2 Korint 12:10 - NQAARIIT NE ROOG

¹⁰ Ten taxu um felakinoortaa o neew doole es, ta ref ee kaam weneel mbaat um naqadileel mbaat um toroxandeel mbaat um coono’nooreel yaam Kiristaa. Yaaga boog, boo refuuma no neew doole, maaga um jegtaa doole.

2 Korint 12:10 Referans Kwoze

2 Korint 12:9

Kaa koy, a doonaxam ee: «Yirmande es a deyaang, yaam katil es, we neewna doole a refanu.» Ten taxu yoo, xam moƴ o fakoorit o neew doole es a paax, ndax katil ne Kiristaa a fudoox took es.

Efees 6:10

Ndiiki koy, ne nu mbogna no Yaal oxe, mbaaƭityo no ten doole nuun, too ndokoox katil magnu ne ten.

O leetar ole Pool a bindna GIMU WE NGENNA ROM 5:3

Kupu keene sax, kaa i moƴ o mbelakinooxaa kam coono ke, yaam i anda yee coono na rimaa o saƭkel,

2 Korint 13:4

A neew’a doole lool no cer um, ye ta rengeel na kurwaa, ndaa oxe ñoowaa na pexey katil ne Roog. In itam, kaa i neew doole no ten, ndaa xan i ñoowaa fo ten na pexey katil ne Roog, too xan nu nga’in.

Saak 1:2

Fog es, nu yenangaa no ƭeetlax mayu, mbelakinooxyo a paax,

2 Korint 6:4

Kaa jolna keene, kaa i laltaa no fop ee dag Roog i ndefu. Kaa i ndoxondooxaa fo o muñ coono ke fo naqad ke fo a yogorlax ake.

A pi ake 5:41

Naaga, apootar waa a ndiƈatooxa Mal maak naa. Den fop a ƭaaya yaam tedaanga fee Roog a ci’’ina a den, da toroxandeel yaam gon le Yeesu.

2 Korint 13:9

I neewangaa doole soo nuun o mat, nu ndef doole fa ƥor, kaa i mbelakinooxaa teen, too ke i nqeɗanaa a nuun refu nu ñak sik.

2 Korint 1:4

Ten refu oxe na yaalaa in no coono kuu ndefna, ndax na yaalax ale i njegitna na Roog, i mbaag o yaalik fop we ndefna kam coono.

YEGIL MBAAX NE YEESU ne Lik a bindtuuna 6:22

Boo andoona yee nu sibe mbaat nu ndaxel mbaat nu mbenel mbaat nu mberanel paaxeer kuu refna yaam o Ƥeenqe no kiin oxe, nu ƭaaya.

2 Korint 5:15

Kaa xonan fop, ndax we na ñoowaa, ñoowankatee a qoox den, ndaa ndax da ñoowan oxe xonanna, soo a xontooxan a den.

2 Korint 4:17

Yaaga boog coono miñeer ke i ngomaa, meɗee a in, yaam o ndam o njegee nand onqe ta jagandankaa a in, too a refkaa boo faw.

YEGIL MBAAX NE YEESU ne Saŋ a bindtuuna 15:21

Gon es xan a tax da ndoon a nuun coono keene fop, yaam andee oxe luliidaxama.

1 Korint 4:10

In, kaa i ƭeetel nen ñaku a qoox na Kiristaa, nu ƭeetel no ten nen yaal a yiif, i ndef neewu doole, nu ndef yaal toole. Kaam ee kaa nu niwel, i nqeefel.

Mbeeñil 2:3

Andaam itam ee saƭkaa. Xijaa yaam gon es, too dakooxiro a cinj.

2 Korint 10:18

Oxe na layooxaa yee mi yoo naagee o refaa muk oxe na jileel, ndaa oxe o Yaal oxe a jooxna soom.

2 Tesalonik 1:4

Ten taxu nu ndefat kañoor in kam pokatax ke no we ngimna na Roog, yaam ne nu njegna o muñ fo o ngim kam ñagadil ke fop fo naqad ke fop na ndalaa took nuun.

Filip 1:29

yaam kaa nu ndaawnel yirmande, ndax nu ngim na Kiristaa. Refee koy soom ee nu ngim no ten, ndaa nu coono yaam ten itam,

Kolos 1:24

Jegaam o mbelakinax lool no coono ke um coono’aa yaam nuun. Keene koy, kaa ref kaa um ɓaataa no coono ke Kiristaa no cer es, fadnanan o fog ole no gimu we, refna ref cer ke Kiristaa.

2 Korint 7:4

Jegaam a koolax a maak na nuun, ta refat sax o wooƥ o fakoor es na nuun. Kaam ee, mayaam fo xa yaaloorand, may muut fo o ɗaay kam coono ke in fop.

2 Korint 4:5

Ii, refee yee a qoox in i mbaare’aa. Kiristaa Yeesu fee refna o Yaal oxe o mat i mbaare’aa, soo yegnaa a nuun ee faɗ nuun i ndefu yaam Yeesu.

2 Korint 5:20

In ndefu we Kiristaa a lulna, soo ta nand nen Roog fa xoox um na layaa fa nuun na pexey in. In we nqeɗaa a nuun no gon Kiristaa nu njaɓ o njofoorandel fa Roog.

2 Timote 3:11

fo ke um dooneel yaam o ngim onqe fo coono ke mi. Coono kum xetteerum Ancook mbaat Ikooñum mbaat Listeer? Ñagadil kum jaɓeerum o sufoox? Kaa koy, no kuu refna teen o Yaal oxe a muclaxam.