2 Korint 10:5 - NQAARIIT NE ROOG

⁵ nduguñaa a magnandax aluu na yaqanaa o and a Roog, soo tañ-tañnaa a qalaat akuu ndefna ndax da nanan a Kiristaa.

2 Korint 10:5 Referans Kwoze

Hebre 4:12

Yaam fa lay fee Roog kaa ñoow too a saƭik. Ten moƴu o weel saamar. Kaa godaa boo a daaw me o laaw fo yiif a nqetna, a suur boo me a kiɓ cer fo yuur a nqetna. Kaa jaqtaa paax fo paaxeer na pug fo na qalaat no kiin.

Esayi 55:7

Fat o soxodu xe a waas a ƭat um, o piifi paaxeer oxe a supit a qalaat um. Fat a ngeleeroox farna fo o Yaal oxe na yirimkaa a den, a njaɓnoox na Roog in fee na waasantaa boo ta dey sik.

O leetar ole Pool a bindna GIMU WE NGENNA ROM 7:23

Kaa koy, a jega lakas kaa ga’uuma, ta heblaxam no cer es. Kaa maafraa fo ke o jeg-yiif es a heblaxam, soo a damaam mbaƭ no ke bakaad fee a heblaxam, um fi’in no cer es.

Mace 15:19

Yaam a qalaat a paaxeer ake fo barir ke fo ceeq ke fo pesanir ke fo kuuƭ ke fo seede paaxeer ke fo a ben ake fop, no xeeñ a inooraa.

O leetar ole Pool a bindna GIMU WE NGENNA ROM 1:21

yaam kaa da and a Roog boo a ƈut, soo a mbañin o ƥoxot o ndam nen a Roog, ne’katiim koy da ngidman. Kaa kuuc, a mo mir kam a qalaat den, soo a qeeñ den ake mbofeerna o and o leng, a ndiim kam o niɓaan.

1 Korint 3:19

Yaam o jeg-yiif ole na adna feeke, o ñak-xoox Roog a fi’un. Ten taxu ta layel na Pind a Tedu ke yee: «Roog kaa maaftaa jegu yiif we o ƴiƴ den.»

Yeremi 4:14

O Yaal oxe kaa tee: «Wo Yeerusaleem, ɓogdi xeeñ of no kañaan, ndax o muc. A qalaat a paaxeer of ake kaa ngenkaa kam of boo a mban?

A kim a tedu ke 139:2

Um moofangaa mbaat um inoox, andaa. Andaa yuuƥ es yaaga ɗaapafuliim a den sax.

1 Korint 1:19

Ne a Pind a Tedu ke a layitna yee: «Xam mo’and o jeg-yiif ole no jegu yiif we, yaal-o-and we, um sañit o and den.»

Xa peƭit axe 15:26

O Yaal oxe kaa sib a qalaat a paaxeer ake, fa lay fa mbaax o mat a felin.

A kim a tedu ke 10:4

O soxodu xe xalamee fuux le no Yaal oxe too kaa layaa fo o cok um took ee: «Roog jegee.» Keene refu a qalaat um fop.

Hebre 5:9

Neene a ñaktu sik, boo a refat a cur a muc a pagkeer ale no we nananuuna fop.

1 Piyeer 1:22

Ne nu nananna ndigil ne, nu nqoolanda xa laaw nuun, ndax nu mbex tigi we nu mbogitna o ngim. Mbexiryo a paax boog a ndeer nuun fo xeeñ letu.

Heseki’el 17:24

Maaga, taxar ke na xa qol axe fop xan a and ee mi o Yaal oxe, kaam neewandaa ndaxar yimbil ne soo magnand ndaxar neewu ne, weernaa ndaxar ne xuƥna sap soo xuƥandatin ndaxar mbeeru ne. Mi o Yaal oxe layun too xam fi’in.»

2 Tesalonik 2:8

Maaga, xan mbir ne no njofaƭar ne a feeñ. Kaa koy, xan o Yaal oxe Yeesu a wuuɗin ta fi fo ut, soo a sooynin na pexey a qoolaand ale na kar um.

Xa peƭit axe 24:9

Fanxoy fee, bakaad doŋ a xalaataa, o qaaxaadnax oxe a sibel a ndeer no wiin we.

YEGIL MBAAX NE YEESU ne Lik a bindtuuna 1:51

A fi’a a pi katil fo a naax um, a pasar we magnandooxna na qeeñ den.

2 Tesalonik 2:4

Kaa fapoox, soo a inooxan fop ke na xoyeel Roog mbaat ta faɗooxeel. Xan a inooxan keene, boo a ret a moof no faɗoorand ole Roog, soo a lambnaa yee Roog a refu.

