2 Korint 13:11 - NQAARIIT NE ROOG

¹¹ Ndiiki koy fog we, fat o ɗaay a ref fa nuun! Njeemyo o njagandoox, yaalooraa, mbog xalaat, ñoowaa na jam! Yaaga Roog fee refna o mbeq fa jam xan a ref fa nuun.

2 Korint 13:11 Referans Kwoze

Hebre 12:14

Ngoorgoorlooxyo, ndax nu ndef na jam fo wiin we fop, too o ñoow nuun a ted, yaam oxuu o ñoow um a tedeerna, jasnoorkee fo o Yaal oxe.

1 Korint 1:10

Fog es, kaam bug, no gon no Yaal in Yeesu Kiristaa, nu mbog ɗelem leng kut, ndef o leng, nqaajoor a ñak a ndeer nuun. Kaam ee fat nu mbokatoor ndef o leng, mbog xalaat fo o liir.

O leetar ole Pool a bindna GIMU WE NGENNA ROM 12:16

Njegyo njofoor a ndeer nuun. Ba nu magnandoox, ndaa njaɓyo ke neewandooxna fop. Ba nu mbi’oox nen waa njegna o and muk.

O leetar ole Pool a bindna GIMU WE NGENNA ROM 15:33

Yaasam Roog fee na ci’taa jam a ref fa nuun, nuun fop. Amiini.

O leetar ole Pool a bindna GIMU WE NGENNA ROM 12:18

Mbi’yo fop ke nu mbaagna, ndax nu ñoowaa na jam mbaambir no wiin we fop, a waagangaa o jeg.

Mark 9:50

Fo jem a faaxa lool, ndaa fo jem o mat a jematangee, xar waagatu o tax ta jem? Njegyo fo jem na qoox nuun, too ñoowaa na jam a ndeer nuun.»

1 Piyeer 3:11

Fat a goƭatir fo paaxeer, soo a fi’aa paax. Fat a waaƭ jam, a reefanin.

2 Korint 13:9

I neewangaa doole soo nuun o mat, nu ndef doole fa ƥor, kaa i mbelakinooxaa teen, too ke i nqeɗanaa a nuun refu nu ñak sik.

1 Piyeer 5:10

Roog fee mayna yirmande, xoyu a nuun na Kiristaa, ndax nu mbog no ndam o mbagkeer onqe ten. Roog fa xoox um xan a fap a nuun na Kiristaa, a cinj yaa nu coono’na o ndik, a saƭkand a nuun, a ci a nuun doole, a fi a nuun bo nu mbaagkee o yen.

1 Piyeer 3:8

Ndiiki koy, njegyo nuun fop xalaat fa leng kut, too mbog o liir. Njegyo a ndeer nuun o mbeq fa yirmande fo a neewandax.

Saak 1:4

O saƭkel oleene koy, a hela o feeñ bo ta dey no ñoow nuun, ndax nu ñak sik, soo ndey. Yaaga nu ñakkee dara.

2 Tesalonik 2:16

O Yaal in Yeesu Kiristaa fa Roog Faap in fee fexna fex a in, a ci’a a in na pexey yirmande um yaaloor boo faw fo yaakaar mbaax.

1 Tesalonik 4:1

No lakas ke koy, fog we, nu njangta na in ne nu mbarna o ñaaƴit boo mbaag o mbel a Roog, too meene sax a koorgoorlax nuun a refu. In we nqeɗan a nuun, too in we ndegdinooxan a nuun no gon le no Yaal oxe Yeesu: Moƴyo o ngoorgoorloox boog!

Filip 4:9

Ke nu njangna, ndaawin, nantin na mi, nga’in na mi, ngayeenoo. Yaaga xan Roog fee na ci’taa jam a ref fa nuun.

Filip 1:27

Kaa koy, fat a pesoorooƭ nuun a waag o lingir fo Yegil mbaax ne Kiristaa. Keene koy, kaa warna yoo, ndax a soƥangaam fa nuun, mbaat o mbiñ o lakas, um ga mbaat um nan ee kaa nu saƭik, mbog yiif leng kut, mbog xeeñ leng itam, ngomreel, ndax o ngim no Yegil mbaax ne a geenoox.

O leetar ole Pool a bindna GIMU WE NGENNA ROM 16:20

Roog fee na ci’taa jam, xan a duguñ a Saytaane ɗuga a caf nuun no miñeer. Yaasam yirmande fee no Yaal in Yeesu a ref fa nuun.

O leetar ole Pool a bindna GIMU WE NGENNA ROM 15:13

Yaasam Roog fee na ci’taa yaakaar a mayƭand a nuun fo o ɗaay fa jam fa ndeyu sik na pexey o ngim onqe nu njegna no ten, ndax nu mbaag o may muut fo yaakaar inooru na doole fee no Yiif Tedu le.

Mbeeñil 22:21

Yaasam yirmande fee no Yaal oxe Yeesu a ref fo fop.

Hebre 13:20

Roog a xontooxnoora o Yaal in Yeesu a ndeer no xon we. O ten refu o kaynaak o maak oxe na gayaa paal um, yaam ne ta ɓoxotooxna nen sadax na pexey fo’oy um. Fo’oy leene o mat sinju ngiɓoor mbooru ne faafkeerna. Yaasam Roog fee mayna fa jam a ci a nuun doole faa nu mbi’taa paax, ndax nu mbadin ke ta bugna. Yaasam ta fi na in ke feluuna na pexey Yeesu Kiristaa. Kaam ee, yaasam o Yaal oxe Yeesu a ɓoxotel o ndam boo faw. Amiini.

