓa a qeƭ um, yaam ne ta ɓoxotoox’ina no ten.

1 Korint 15:43

Ke uupeena kaa xeefel, ke saxna a jeg o ndam. Ke uupeena kaa hees, ke saxna a jeg doole.

1 Korint 2:3

O neew doole tigi fadtiid’um me nuun, sendaa yaam diid.

Filip 3:10

Neene o mat um anditkaa a Kiristaa fa doole a qontax um, waag o fog no coono um, nandat fo ten nen oxaa xonitna nen o ten,

O leetar ole Pool a bindna GIMU WE NGENNA ROM 14:9

Yaam Kiristaa a xona, a xontoox, ndax ta refan we na ñoowaa fo we nqonna o Yaal den.

YEGIL MBAAX NE YEESU ne Saŋ a bindtuuna 10:18

O leng suqtiran na mi, mi o mat na cooxtan no fud-o-letu. Jegaam sañ-sañ faa cooxtitanuuma fa sañ-sañ faa jangtanuuma: Keene mat refu ke Faap fee a heblaxama.»

O leetar ole Pool a bindna GIMU WE NGENNA ROM 1:4

ndaa na pexey Yiif Tedu le, a feeñle fa doole yee o Ƥeenqe Roog a refu, ye ta xontooxna a ndeer no xon we: O ten refu Yeesu Kiristaa o Yaal in.

A pi ake 2:36

Fat xeet fee Isra’el fop a and a paax ee Roog fi’u a Yeesu feene nu ndengna na kurwaa, ta ref o Yaal oxe fo o Muumucil oxe regteena.»

1 Piyeer 3:22

fee ŋaayna na asamaan, a ref na ñamaak Roog, a maadooxaa took malaaka ke fo sañ-sañ ke fo katil aa-asamaan ke.

2 Korint 10:10

Yaam a jega waa na layaa yee xa leetar um kaa njeg doole, too a ñexet, ndaa a geenooxangaa fo o mem um, kaa yelefaa bo, soo fa lay um a goɓong.

A pi ake 3:16

Katil fee no gon le Yeesu saƭkinu o koor oxeeke nu nga’aa, too andin. Ne ta gimna no gon le Yeesu o mat taxu ta wod boo ceŋ mbaambir nuun, nuun fop.

1 Korint 1:25

O ñak-xoox Roog sax moƴkoogu o jeg-yiif no wiin we, o neew doole um a garitkoogu wiin we took!

1 Korint 6:14

Roog kaa xontooxnoor o Yaal oxe, too xan a xontooxnoor a in itam, na pexey katil um.

2 Korint 12:10

Ten taxu um felakinoortaa o neew doole es, ta ref ee kaam weneel mbaat um naqadileel mbaat um toroxandeel mbaat um coono’nooreel yaam Kiristaa. Yaaga boog, boo refuuma no neew doole, maaga um jegtaa doole.

2 Korint 13:9

I neewangaa doole soo nuun o mat, nu ndef doole fa ƥor, kaa i mbelakinooxaa teen, too ke i nqeɗanaa a nuun refu nu ñak sik.