Esayi 59:7

O fi paaxeer doŋ a ƈufanaa, a ñofandooxanaa o mbar o cofu xe. Yuuɓee dara a refangeerna o mbi lakas we paaxeer. Muu da ndeefna, a mbaas maaga yaqe fo boom.

Esayi 2:17

O kiin oxe magnandooxna xan a lupandoox, soo o kiin o maak oxe a neewandel. Na bes faaga, o Yaal oxe soom na andkeel nen oxaa yoɗooxna,

A cangatin ale 15:9

Fat nu mbootoox koy o njeg a qalaat a paaxeer yaam layaa taa kam nuun ee: ‹Ndiiki o hiid o ɓetuu ɗikandeer ole a gar, o hiid ole na baasan ale na xa lad axe.› Baa keene a tax nu ƭeet o pog nuun o ndoolu a ngid a pariƴ, tee kaa nu mbañan o ci tig. Maaga, a loolookangaan me no Yaal oxe yaam nuun, nuun ngadooxkoogu bakaad fee.

2 Korint 9:13

Nu kañtange calel keene, xan a simat a Roog yaam ne nu mbeejlitna yee nu nanana Yegil mbaax ne Kiristaa soo lalit o laabiir ole nu mbogna fa den no fop.

O leetar ole Pool a bindna GIMU WE NGENNA ROM 16:26

Ndiiki, kaa feeñlel kam a safe ke no duleer we, ne Roog fee na refkaa boo faw a heblituuna. Keene koy kaa andnoorel qeet ke fop, ndax da ngim, too a nanan.

2 Maad we 19:22

An wenoogo soo tooñan? An ŋaloogo? Kaa o fooraam a kid, mi o Tedu xe Isra’el.

O leetar ole Pool a bindna GIMU WE NGENNA ROM 1:5

No ten daawtum yirmande fo waag o ref apootar boo qicaa qeet ke fop, da ngim no ten, too a nananin, ndax gon um a simatel.

Esayi 60:14

Xa ƥiy axe no we ñagadiloogoonga xan a matiidong, a lupandoox. Fop we nqaadnooxoogoonga xan a ngooknoox na caf of, a nqoyang teeru fee no Yaal oxe, Siyoŋ fee no Tedu xe Isra’el.

2 Maad we 19:28

Ne fuuxanaxamoona, soo a magnandax of a nannoox no nof es, xam rokong o heɗ no ñis fo a laxaaɓ no don soo nomtong cook no mbind of, o xotatin a ƭat ale garit’oona garit.

1 Piyeer 1:2

Roog Faap fee kaa jil a nuun, yaam kaa yuuɓ’un no mberaand naa, ndax nu kesel na pexey Yiif Tedu le, nanan a Yeesu Kiristaa, soo nqoolandtel fo’oy le ten. Yaasam yirmande fa jam a mayƭandel took nuun!

A kim a tedu ke 18:27

Kaa o faax no xe jegna xeeñ xoolu, soo fañraa fo xe moseerna kam.

Ke bindeena no xe ne’eena YOB 42:6

Ten taxu um naag ɓot no ke layuuma fop, ricooxaa tigi, moof no fo ut fo kam ndaw.

A kim a tedu ke 18:44

Kaa o muclaxam no ñimatir ke na xeet es, fi’aam kelfa no qeet ke, too waa andeeruuma owe ndagooxaxam.

A sutax ale 5:2

Firawon fee a doona a den ee: «An refu o Yaal oxe boo um war o nanan o ñuxur um, xaƴaa xeet fee Isra’el da ndet? Andiim o Yaal oxe too xaƴkiim a den da ndet.»

Mberaand 8:21

O Yaal oxe a yega tuñ pelu soo a lay no xeeñ um ee: «Salooxkatiim lanq ke muk yaam o kiin, ke xeeñ um a yuuɓaa paaxeer fop oo no ke xotitna no ndeƥandoong um, too saŋikkatiim ke na ñoowaa fop ne fi’it’anuuma.

Yeremi 23:29

Ndax fa lay es nandee nen fiɗel, nen o leede jegu doole laa na duguñaa ɓil le?»

2 Korint 11:20

Nu njaɓa o ndamel mbaƭ, njaɓ o ŋalel, njaɓ o nguytel, njaɓ o njambel andaƭar, boo njaɓ sax o ngefel paƭ na mukit.

Filip 4:7

Yaaga xan jam fee Roog hupna o and oluu refna a xoxit a qeeñ nuun fo a yiif nuun na Kiristaa Yeesu.