2 Korint 11:3 - NQAARIIT NE ROOG

³ Kaa koy, kaam diidaa sax a qalaat nuun a ndok no naanaxir, soo nu naang tukit o kumnoor o saƭku o ñaku sik ole humin’ina a nuun fa Kiristaa, nu nandat fa Awa fee fangool fa ƈiƴu fee a nax’ina.

2 Korint 11:3 Referans Kwoze

Kolos 2:8

Mbootooxyo o kiin a laxadit a qoox nuun xa peƭeñeŋke mbaat ta nax a nuun, a suttaa a ƭelem um no mbaax no wiin we fo na cangin akaa layteerna a Kiristaa, ndax a ngat na adna.

Galati 1:6

Kaam jaaxiɗ, yaam ne nu ñofna boo nqaƴaa oxe xoyitna a nuun yirmande, soo suuraa no yegil mbaax lakas.

Efees 4:14

Yaaga i ndefkatee xa teɓandoong axaa a yag-ee-yag ake a ƥisaa, soo a cangin a andand ake wiin naanax a ndalinna a ndiñaa a den mene fo maana. Wiin weene kaa mo’nooraa lakas we na pexey o ƴiƴ ole da nqalaatanna a qoox den.

Kolos 2:4

O nanangaa um layaa keene, kaa bugiim o leng a laxad a qoox nuun fo mbel-o-ɗek,

1Saŋ 4:1

Fog es we fexuuma, baa yiif luu garna gar nu ngimin! Kaa koy, ngorooxyo a yiif ake boo nga, ndax na Roog a inooru ndax nam, yaam kaa duleer maamaaɓ mayu a ndokiid na adna fee.

1 Timote 2:14

Refee itam ee Aadama nax’e. O tew oxe o mat a reeƭu, too ten nanaƭar’u a Roog.

Mbeeñil 12:9

Maaga, Niŋki-naŋka maak ne a foor’e tafil. Ten refu Mbangool ne yaaga na xoyeel o ƈiƴ oxe mbaat Saytaane. Ten oxe na naxaa adna fa muum a jooriide a lanq, ten fo malaaka ke ten.

Hebre 13:9

Ba nu ndeɓ a qoox nuun, boo mo’noorel na cangin a pogreer akaa o leng a andeerna. Ke jegna o njiriiñ kañ refu nu saƭakinit a qeeñ nuun yirmande Roog. Keene waree o inoor muk no ɓaalaa kebil kaa njaginna no ñaamel. We na mbadnaa kebil keene, kasaara soom a njegitkaa teen.

Mberaand 3:13

Maaga, o Yaal oxe Roog a laamta o tew oxe yee: «Xar taxu o fi keene?» O tew oxe a doonaan ee: «Fangool fee mat naxaxam bo um moɗ o rim ole no ndaxar ne.»

YEGIL MBAAX NE YEESU ne Saŋ a bindtuuna 8:44

Saytaane o mat refu faap nuun, too nu mbugee o mbadin dara, a refangee ke faap nuun a diirooxaa. No mberaand naa boo ndiik o baawar oo, too geenooxkee no ndigil muk, yaam ndigil leng refee no ten. A naagangaa o maaɓaa koy, no ndap xeeñ um a suttan, yaam o maamaaɓ oo, too ten refu faap o maaɓ.

Galati 3:1

Cey, Gaagalati ñaku xoox we! An laxadu a qoox nuun? Nu mbetandooxe a paax ne Yeesu Kiristaa a warit’eena na kurwaa boo kaa fi’at sax nen kaa nu maadin.

2 Korint 1:12

Kañoor in refu ke yiif in a seede’aa. A pesoorooƭ in kam adna fee, moƴtaa sax a ndeer nuun, kaa reeƭu no tedel fo no ngor naa hatna na Roog na pexey yirmande um fop, refee muk no and no kiin.

Mberaand 3:4

Maaga, fangool fee a laya o tew oxe yee: «Coo! Nu nqonkee tus.

1Saŋ 2:18

Xa teɓandoong es, waxtu fa mbalakaand fee yoo. Ne nu nanitna yee o Mbodandoor-Kiristaa xe garaa, a jega ndiiki sax fo Mbodandoor-Kiristaa fo mayu. No keene i andtu yee waxtu fa mbalakaand fee a fadiida.

2 Piyeer 3:17

Nuun we fexuuma, nu maƭooxe keene. Nu mbara o mbootoox, ndax wiin weene na mo’andaa maafkee a nuun boo nu ñak o saƭik no ngim onqe nuun.

Galati 4:11

Kaam diidaa sax, ndik ke jalanuuma a nuun fop a ref kasaara.

2 Korint 2:17

Yaam in o mat, i ndefee nen wiin mayu we na njula’aa fa lay fee Roog. Kaa koy, kaa i ndef waa na laytaa a qool qac kaa farna na Kiristaa mbaambir Roog, yaam Roog o mat lulu a in, i ndef faɗ Kiristaa.

