Biblia Todo Logo
Bib sou entènèt

- Piblisite -




2 Korint 12:2 - NQAARIIT NE ROOG

2 A jega kerceen faa and’uuma, a fi’a xa kiid xarɓaxay fo xa kiid xa nahaq ndiiki, andiim ndax fo cer um a reeƭu, too andiim itam ndax reeƭee fo cer um, Roog soom andun. O koor oxeene a yoɗe boo na asamaan fa ndadkandeer faa.

Gade chapit la Kopi




2 Korint 12:2
40 Referans Kwoze  

«Ye nomtooxiiduuma Yeerusaleem, rokaam no Mbind Roog naa xeɗaa, too feeñooxeem.


Ndak fo ndak, Yiif Tedu le a gifaxam, a ɓisaam. Maaga koy kam asamaan, a jeg’a gamb no maad. Took gamb leene koy, a jeg’a oxaa moof’ina teen.


Cinj kaaga, in we ta soƥkaa i ñoowaa, xan i yoɗooxandoor fa den kam a eel ake, nqetik fo o Yaal oxe took, soo ndef fo ten boo kili.


Xar taxu a ƭelem akeene koy? Xeƈa boog yaam kaa fexiim a nuun oo? Roog a anda yee jegaam o mbeq na nuun tigi!


Keeke oxe hupna fop, ngenand um a ref boo faw, too gon um a ref o Tedu xe, a layu: «Kaam gen took-ee-took fo no tedel, ndaa kaam gen itam fo we ngooyna too a njeg yiif neewandooxu, ndax um ñoowdand we neewandooxna soo ɗaaynoor we ngooyna.


Cinj yaa um retkaa xaƴong, xan Yiif le no Yaal oxe a gifong, a ɓisong maa andeeruuma. Um retkaa koy, yegnin a Ahab, too ga’kirang soo ta waraam. Yaag oo toox de, no kaa xotitna no ndeƥandoong es boo ndiik kaam saɗar o Yaal oxe.


Maaga, o tew oxe a ñoota o ƥiy o ngoor onqe na gayitkaa qeet ke fop o samb njelem. Kaa koy, o nqeq onqe ten a gife, too a ɓisel paam Roog fo gamb no maad le ten.


No mbeeñil, Yiif le a gifaxam soo a nomtiidaam Kalde paam no we ƥiseena took o hup doole. Cinj kaaga, mbeeñil ne lal’eema a naaga mes.


Kaa koy, ndax no ndigil xan Roog a gen took lanq ke? O xeƈangee na asamaan fee took-ee-took, nam o xeƈitkaa no Mbind neeke maxanoonga!


Yaam Kiristaa rokee no Mbind tedu naa o ɓay no kiin a jalna, a ref nitaale’ir no ndiindigil ne. Na asamaan sax sax a roku, ndax ta geenooxan a in ndiiki mbaambir Roog.


Oxe fudooxna refu ref oxe ŋaayna took-ee-took asamaan, ndax ta mayƭand ke sakeena fop.


No we ngimna na Kiristaa Yeesu, xucoox fo o ñak o xucoox mbodu, too ƭaxee dara. O ngim onqe o mbeq a ñoownaa soom jegu o njiriiñ.


Pokatax kaa ndefna Yudee, too a ndef no Yaal oxe fop mos’iraam o nga.


O kiin a fogangaa na Kiristaa, mbindel nqas a refatu. Ke hiidna a wata, soo fop a refat qas.


simin a Andoronikos fa Yuñaas we fogtuuma xeet, too a ndeeƭu fa mi kam kaso, a ndef waa apootar we a niwna. Den sax eetaxam o ngim na Kiristaa.


Ndiiki boog, a qaw a leng jegkatee no we mbogna na Kiristaa Yeesu,


Yaa goor ɗik waa a nanna kaaga, a njaɓnooka kam teeru kaa Listeer fa Derbe mbogna no jegel olaa Likawoon fo ke widuuna.


Ñaamna cer es, a yer fo’oy es, xan a sax na mi, um sax no ten.


Yaa ta barke’aa a den, a riƈatooxa a den, Roog a yoɗin na asamaan.


Simateenoo, nuun asamaan fee took-ee-took fo poofi ke ngaritna asamaan took!


Yiif le Roog a gif’axam na bes fee no Yaal oxe, too nantaam a cinj es o ñuxur o maak olaa na jibaa, a fangoortaa nen a luuƥ.


Fat nu ngoroox o ñoowooƭ nuun boo and, ndax nu njega o ngim. Ƭeetlooxyo boog! Ndax nu anddilooxa yee Yeesu Kiristaa oxe na nuun? Kaa koy, fat a soƥ ee ƭeetlax ne refkee njom na nuun.


Kiristaa fee moseerna o fi bakaad, Roog a gadnaan pakaad ke in, ndax no ten, Roog a ɗeet a in nen jofu.


O ten doonu a nuun na Kiristaa Yeesu. Kaa Roog a fi a Kiristaa ta ref na in o jeg-yiif fo o cofel fo o tedel fo a bateer,


A layaan ee: «Ga’angi, a jega mene a ndeer no dag of goor qarɓeen ƥetik waa ndefna cambaar. Fat i lul a den, da mbaaƭik o yaal mbind of. Xeƈa Yiif le no Yaal oxe kaa gifin, a deɓkin no joong o leng mbaat na yulanq.» Eliise a doona a den ee: «Ba nu lul a den.»


O Yaal oxe Roog nuun jegu asamaan fee took-ee-took, a jeg lanq ke fo ke refna teen fop.


Maaga, Yiif le a gifaxam soo a ɓisaam no maax-kam ole. Ga’aam o ndam onqe no Yaal oxe mayƭand’ina Mbind ne fop.


Fat nu simnanaam a Pirisil fa Akilaas ndefna yoon es no calel ke Kiristaa Yeesu.


simin a Urben o yoon es no calel ke Kiristaa fa Estakis fee fexuuma.


Simnanaamoo a Apeel fee lalitna o ngim um na Kiristaa, simin ƥasil ne refna no mbind Aristobil,


Fat i saƭik boog no ngim onqe i mbeejlaa, yaam i njega o saasadax o maak oxaa hupna fop. Ten refu Yeesu o Ƥeenqe Roog, o ten oxe ŋaayna boo paam Roog.


Swiv nou:

Piblisite


Piblisite