2 Korint 12:9 - NQAARIIT NE ROOG

⁹ Kaa koy, a doonaxam ee: «Yirmande es a deyaang, yaam katil es, we neewna doole a refanu.» Ten taxu yoo, xam moƴ o fakoorit o neew doole es a paax, ndax katil ne Kiristaa a fudoox took es.

2 Korint 12:9 Referans Kwoze

Filip 4:13

Waagaam fop yaam oxe na dif’axam.

2 Korint 12:10

Ten taxu um felakinoortaa o neew doole es, ta ref ee kaam weneel mbaat um naqadileel mbaat um toroxandeel mbaat um coono’nooreel yaam Kiristaa. Yaaga boog, boo refuuma no neew doole, maaga um jegtaa doole.

Efees 3:16

Kaam xeɗan, ta ci a nuun, nu saƭik fa doole na pexey Yiif le ten no ngiin kam ne nuun, ndax nu ndaawtin na halal fee no ndam onqe ten.

Yosuwe 1:9

Ba o weec ee mi layong ee saƭakinooxi too saq njambaar. Ba o saɗar boog too ba o diid, yaam mi o Yaal oxe Roog of mexey fa wo muu o retaa.»

Esayi 43:2

Boo o xaañaa poofi ke, xam ref fa wo, too boo o jootaa xa quluɓ axe, ƭuudkirang muk. O xaañangaa kam fiɗel sax oo, doxkiro, too ƈulfaan ne waagankirang dara,

1 Korint 10:13

Nu ƭeetlooxkaand ƭeetlax naa o kiin a mosaandeena o ɗeetloox, too Roog fee refna gor xaƴkee a nuun, nu sipanel ƭeetlax naa hupna a nuun doole. Kaa xaƴaa nu ƭeetlooxel, ndaa a naaga o soƥaa ta jagand yaaga naa nu sutoorna teen, ndax nu ngatil ƭeetlax keene.

Hebre 4:16

Fat i ngooloox o matiid boog gamb no maad le Roog, me yirmande a refna. Xan i ndaawit teen a baasan, njegit teen yirmande fo o ndimle a mbanuu i soxla’uuna.

2 Korint 12:5

O kiin o nandu neene deŋ um fakoortaa, ndaa mi fa xoox es doŋ, ha’aa. A ŋadangaa boo a jegkaa sax, um fakoorit o neew doole es.

1 Korint 15:10

Yirmande Roog soom taxu um ref ke refuuma xaye, too yirmande um fa mi yenee na ngas, yaam kaam daar, hupiɗ a den jale. Wariim o lay sax ee mi jalu, ndaa yirmande fee Roog a dalinna a ndeer es fo ten.

1 Korint 2:5

ndax o ngim nuun a riƈatoox ke adna a mbi’na o jeg-yiif, a diƈoox took katil Roog.

Kolos 1:11

Kaa i nqeɗaa itam doole um fee jegna o ndam a fap a nuun o saax oo saax, ndax nu mbaag o saƭik too njeg o muñ,

YEGIL MBAAX NE YEESU ne Lik a bindtuuna 21:15

yaam xam coox a nuun ke nu mbarna o lay fo o and olaa taxna fañ we nuun mbaagkee o maaf a nuun mbaat da ƥur a nuun.

2 Korint 11:30

Keene a taxa, a pakax a warangaa o jeg, yaaga no neew doole es um fakooritkaa.

1 Timote 1:14

Yirmande fee no Yaal oxe a moƴa o siw koy, too daawaam o ngim onqe fo o mbeq onqe ndefna na Kiristaa Yeesu.

Hebre 11:34

A ñufooga xa ñaay xa cegu doole, too a nqox’a laƥ. Ke da ndeeƭna ndeeƭ neewu doole fop oo, a njegnoor’e doole, a ndefat xiixire say, boo a mbaag o maaf xiixire mayu.

Sofoni 3:17

O Yaal oxe Roog of oxey fa wo, a ref nen a salma-koor alaa na muclaa. Xan o ref o ɗaay um ole moƴna magin. No mbeq um xan a fi’ong qas, o ɗaay um na wo a hitatir.»

A kim a tedu ke 8:2

O Yaal oxe, wo xe o Yaal in, ndaw gon of magnu took lanq ke fop! Wo fee o ndam of a xaaneel took-ee-took asamaan,

Mace 28:20

too njangin a den da ngay ke hebluuma fop. Mexey fa nuun bes fuu refna boo maa adna fee a daykaa.»

Mace 28:18

Yeesu a matiida a den, a lay ee: «Ci’eem sañ-sañ fuu refna na asamaan fo na adna.

Esayi 11:2

Xan Yiif le no Yaal oxe a ref took um, a ref yiif o and fo yiif deyu, a ref yiif aa-as fo yiif jegu doole fo yiif andu o Yaal oxe too a saɗarin.

2 Korint 12:15

Mi o mat, xam jaɓ o jiriiñoor ke jeguuma fop, too xam ɓoxot a nuun a xoox es yaam xa laaw nuun. Ndax ne fextuuma a nuun neene xan a tax o mbeq nuun fa mi a wañoox?

2 Maad we 2:15

Duleer we inoortiid’ina Yeriko a nga’aan soo a lay ee: «Yiif no tuleer le reeƭna na Eliya a fudooxa took Eliise.» A nqetiida fo ten, a ngung a lanq mbaambir um.

1 Korint 2:3

O neew doole tigi fadtiid’um me nuun, sendaa yaam diid.

2 Korint 12:1

Kaam ee, ke ta refna gaaf faaxeer fop oo, waagiim o ñak o fakoox. Ndiiki koy, kaam layiidaa xa ƭaaɗ fo peeñil kaa o Yaal oxe a cooxaxama.