2 Piyeer 3:3

Fat nu eet o and ee no ñaal palakaand ke, xan a jeg xaaxaadnax waa na mbugko ñaaƴaa na yaaw a paaxeer ake den. Xan a njeeraa a nuun,

2 Timote 3:13

Soxodu we fo fan we koy kaa mbugko moƴ o loofaa na bakaad, a mo, a mo’andaa lakas we.

1 Tesalonik 3:5

Ten taxu, ye waag’ateeranuuma o muñ, luliidaam a Timote me nuun, ndax ta feednaam o ngim nuun, yaam kaam saɗaroogu yee xan o poofoog oxe a nax a nuun boo calel ƭomu in a ndef kasaara.

Efees 6:24

Yaasam yirmande fee Roog a ref fo fop we mbexna o Yaal in Yeesu Kiristaa o mbeq o saƭku.

Galati 2:4

A jeg’a koy waa ƥerexoogna a ndeer in, too ndeeƭee gimu. Weene o mat mbug’u o nqucnoor a Tiit. Kaa ƥerex a ndeer in ndax da ngoroox o daaw ole i njeg’ina na Kiristaa Yeesu. Kaa mbug’u o ƥakand a in no mbaƭ ne kebil ke a ndalinna,

2 Korint 4:2

Kaa i njoor maana a pi a yememaar a sednooxu ke, too naanaxir leng refatee na in. I sufaalee fa lay fee Roog muk, ndaa kaa i yegnitaa ndigil ne, too mbaaƭaa naa wiin we fop a ngoolooritna a in mbaambir Roog.

Mace 24:24

Xan Kiristaa maamaaɓ fo duleer maamaaɓ a mbeeñ, too xan a mbi’aa xa anddiloor xa magnu fo comlaand, ndax da nax we Roog a jilna sax, a mbaagangaan.

Yudaa 1:4

Yaam wiin soxodu leng-leng a yoroxlooxiida kam in, waa andoona yee a qaw den a miña o yegnitel kam a Pind a Tedu ke. Kaa ngimaƭar, a softaa yirmande fee Roog caasaay, soo a nqañaa a Yeesu Kiristaa fee o Yaal in refna Kelfa fa leng kut in.

Tiit 1:10

A jega koy mayu waa nanaƭarna too a naxtaa wiin lakas we fa lay fa njegee xoox. Wiin weene koy, owe moƴa o mayit no Yaawuur we ngimatna.

1 Timote 1:3

Ne layit’oonga o ten ye um hebooxaa o ret Makedoni, mexe dakooxang o wetandaa yee: Moofi Efees, ndax o waag o maƭoox wiin we ndefna maaga, too a njangnaa kaa refeerna ndigil ee mbariran o mbi.

Kolos 2:18

Ba o leng a nax a nuun boo a yaqan a nuun eetatir ne nu ndefitna, yaam a fi’ooxaa o neewandooxu mbaat tee kaa reefaa kaa malaaka a dalinna. O kiin um a waaga o ret sax boo a saaƭoox na xa ƭaaɗ xa andand, a magnandooxaa yaam a qalaat um a cegee xoox,

2 Korint 11:29

Boo o kiin a neewna doole rek, yaaga mexe no neew doole itam, too o kiin a yenangaa, yaaga mexe ñoowaa na naqad.

O leetar ole Pool a bindna GIMU WE NGENNA ROM 12:8

Oxe jegna ci’it o saƭakinaa lakas we, fat a saƭakin a paax. Oxe na ci’taa, fat a fi’in no fud o letu. Oxe na ɗoxaa, fat a jaflax no ke ta ɗoxaa. Oxe na dimle’aa rool we, fat a fi’an fo o ɗaay.

Mbeeñil 20:2

A songa a Niŋki-naŋka, Mbangool ne yaaga refna o ƈiƴ oxe mbaat Saytaane, soo a humin boo xa kiid juni.

A kim a tedu ke 119:53

Kaam fuux boo buɓaa yaam soxodu we mbesna a cangin of a cinj.

Mberaand 3:1

No muumeen ke o Yaal oxe Roog a sak’ina fop, da ndef na koƥ ale, fangool fee moƴ’u o ƴiƴ teen. A laamta o tew oxe yee: «Ndax no ndigil Roog kaa lay ee nu moɗkee xa tim axe no taxar ke na ƭing ale fop?»

Mberaand 3:20

O koor oxe a ne’a o teem Awa, ee yaam ten refu ya no wiin we fop.

2 Korint 11:20

Nu njaɓa o ndamel mbaƭ, njaɓ o ŋalel, njaɓ o nguytel, njaɓ o njambel andaƭar, boo njaɓ sax o ngefel paƭ na mukit.

Efees 4:22

Neene boog, nu mbara o mboloox qac no ngiin ngiid ne nuun riñoogna a nuun no ne nu ñaaƴtoogna yaaga. A yaaw a naanax ake no ngiin ngiid neene, na saŋkax soom a ƥisaa.

Mbeeñil 12:15

Maaga, Mbangool a xuqta foofi no don um, ta fi nen a paas a cinj o tew oxe, ndax a yaand ake a ƥisin.