2 Timote 2:22

Yufi a yuxum ake ndeƥandoong a ɓekaa o kiin, waaƭ o cofel fo o ngim fo o mbeq fo jam, wo fo we na ne’aa gon no Yaal oxe fo xeeñ xoolu.

2 Tesalonik 3:16

Yaasam o Yaal oxe saqna jam, a ci’oodaa a nuun jam kili fo no nuu ta waagna waag o refit. Kaam ee yaasam o Yaal oxe a ref fa nuun.

1 Tesalonik 5:23

Yaasam Roog fee na ci’taa jam, a mayƭand a nuun fo o tedel. Yaasam ngiin nuun fop: Yiif nuun fo o laaw nuun fo cer nuun a ñak sik, boo yaa o Yaal in Yeesu Kiristaa a nomtooxiidkaa.

1 Tesalonik 5:16

Fat o ɗaay a ref fa nuun kili.

1 Tesalonik 5:13

Fat nu njamsa’ooraa a ndeer nuun, too njeg na den o mbeq o maak yaam a pi den.

1 Tesalonik 4:18

Yaaga boog, fat nu yaaloortaa a ƭelem akeene.

Filip 4:4

Naangyo o mbelakinooxaa kili no Yaal oxe, kaam ee naangyo o mbelakinooxaa!

Filip 4:2

Bugaam o as a Ewodi, as a Sintik da mbog xalaat fa leng kut no Yaal oxe.

Filip 3:16

Me i mbodna ndiiki, fat i yoon, ñaaƴ mbaambir.

Efees 6:23

Yaasam Roog Faap fee fo o Yaal oxe Yeesu Kiristaa a ci o fog ole fop jam fo o mbeq fo o ngim.

2 Korint 1:4

Ten refu oxe na yaalaa in no coono kuu ndefna, ndax na yaalax ale i njegitna na Roog, i mbaag o yaalik fop we ndefna kam coono.

A pi ake 23:30

Cinj ye nanuuma yee Yaawuur we kaa ngumanin o ngir, ndak fo ndak fosooxaam o lultiidong o ten. Simaam we njambuuna itam, da ƥisiid mbaambir of ke taxna da nqelooraa fo ten.»

A pi ake 18:21

A asoora fa den, a rokit maaga a kaal, too a lay a den ee: «A felangaa a Roog, xam nomtooxiid me nuun.»

A pi ake 15:29

Ten refu yee nu mbootoox ñaamel ke sadaxeena ke refeerna Roog mbaat fo’oy mbaat med mbaat ceeq. Nu mbootooxangaa keene, xan nu mbi paax. Na jam!»

YEGIL MBAAX NE YEESU ne Saŋ a bindtuuna 17:23

mi na den, wo na mi, da ndef o leng kut. Neene xan adna fee a and ee wo luliidaxam, a and itam ee fextaa a den, ne fextaxamoona.

YEGIL MBAAX NE YEESU ne Lik a bindtuuna 9:61

O lakas a layahina yee: «O Yaal oxe xam reefanong, ndaa ci’aam boo um eet o asook wiin mbind in.»

Mark 10:49

Yeesu a geenooxa, too a lay ee: «Nqoyeenoo!» A nqoya o puul oxaa, a layin ee: «Saƭakinooxi, too inoox, oxey a xoyang.»

Mace 5:48

Fat nu ñak sik boog ne Faap nuun fee na asamaan a ñakitna sik.»

Mace 1:23

«Xan o toog oxaa andeerna adna a ref fo fud, too xan a ñoot o ƥiy o ngoor onqaa na ne’keel Imanu’el», tekitna «Roog oxey fa in».

Mberaand 45:24

Cinj kaaga, a xaƴa fog faap we ten da ndet. A maƭooxa a den ee baa nqasir na ƭat ale.

Mberaand 37:4

Maag we ten a nga’a yee faap den ten a moƴ’u o fex ee den fop, soo da mbofanin o njaaku kam. Mbaag’ee muk o lay fo ten pelu.

Efees 4:3

Ngoorgoorlooxyo, ndax nu mbaag o ngay o fog ole Yiif le Roog a cooxtaa, yaa ta hiɓrandtaa a nuun jam fee.

O leetar ole Pool a bindna GIMU WE NGENNA ROM 14:19

Yaaga boog, fat i naaɓaa ke na ɓisiidaa jam, too a jokaa o ngim a ndeer in.

Efees 4:12

Kaa fi’it neene, ndax ta jagand we mbogna na xeet fee Roog, da mbadin calel ke gimu we a ndoxondeena, a njokaa cer ke Kiristaa kam o ngim onqe.

1 Tesalonik 3:10

Ñaal fo o yeng, kaa i ngen no nqeɗaa, too saƭik teen, ndax i njeg o gom olaa i mbaagna o ngarit boo mbadin ke yoqna no ngim nuun.

2 Tesalonik 3:1

Fog we, nqeɗyo ndax fa lay fee no Yaal oxe a ñof o jof mbaambir, a niwel ne nu niwtuuna.