2 Korint 10:7 - NQAARIIT NE ROOG

⁷ Mbi’yo o ndang, too naang jak fo a kid nuun ne tikoorik ke a nandna. Oxuu ta woorna yee Kiristaa jegun, fat a ɓek no yiif um ee neene itam Kiristaa a jegtu a in.

2 Korint 10:7 Referans Kwoze

2 Korint 5:12

Refee yee kaa i mbokatahinaa a qoox in fa nuun, ndaa kaa i mbug nu njeg kaa nu mbakoorna na in. Yaaga, xan nu mbaag o ndoon we na mbakoortaa ke yulna a ngid, a mbañ ke saxna no xeeñ.

1 Korint 14:37

O kiin a foogangaa yee oxaa na jo’tanaa a Roog oo mbaat ta foog ee kaa daaw ci’it lakas no Yiif le, fat a ɓek no yiif um ee keene binduuma kebil no Yaal oxe yoo.

2 Korint 11:23

Ndax kaa ndef jaajal Kiristaa? Um lay a nuun ƭof boog, yaam mi moƴun o ref a den. Kaam moƴ o jal a den, moƴ o ɓekel a den kaso, moƴ o xawel, boo kaam gen’u sax no ñaaƴaa took a semb es.

YEGIL MBAAX NE YEESU ne Saŋ a bindtuuna 7:24

Baa o nand a taxat nu ƥanjaa, naangyo ndoonaa a kid nuun no cofel.»

1Saŋ 4:6

In o mat, na Roog i mbogu. Oxe andna a Roog, kaa nan-gilooxaa a in. Oxe fogeerna na Roog koy, nan-gilooxkee in. Meene i andtaa Yiif le no ndigil ne fo yiif le na mo’andaa.

1 Korint 9:1

Ii, mee ndax kaa jegiim a xoox es? Ndax kaa refiim apootar, o Yaal in Yeesu Kiristaa a feeñooxaam? Kaa calel es ɓisiidee a nuun no Yaal oxe?

1 Korint 3:23

ndaa Kiristaa jegu a nuun, Roog a jeg a Kiristaa.

Galati 3:29

Kiristaa a jegangaa a nuun koy, xa taan Abraham nu ndefu, too yaaga xan nu lam ke Abraham a regeena.

2 Korint 10:1

Mi Pool fa xoox es na xeɗooxaa a nuun na pexey o ɓuuɓel fo o paaxel ole Kiristaa, mi fee na layeel ee kaam neewaandoox na kid nuun, too ɗom tig bo na nuun yaa laqooxuuma.

1 Korint 1:12

Kene um ne’aa: Wene kaa layaa yee: «In, Pool i ndeefaa», weeke yee «Apolos», waana yee «Kefaas», lakas we yee «Kiristaa i ndeefaa».

2 Korint 13:3

yaam kaa nu mbaaƭaa kaa lalitna yee Kiristaa na layaa na mi, o ten oxe heeseerna mbaambir nuun, ndaa a ref o cegu katil a ndeer nuun.

2 Korint 12:11

Kaam ɗofoogu, ndaa nuun o mat ƥek’axam teen, yaam nu mbaraxam o kañaa. Andaam ee um tek’ee tus oo, apootar hupalu we nuun na magnandoo­xaa ngupiraam no tus.

2 Korint 11:18

Ne mayu a mbakoortaa kiihiin, mi o mat oo, bugaam o fakoox nen a den.

2 Korint 11:4

Yaam o kiin a garangaa, a waare’aa a nuun a Yeesu fa lakas faa refeerna fee i mbaare’na mbaat ta soƥ ee kaa nu ndaaw yiif lakas laa fogreerna fo le nu ndaawna mbaat yegil mbaax lakas naa refeerna ne nu ndaawna, kaa nu njaɓanan a paax.

1 Korint 15:23

oxuu refna na seek um no qod ole, Kiristaa a adoox, wiin um a ndeef, no ñaal naa ta nomtooxiidkaa.

YEGIL MBAAX NE YEESU ne Lik a bindtuuna 16:15

Yeesu a laya a den ee: «Kaa nu mbi’ooxaa wiin jofu mbaambir no wiin we, ndaa Roog a anda ke refna kam a qeeñ nuun. Ke wiin we a ƭeetaa nen tig maak, Roog a sibu.

Mace 23:5

Kuu da mbi’aa, kaa mbug soom wiin we a nga a den. Kaa ndokooxaa a safe yaaju fo a ndoki maak akaa njegna pic.

1 Sami’el 16:7

Kaa koy, o Yaal oxe a laya a Sami’el ee: «Baa ne ta jagna soo a jeg a keen a yul a ngid of, yaam jilinum. Naagiim o ɗeetaa no ke wiin we a ƭeetaa. O kiin oxe, ke yulna a kid um rek a ɗeetaa, ndaa mi fee o Yaal oxe o mat, kam ee kam xeeñ um ɗeetaa.»