2 Korint 11:12 - NQAARIIT NE ROOG

¹² Keene fi’uuma, xam dakooxahin teen, ndax um foor tafil ƥaaƈaal ke mbaagna o ci wiin weene o wooƥ o ga’a­tinoor boo a tax da nandandooraa a in, a mbakooxataa.

2 Korint 11:12 Referans Kwoze

1 Korint 9:12

Lakas a njegangaa sañ-sañ feene na nuun, ndax in fa qoox in i moƴkoogiran o njeg a den? Kaa koy, sañ-sañ feene i laamtiran. Kaa i muñ fop, yaam ten moƴu i ŋaalooxaa wargal boo ta refat a panq no Yegil mbaax ne Kiristaa.

1 Timote 5:14

Kaam bug boog ñaaw we maadna o ndefaa no ndeƥandoong den a ndolookatin, a njegik xa ƥiy, a topatooxaa pind den, too a mbañ o ci fañ in kaa da ŋañitna a in.

Galati 1:7

Refee koy ee kaa jeg yegil mbaax lakas, ndaa kaa jeg wiin waa na njom’andaa a nuun, a mbug o yaq Yegil mbaax ne Kiristaa.

2 Korint 11:18

Ne mayu a mbakoortaa kiihiin, mi o mat oo, bugaam o fakoox nen a den.

2 Korint 11:9

Keene reeƭu ƭaxir coxla es, ndax gaɗkiim mbir es no leng na nuun, yaam fog gimu we inoor’ina Makedoni ƥislooxiidu fop ke warna na mi. No kuu ta waag’ina ref kaam mos o wootooxaa o gaɗ a xoox es na nuun, too xeɗaam ta saxaa na mi.

2 Korint 10:17

Ten taxu a Pind a Tedu ke a laya yee: «Fat oxe na fakooxaa, a fakoorit o Yaal oxe.»

2 Korint 5:12

Refee yee kaa i mbokatahinaa a qoox in fa nuun, ndaa kaa i mbug nu njeg kaa nu mbakoorna na in. Yaaga, xan nu mbaag o ndoon we na mbakoortaa ke yulna a ngid, a mbañ ke saxna no xeeñ.

2 Korint 1:17

Ndax kaam caaxaanoogu no waaj es leene? Kaam ee, ndax yuuƥ es neene kaa reeƭu o bug es soom, mi fee refna o kiin sang um, boo a taxkaa um lay ƭik «ii» fa «ha’aa».

1 Korint 5:6

Fak le nuun soo maas! Kaa nu mbeecit ke na layeel ee: O ndik no poɗaxnir rek na foɗaxnaa nqiiw?

Ke bindeena no xe ne’eena YOB 23:13

Ten koy, a hebooxangaa tig, an na waagkan o sut teen? Ke ta bugna, kaa fi’an.

Mace 26:16

No kaa xotitna na waxtu faaga, a waaƭoogata maa ta ɓoxotitna a Yeesu.