2 Korint 11:1 - NQAARIIT NE ROOG

¹ Mexe xeɗaa a nuun nu njaɓ ƭof es ndutuuñ. Andaam kañ ee nu muñanaxam.

2 Korint 11:1 Referans Kwoze

2 Korint 11:4

Yaam o kiin a garangaa, a waare’aa a nuun a Yeesu fa lakas faa refeerna fee i mbaare’na mbaat ta soƥ ee kaa nu ndaaw yiif lakas laa fogreerna fo le nu ndaawna mbaat yegil mbaax lakas naa refeerna ne nu ndaawna, kaa nu njaɓanan a paax.

1 Korint 1:21

Ne andoona yee ke adna a mbi’na o and ɓakandee a den no and a Roog, ten taxu Roog a mucla we ngimna, a reefandin na waare fee wiin we a mbi’na ñaku xoox.

2 Korint 11:21

Keene sax kaam sedat o moof liman. Kaam foog ee in o mat, kaa i ndeyaƭar’u, ndax i ndoon a nuun keene. Mi sax ƭooɗofir ƥor um layataa, yaam andaam ee kuu o mbindeef a saɗna, saɗaanum.

2 Korint 11:19

Nuun we njegna a qoox, ndiiki nuun we yidaq njaɓan ɗof we.

2 Korint 5:13

Yaaga koy, i njambange o ñak-xoox, Roog taxun, ndaa i ndefangaa waa njegna a qoox, nuun taxun.

Hebre 5:2

O saasadax oxeene koy kaa hees. Ten taxu a waaga o muñanaa we na njuumaa yaam a ñak-o-and.

2 Korint 12:11

Kaam ɗofoogu, ndaa nuun o mat ƥek’axam teen, yaam nu mbaraxam o kañaa. Andaam ee um tek’ee tus oo, apootar hupalu we nuun na magnandoo­xaa ngupiraam no tus.

1 Korint 4:10

In, kaa i ƭeetel nen ñaku a qoox na Kiristaa, nu ƭeetel no ten nen yaal a yiif, i ndef neewu doole, nu ndef yaal toole. Kaam ee kaa nu niwel, i nqeefel.

1 Korint 4:8

Kaa nu ñof boo njeg ke nu mbugna fop, njegat halal, ndef maad, mbaas a in? Koo qoyni, ƥekyo a in no maat nuun boog!

1 Korint 3:18

Ba o leng a nax a xoox um. Oxuu liiƥoorna fo o jeg-yiif ole na adna feeke boo a bug o fakoox, fat a yer yiif um, a jaɓ o ref o ñaku xoox, ndax ta jeg yiif mbaambir Roog.

A pi ake 26:29

Pool a doonaan ee: «A waaga o ref ndiiki de, a waaga o ref taa mbaambir itam. Kaa koy, kaam xeɗaa a Roog, boo refkee wo soom, ndaa weeke na nan-gilooxaxam xaye, nuun fop, nu ndefat ke refuuma, bo ta yoqaa a cengir akeeke.»

A pi ake 18:14

Ye Pool a bugna o lay, Galyoŋ a ɗegooxaan, a lay Yaawuur waa yee: «A soƥ’angaa yee njofaƭar mbaat pariƴ a reeƭu, muñankoogaam a nuun, too nan-giloox a nuun, nuun Yaawuur we.

Mace 17:17

Yeesu a doonaan ee: «Xeet fa ƥoowu too a gimaƭar! Kaam refkaa fa nuun boo a mban? Kaam ee kaam gadooxkaa a nuun boo a mban? Ƥisiidaamoo o ten meeke!»

2 Maad we 5:3

Na bes fa leng, o njaaƈ onqaa a laya o yaal mbind um o tew ee: «Giimee rek o yaal mbind es a fad’angaa Samari maa no tuleer Roog oxaa refna maaga, a wodandkoogaan na tik-a-maak ale ten.»

Yosuwe 7:7

Yosuwe a laya yee: «Ey, o Yaal oxe na refkaa boo faw, xar taxu o jootniid a in a Yordaan? Ndax kaa o bug o ɓoxot a in na xa ƥay no Aa-amori we soo saŋiknoor a in? Giimee rek bo i yoq’ina no saax o lakas ole Yordaan!

A lim ale 11:29

Moyiis a doonaan ee: «Ndax kaa o naalaxam! Um waag’angaan xeet fee no Yaal oxe fop a tapoor, a ndef duleer, yaam o Yaal oxe a fudin Yiif um took den.»