2 Korint 11:9 - NQAARIIT NE ROOG

⁹ Keene reeƭu ƭaxir coxla es, ndax gaɗkiim mbir es no leng na nuun, yaam fog gimu we inoor’ina Makedoni ƥislooxiidu fop ke warna na mi. No kuu ta waag’ina ref kaam mos o wootooxaa o gaɗ a xoox es na nuun, too xeɗaam ta saxaa na mi.

2 Korint 11:9 Referans Kwoze

1 Tesalonik 2:9

Fog es, ƥekyo na yiif nuun ne i njalitna kam coono ñaal fo o yeng, ndax i ndoxondkee o leng na nuun a toq in, ye nu mbaare’eel Yegil mbaax ne Roog.

1 Tesalonik 2:6

Yaag oo toox de, nen waa Kiristaa a lulna i mbaag’a o ngeblaa a nuun fa doole, ndaa i mbi’iran, yaam i mbaaƭee o ndam onqaa inoorna no wiin we, refee me nuun, too refee mbaambir no lakas we. Kaa i ƥuuɓ’u kañ, yaa i ndefna a ndeer nuun, boo ne o ƥasil a teeteeltaa xa ƥeem.

Hebre 11:37

Leng-leng waana itam a njaɓ o mbartel a kac, lakas koy a mbartel a si mbaat laƥ. Kaa njoqooyooxoogu o mbiñ fo o mbiñ, a ndokoox ƭool paal mbaat pambe, a ndef fo ndool, a ngen no tooñeel, a ñagadileel.

Filip 2:25

Ɗeetaam itam boo ga ee nomtiid o pog es Epaforodit cegu o njiriiñ oo. Ten itam, o yoon es no calel ke yoo, a gomreel nen a mi, nu luliidin me mi, ta ɓisiidaam ƭaxir soxla.

2 Korint 9:12

O ndimle nqe no sadax ke nuun refee ƭaxir coxla no gimu we soom, ndaa kaa ref sax a cur a cookir a njal a Roog.

2 Korint 6:4

Kaa jolna keene, kaa i laltaa no fop ee dag Roog i ndefu. Kaa i ndoxondooxaa fo o muñ coono ke fo naqad ke fo a yogorlax ake.

A pi ake 20:33

Waaƭ’iim xaaliis mbaat wurus mbaat tikoorik no kiin o leng.

A pi ake 18:3

Ne da mbog’ina calel koy, Pool a dala no mbind den, soo da yoonaa, a njalaa. Den ɗik, ɗiiɗiis tanta a ndeeƭu.

Nehemi 5:15

Gofornoor ke adooxaxama kaa ñaatlandoogu xeet fee, a seraa a den ñaamel fa biiñ, kaa jolna xa monjong qarɓeen nahik xaaliis fa nqoolu xe. Dag we den sax kaa toroxandoogu xeet fee. Mi o mat, fesooriim neene, yaam o saɗar a Roog.

A pi ake 18:5

Kaa koy, ye Silaas fa Timote a inooriidna Makedoni, Pool a pay’ata no waare’aa fa lay fee Roog, a feednaa Yaawuur we yee Yeesu refu Kiristaa fee, refna o Muumucil oxe regteena.

O leetar ole Pool a bindna GIMU WE NGENNA ROM 15:26

Kerceen ke Makedoni fo we Akayi kaa ngeboox o mbokat kaa dimle’teena rool gimu we kam Yeerusaleem.

1 Korint 16:17

Sawaraam lool yaam ne Estefanaas fa Fortinatis fa Akaykis a ngarna meen. Yaaloortaam a den a nuun,