2 Korint 12:21 - NQAARIIT NE ROOG

²¹ Kaam saɗaraa sax ee um fadiidangaa, xan Roog es a toroxandahinaam yaam nuun. Pexey es fop a refkaa rek um loolaa took no we miñna o mbakaadaa, too a mbañ o ndicoox qoolaƭaru ke fo ceeq ne fo caasaay ne da ñoowtaa.

2 Korint 12:21 Referans Kwoze

2 Korint 13:2

Mosaanum o lay a nuun no jaf o ɗikandeer es. Xaye fee refeeruuma meene, mexe dakooxahinan o lay a nuun, nuun we miñna na bakaad fo nuun lakas we fop ee: Boo dakooxiiduuma, wootooxkiim o leng,

Kolos 3:5

Ten taxu nu mbara o mbañ cer nuun a ñoowaa no ceeq fo no nqoolaƭar fo na yuxum a paaxeer fo no bug halal, yaam kaa ref xaƴ a Roog fa ndiindigil fee, soo reefaa lakas.

Galati 5:19

Ke cer ke yaawaa koy a ande a paax. A pi ake den ndefu: Ceeq fo qoolaƭaru fo caasaay

1 Korint 5:1

A jega ceeq naa um nanaa a ndeer nuun. O ñoowooƭ o nandu neene, we andeerna a Roog sax saqkiran, yaam a reta boo o leng na nuun a geekataa o tew faap um.

Mbeeñil 22:20

Oxe feedinna kene a laya yee: «Ii, mexe garaa no miñeer!» Amiini! Gari, o Yaal oxe Yeesu!

Mbeeñil 22:15

Kaa koy, we na mbi’aa cednooxu fo fan we fo we na seeqaa fo waawar we fo juujuur we fo fop we mbexna o maaɓaa na fa lay fo na pi, o leng na den rokkee na teeru fee muk.

Mbeeñil 21:8

Kaa koy, kaa farna no wiin weeke: Saɗar we fo gore’aƭaru we fo we na mbi’aa cednooxu fo waawar we fo we na seeqaa fo fan we fo juujuur we fo maamaaɓ we fop, a las den na refkaa a mbeel fiɗel alaa no nqeen saasu kaa. Keene na refkaa fa nqon fa ƭikandeer fee.»

Yudaa 1:23

Mucilyo a den, nen kaa nu sutit a den na fiɗel. Yirimyo lakas we itam, ndaa koy fat nu njeg kaa nu saɗarna na den: Mbootooxyo toki ke den sax, nen kaa a yuxum den a ndoɗgandna.

Yudaa 1:7

Mbetandooxyo itam a Sodoom fa Gomoor fo teeru lakas ke mbidna a den, andoona yee kaa ndeɓoox’u no caasaay, a seeqaa nen malaaka keene. A qaw ale no fiɗel le na refkaa boo faw a dala took den. Neene a ndefata a lalgand ale cooxeena wiin we fop.

2 Piyeer 2:18

Fo a ƭelem a cegee xoox akaa mayna fo o nga’atinax, kaa naxaa we na sogaa o muc a ndeer no wiin we na ñoowaa na ƭat a saŋkax ale, yaam a yaaw cer den a paaxeer ake na ƥekaa a den caasaay.

Hebre 13:4

Fat fop a niw ndolnir ne, we ngiɓoorna no ndolnir ne a njeg ngor a ndeer den, yaam xan Roog a hate a cuut ake fo we na seeqaa.

2 Korint 12:7

Neene koy, yaam com’andtu ke no peeñil keene, sooxaneem kam cer es a bej, ndax jimbooxkiim kam a magnandax. A bej aleene kaa fadtiidaa nen oxaa Saytaane a lulna, ndax ta xijlaam boo magnandooxkiim.

2 Korint 10:6

Ndiiki koy, kaa i ngeenoox took o maal nanaƭar nuu refna, cinj yaa nu lalitna o nanan o deyu sik.

2 Korint 8:24

Lalityo boog kam pokatax ke no gimu we yee nu mbexa a den, ndax ke i mbakooritna a nuun mbaambir den a ref ndigil.

O leetar ole Pool a bindna GIMU WE NGENNA ROM 13:13

Fat i ñaaƴit o jof, yaam in wey na qoolaand ale. Ba i yer a yer a maamu mbaat i ñaam kupu. Ba i seeqaa mbaat i mbi’aa a pi a parƴu fo cer in. Ba i nqasir, too ba i siisraa.

O leetar ole Pool a bindna GIMU WE NGENNA ROM 9:2

Kene refu o gooy o maak ole fa naqad fee jeguuma kili kam xeeñ es.

Yeremi 13:17

Nu nan-gilooxangee kene, xam lool na pet, yaam a magnandax ale nuun. Xam yuurin xa kooniit, a kid es a nqaaraa fo xa kooniit, yaam xan o siir ole no Yaal oxe a ɓisel took o hup doole.

Yeremi 9:1

Ndi an na ci’kaxam na koƥ-a-ƥor alaa o daland no ñaañaaƴ? Yaaga xaƴkoogaam xeet es soo goƭ a den, mi o Yaal oxe, yaam den fop seeseeq a ndefu, a yaj no hoohod.

A kim a tedu ke 119:136

A kid es kaa nqaaraa fo xa kooniit, yaam ne a cangin of a reefaandeena.

Esdaraas 10:1

Ye Esdaraas a xeɗaa, a weejlaa pakaad ke na xeet fee, a yoonandtin xa lool, a gung mbaambir Mbind Roog ne, faan no Ii-isra’el mayu, goor fo rew fo xa caaƈ, a mbokatoora paam um soo a mbaɗooxaa den fop.

Esdaraas 9:3

Ye nanuuma keene, faaraam toki es fo sabadoor es, ɓuutaa wiil le no xoox es fo no raatam es soo moof o ndeƈin yaam kam fa mbagu.

1 Sami’el 15:35

Sami’el mosatee o ga a Sawul boo neen a xonu. O Yaal oxe a ricoox’a ke taxna ta dalin a Sawul o maad Isra’el, too Sami’el oo a naqadilooxa yaam Sawul nen oxaa na ñaawooxaa.

A cangatin ale 9:25

Ye o Yaal oxe a hebooxna o saŋik a nuun, deɓooxaam boog a lanq mbaambir um soo yoq maaga boo ñaal qarɓeen nahik fo xa yeng den.

A cangatin ale 9:15

Dalfooxaam o geleeroox, fudooxiidaa, deegoox a alfa ƭak ake no ngiɓoor ne. O joong ole o mat kaa kaƥoogu ne ta fodeena fop.

A sutax ale 32:31

Maaga, Moyiis a nomtooxa maa no Yaal oxe, a layin ee: «Waafu, xeet feeke a mbi’a bakaad fa maak! Kaa mbi’an a qoox den roog wurus.