2 Korint 12:6 - NQAARIIT NE ROOG

⁶ Um bug’angaa o fakoox, taxkoogee sax um ɗof, yaam ndigil laykoogum. Kaa koy, kaam wootooxaa keene, yaam ndik o kiin a ɗeetaam a ngid alaa hupna ke ta ga’aa na mi mbaat ta nanan.

2 Korint 12:6 Referans Kwoze

2 Korint 11:16

Ba nu ƭeetaam nen o ƭof mbaat boog, fat nu njaɓaam nen o ƭof, ndax mi yoo, um waag o fakoox pod fod.

2 Korint 12:11

Kaam ɗofoogu, ndaa nuun o mat ƥek’axam teen, yaam nu mbaraxam o kañaa. Andaam ee um tek’ee tus oo, apootar hupalu we nuun na magnandoo­xaa ngupiraam no tus.

2 Korint 11:31

Roog fee refna Faap no Yaal oxe Yeesu, ten oxe simateena boo faw, a anda yee maaɓiim muk.

2 Korint 12:7

Neene koy, yaam com’andtu ke no peeñil keene, sooxaneem kam cer es a bej, ndax jimbooxkiim kam a magnandax. A bej aleene kaa fadtiidaa nen oxaa Saytaane a lulna, ndax ta xijlaam boo magnandooxkiim.

2 Korint 5:13

Yaaga koy, i njambange o ñak-xoox, Roog taxun, ndaa i ndefangaa waa njegna a qoox, nuun taxun.

2 Korint 1:18

Ne Roog a gore’na koy, ten taxu, a tegit ake nu ndaawitna na in ndefandoor’ee «ii» fa «ha’aa».

1 Korint 3:5

Xar Apolos mbaat Pool a ndefu? Faɗ lule soom i ndefu, waa mbi’oogna, oxuu refna ke o Yaal oxe a coox’uuna, ndax nu ngimit na in.

O leetar ole Pool a bindna GIMU WE NGENNA ROM 9:1

Ke um layiidaa ndigil kak oo. Kaam refan a Kiristaa, too maaɓiim dara. Yiif es jeejooxee, too a seede’anaxam na pexey Yiif Tedu le yee fa lay es ndigil oo.

Ke bindeena no xe ne’eena YOB 24:25

Ke layuuma jegu! An saɗaxam o maaɓin boog, a fi fa lay es yaq a ƥay o don?

2 Korint 7:14

Wariim o sed o fakoor a nuun o ndik mbaambir Tiit, yaam ndiiki a xoola yee ndigil layum. Ne i laytaa layit a nuun ndigil ne, neene o mat ke i mbakoortaa na nuun mbaambir Tiit a reftu ndigil.