2 Korint 11:11 - NQAARIIT NE ROOG

¹¹ Xar taxu a ƭelem akeene koy? Xeƈa boog yaam kaa fexiim a nuun oo? Roog a anda yee jegaam o mbeq na nuun tigi!

2 Korint 11:11 Referans Kwoze

2 Korint 12:15

Mi o mat, xam jaɓ o jiriiñoor ke jeguuma fop, too xam ɓoxot a nuun a xoox es yaam xa laaw nuun. Ndax ne fextuuma a nuun neene xan a tax o mbeq nuun fa mi a wañoox?

2 Korint 7:3

Layiim keene, ndax um maaltin a nuun, yaam lay’aam yaaga yee kaa nu ndal kam a qeeñ in, ta ref no ñoow mbaat na fa nqon.

Mbeeñil 2:23

Kaa jolna keene, xam xawit xa ƥeem fa nqon. Neene, xan pokatax ke no gimu we fop a and ee mi refu oxe na horooxaa a pug fo a qalaat a ƭasu ke no wiin we, too xam ɓoxot o kiin oo kiin ke ta jalna.

Hebre 4:13

Jegee muk oxaa waagna o ɗas a Roog. Ke ta sakna fop kaa naag duŋ ee fuc mbaambir a kid um. Xan i njangtooxin ke i mbi’na fop.

2 Korint 11:31

Roog fee refna Faap no Yaal oxe Yeesu, ten oxe simateena boo faw, a anda yee maaɓiim muk.

A pi ake 15:8

Yaam Roog fee andna a qeeñ ake no wiin we a seede’ana a den no Yiif Tedu le ta ci’na a den ne ta ci’tuuna a in.

YEGIL MBAAX NE YEESU ne Saŋ a bindtuuna 21:17

A dakooxa o laamit jaf dadkandeer ee: «Simoŋ, o ƥiy Yoona, ndax fexaxamo?» Maaga, Piyeer a naqadilooxa yaam ke ta laamtuuna boo a caf a tadak ee «Ndax fexaxamo?», too a doonaan ee: «O Yaal oxe, dara kunpa’irang. Andaa xil ee fexaaxoong.» Yeesu a layaan ee: «Topatooxi paal es.

A kim a tedu ke 44:21

Boo i mbeecit’ina gon of, wo fee Roog in, mbaat i letin xa ƥay in a roog fa lakas,

Yosuwe 22:22

«O Yaal katil oxe refu Roog, ii, ten refu o Yaal oxe! O Yaal katil oxe refu Roog, ii, ten refu o Yaal oxe! A anda ke taxna i mbi keeke, too Ii-isra’el we fop a mbaraan o and itam. A soƥangaa yee kaa i siiknoor fo o Yaal oxe mbaat i ngore’aƭar no ten, yaasam baa ta maadnoor a in o feet.

2 Korint 11:10

Ne ndigil ne Kiristaa a saxna na mi, mexe yegnaa a nuun ee mbakax nene xañitkaandeem o ten muk kam caate ke mbidna Akayi fop.

O leetar ole Pool a bindna GIMU WE NGENNA ROM 1:9

Roog a anda yee ndigil kak um layaa, ten fee um dagooxaa kam xeeñ es, yaa um waare’aa Yegil mbaax ne jofna no Ƥeem, too a anda itam ee kaam wetandooxaa a nuun kili na qeƭ es.

2 Korint 2:17

Yaam in o mat, i ndefee nen wiin mayu we na njula’aa fa lay fee Roog. Kaa koy, kaa i ndef waa na laytaa a qool qac kaa farna na Kiristaa mbaambir Roog, yaam Roog o mat lulu a in, i ndef faɗ Kiristaa.