2 Korint 13:1 - NQAARIIT NE ROOG

¹ Kaam ee: Xam dadkandiid o jaf es me nuun. A Pind a Tedu ke a laya yee: «Kuu ɗik mbaat daduk a seede’na, xan a xen.»

2 Korint 13:1 Referans Kwoze

Mace 18:16

Kaa koy, a nan-gilooxangirang, jangi o kiin o leng mbaat wiin ɗik fa wo, ndax fop a xendandoox na fa lay no seede ɗik mbaat daduk.

A cangatin ale 19:15

«Seede no kiin o leng soom deyee, ndax o kiin a doonel tig, yaa ta jambeena gaaf mbaat tooñ mbaat bakaad fuu waageena o fi. A waage o doon tig, yaa seede we a ndefna ɗik mbaat daduk.

A cangatin ale 17:6

Oxe jambeena a waage war, yaa ɗik mbaat daduk a seede’na took um. Seede no kiin o leng soom koy deyee.

A lim ale 35:30

O kiin a xawangaa o kiin o lakas boo a warin, fat oxe warna a warel, yaa seede mayu a layna yee ten fi’un. O seede leng kut taxkee o kiin a warel.

2 Korint 12:14

Mexe dadkandiidaa o jaf es me nuun, too taxkee um gaɗ ñoowir es na nuun, yaam refee yee kalal ke nu njegna um waaƭaa, ndaa xa mem nuun sax. Refee yee xa ƥiy axe mbaru o saakanaa paap ke den ñoowir, ndaa paap ke mbarun o mbi’an a den.

1 Maad we 21:10

Fat wiin ɗik jaree tus a moofnel mbaambir um, a njamban ee kaa saloox a Roog fo o maad oxe. Cinj kaaga, fat nu ƥisin tafil teeru fee, ndooman a kac boo yaa ta xonkaa.»

1 Maad we 21:13

Wiin ɗik jaree tus we a ngara, a moof, a njasnoor fa Naboot soo a ndef no njamban mbaambir mbokatax ne fop ee: «Naboot kaa saloox a Roog fo o maad oxe!» Maaga, a tañ-tañnaan bo ta sutoox teeru faa, soo da ndooman a kac boo ta xon.

1 Maad we 1:14

Natan a ɓaata teen ee: «Neene, boo o layaa fo o maad oxe, xam rokiid mi fa xoox es soo ñoowdand fa lay of.»