2 Korint 12:7 - NQAARIIT NE ROOG

⁷ Neene koy, yaam com’andtu ke no peeñil keene, sooxaneem kam cer es a bej, ndax jimbooxkiim kam a magnandax. A bej aleene kaa fadtiidaa nen oxaa Saytaane a lulna, ndax ta xijlaam boo magnandooxkiim.

2 Korint 12:7 Referans Kwoze

A lim ale 33:55

Kaa koy, boo nu ndaxeerna we ngenna no saax le fop, we nu nqaƴkaa na den xan a ƥek a nuun coono no saax le nu ngenkaa sax, a ndef na nuun nen a sel kam a ngid mbaat nen a bej no saax.

Haahate we 2:3

Mexe layaa a nuun ee raxkiim mbaambir nuun we ngenna no saax le. Xan a ndef na nuun nen mbog, soo roog ke den a ndef nen mbaal naa na damaa a nuun.»

Galati 4:13

Nu anda a paax ee jir tax’u um yegnaa a nuun pitik Yegil mbaax ne.

Dañel 5:20

Kaa koy, ye ta retna boo a magnandoox too wootooxatee o leng, a fudne no maat um, o ndam um a jaɓel.

1 Korint 5:5

fat oxe fi’na keene a deɓel na xa ƥay Saytaane, cer um a saŋkoox ndax o laaw um a muc no ñaal naa o Yaal oxe a nomtooxiidkaa.

Mberaand 32:31

Yakoob a ne’a o mbiñ onqaaga Penu’el yaam ee ga’aam a Roog jaxrañ soo maad o ñoowaa.

Ke bindeena no xe ne’eena YOB 2:7

Maaga, Saytaane a inooxa mbaambir no Yaal oxe. Cinj kaaga, a xawta a Yob a ur a ƭomu, da nqotit no nqol mbangdir ne boo no ƭuf ne.

1 Timote 3:6

Waree o ref itam oxaa na sogaa o gim, yaam ndik o nga’atinax a rokin, ta yen no kate ne o ƈiƴ oxe a yenna.

2 Caloori ke 26:16

Kaa koy, o jeg doole le ten a ɓekaan na magnandax, boo a rim no ten kasaara yaam ta gore’aƭarat no Yaal oxe Roog um. Bes, a roka kam Mbind ne no Yaal oxe ndax ta doxan a xoox um cuuraay no sadaxand cuuraay ole.

A cangatin ale 8:14

fat nu mbootoox o magnandoox, mbeecit o Yaal oxe Roog nuun sutitna a nuun no saax laa Misira, maa nu ndeeƭna faɗ.

Mberaand 32:25

Cinj kaaga, Yakoob a moofa ten soom. O koor a dalfooxaan o song, da ndef no maafir, boo neen mbeet ne a leeliidaa.

2 Korint 11:20

Nu njaɓa o ndamel mbaƭ, njaɓ o ŋalel, njaɓ o nguytel, njaɓ o njambel andaƭar, boo njaɓ sax o ngefel paƭ na mukit.

1 Korint 4:11

Boo fa ndiik kaa nqeex a maad fa in, xa pud in a ƥac, i yoq ƭuc, muu i ngeenooxna, i njuumel xa ƭong, njoqooyooxaa ndetaa.

Heseki’el 28:24

O Yaal oxe kaa tee: «Mbind Isra’el jegkatee muk a ndeer qeet ke mbiduuna na nqeefan, nen a bej akaa na ngaañaa mbaat kiƈ kaa na ndibaa, too xan da and ee mi refu o Yaal oxe.

2 Caloori ke 32:31

Kaa koy, no kaa farna no we kelfa ke Babilon a luliid’ina me ten ndax da laamit paru no anddiloor ole jeg’ina no saax leene, Roog a xaƴa a Hiskiya ndax ta ɗeetlooxin boo a and fop ke refna no xeeñ um.

A cangatin ale 17:20

ndax xalaatkee yee ten gartu xeet um took too ɗapkee kebil keene na ñamaak mbaat na janoon. Neene, xan a xuuɗ no maat um, ten fo xa ƥeem a ndeer no Ii-isra’el lakas we.»

2 Korint 10:5

nduguñaa a magnandax aluu na yaqanaa o and a Roog, soo tañ-tañnaa a qalaat akuu ndefna ndax da nanan a Kiristaa.

YEGIL MBAAX NE YEESU ne Lik a bindtuuna 13:16

O tew oxeeke andoona yee o ndaan Abraham oo, too Saytaane a dam’un boo xa kiid xarɓaxay fo xa kiid ɓetaa tadaq, ndax waagaand o wodand na bes fee na ñootnax ale?»

Mace 26:67

Maaga, a nduxdaan na tagid, a unin tiq, a mbeelin paƭ, too a lay ee:

Ke bindeena no xe ne’eena YOB 2:6

O Yaal oxe a laya a Saytaane yee: «O ten oo xeene, xaƴaaxoong fo ten. Kaa koy, baa o xuuf o ñis um.»

Hoose 2:6

Yirimkiim xa ƥiy axe ten, yaam xa ƥiy xa timte no njaga a ndefu.

Mace 4:10

Maaga, Yeesu a layaan ee: «Saytaane, goƭaam! Yaam a binde yee: ‹O Yaal oxe Roog of soom waro faɗoox too dagooxan.› »

2 Korint 10:10

Yaam a jega waa na layaa yee xa leetar um kaa njeg doole, too a ñexet, ndaa a geenooxangaa fo o mem um, kaa yelefaa bo, soo fa lay um a goɓong.

2 Korint 12:1

Kaam ee, ke ta refna gaaf faaxeer fop oo, waagiim o ñak o fakoox. Ndiiki koy, kaam layiidaa xa ƭaaɗ fo peeñil kaa o Yaal oxe a cooxaxama.